Salaar Collection: 4 நாளில் 500 கோடி வசூலை நெருங்கிய சலார், வியப்பூட்டும் கலக்ஷன் விவரங்கள்...

சலார் இயக்குனர் பிரஷாந்த் நீல் இயக்கத்தில் பிரபாஸ் முன்னணி கதாபாத்திரத்தில் நடித்திருக்கும் அதிரடி - திரில்லர் திரைப்படம். இப்படத்தினை கே.ஜி.எஃப் திரைப்படத்தின் தயாரிப்பு நிறுவனமான ஹொம்பாளே பிலிம்ஸ் நிறுவனம் சார்பில் தயாரிப்பாளர் விஜய் கிரகண்டுர் இப்படத்தினை தயாரிக்க, இசையமைப்பாளர் ரவி பஸ்ரூர் இசையமைத்துள்ளார்.

அதிரடி படமாக உருவாகியுள்ள சலார் படத்திற்கு ஒளிப்பதிவாளர் புவன் கவுடா ஒளிப்பதிவு செய்ய படத்தொகுப்பாளர் உஜ்வல் குல்கரனி எடிட்டிங் செய்துள்ளார். சலார் படம் ஒரு பேன் இந்திய திரைப்படமாக தமிழ், மலையாளம், தெலுங்கு, கன்னடம் மற்றும் ஹிந்தி மொழியில் உருவாகியுள்ளது.

இயக்குனர் பிரஷாந்த் நீல் இயக்கத்தில் உருவாகியுள்ள சலார் திரைப்படம் விமர்சனம் & வசூல் என இரு தரப்பிலும் பல சாதனைகள் படைத்து வருகிறது. கே ஜி எஃப் படம் மூலம் உலக சினிமாவிற்கே தன்னை நிரூபித்து காட்டிய இயக்குனர், பிரஷாந்த் நீல் தற்போது சலார் படம் மூலம் மீண்டும் பாக்ஸ் ஆஃபீஸ் சாதனையை கிறங்கடித்துள்ளார்.

சலார் படத்தின் இயக்குனர் பிரஷாந்த் நீல் தனது அறிமுக திரைப்படமான 'உக்ரம்' படத்தின் கதைக்கருவை எடுத்துக்கொண்டு கே ஜி எஃப் பட பாணியில் முற்றிலும் அதிரடியாகவும், பிரமாண்ட தயாரிப்பில் சலார் படத்தினை உருவாக்கியுள்ளார். இப்படம் வெளியாகி பலரால் கொண்டாடப்பட்டு புகழ் பெற்றுள்ளது.

சலார் திரைப்படம் வெளியான முதல் நாளான 2023, டிசம்பர் 22ல் இப்படம் 178.50 கோடிகளுக்கு மேல் வசூலித்து சாதனை படைத்திருக்கிறது. இதுவரை எந்த இந்திய திரைப்படமும் இவ்வளவு பெரிய பிரமாண்ட சாதனையை படைத்தது இல்லை. பான் இந்தியா படமாக வெளியான பிரபாஸ் நடித்துள்ள சலார் எந்த படமும் படைக்காத சாதனையை படைத்து முதல் நாளிலே பலரை ஆச்சரியப்படுத்தியுள்ளது.

சலார் திரைப்படம் வெளியான இரண்டாம் நாளில் இப்படம் 117 கோடிகளுக்கு மேல் வசூல் செய்துள்ளது. சலார் ரிலீஸ் ஆன முதல் இரண்டு நாளில் மொத்தம் 287 கோடிகளுக்கு மேல் வசூல் சாதனை படைத்துள்ளது. இதன் மூலம் இந்தியா பாக்ஸ் ஆபிஸ் பட்டியலில் சாதனை படைத்திருக்கிறது.

டிசம்பர் 22, 2023ல் வெள்ளிக்கிழமை வெளியான சலார் படம், மூன்றாவது நாளான ஞாயிற்று கிழமையில் மட்டும் 107.24 கோடிகள் வசூல் செய்துள்ளது. ஆக மொத்தம் முதல் மூன்று நாள் பாக்ஸ் ஆபிஸ் நிலவரத்தில் சலார் படம் 402 கோடிகள் வசூலித்து சாதனை படைத்திருக்கிறது.

சலார் படம் வெளியான முதல் மூன்று நாளில் 400 கோடிகளுக்கு மேல் வசூல் செய்துள்ள நிலையில், தற்போது ஐந்தாவது நாளில் மட்டும் 75+ கோடிகள் வசூல் செய்து புகழ் பெற்றுள்ளது. இப்படம் வெளியான 4 நாட்களில் 500 கோடி வசூலை நெருங்கி கொண்டாடப்பட்டு வருகிறது.

மிக பெரிய எதிர்பார்ப்பில் இந்த ஆண்டு வெளியான பல வெற்றி படங்களுக்கு இறுதியில் வெளியான சலார் படம் பல படங்களின் சாதனைகளை தவிடுபொடியாக்கி இந்த ஆண்டின் இந்தியா பாக்ஸ் ஆபிஸ் பட்டியலை அதிரவைத்துள்ளது.