பிரியங்கா தேஷ்பாண்டே மறுமணம் செய்தார்: தொலைக்காட்சி பயணம் முதல் வைரல் மறுமணம் வரை

பிரியங்கா தேஷ்பாண்டே பிரபல தமிழ் சின்னத்திரை தொகுப்பாளினி ஆவார். இவர் முக்கியமாக தமிழ் தொலைக்காட்சி மற்றும் தமிழகத் திரைப்படத்துறையில் பொழுதுபோக்கு நிகழ்ச்சிகளில் பணியாற்றுகிறார். இந்தத் துறையில் அதிக சம்பளம் வாங்கும் தென்னிந்திய தொலைக்காட்சி தொகுப்பாளர்களில் பிரியங்காவும் ஒருவர்.

பிரியங்கா 2009 இல் ஜீ தமிழ் சேனலில் திஸ் சிர்பி கேர்ள், அழகிய பெண்ணே மற்றும் இசை அன்ப்ளக்ட் ஆகிய நிகழ்ச்சிகளை தொகுத்து வழங்கியதன் மூலம் தனது வாழ்க்கையைத் தொடங்கினார். பின்னர் இவர் சன் டிவியில் சேர்ந்து நான்கு வருடங்கள் தொடர்ச்சியாக பல நிகழ்ச்சிகளை தொகுத்து வழங்கினார். பின்னர் 2015 ஆம் ஆண்டு ஸ்டார் விஜய்யின் ஊ சொல்ரியா ஊகும் சொல்ரியா, கலக்கப் போவது யாரு? , சூப்பர் சிங்கர் ஜூனியர், எயார்டல் சூப்பர் சிங்கர், தி வால், ஸ்டார்ட் மியூசிக், ஒல்லி பெல்லி, சூரிய வணக்கம், இசை அன்லைக்டு, அழகிய பெண்ணே, கிளிப்ஸ், ஜோடி நம்பர் ஒன் மற்றும் கிங்ஸ் ஆஃப் காமெடி ஜூனியர்ஸ் போன்ற பல தொலைக்காட்சி நிகழ்ச்சிகளை தொகுத்து வழங்கியதற்காக இவர் நன்கு அறியப்பட்டவர்.

பிரியங்கா 2016 ஆம் ஆண்டில் பிரவீன் குமார் என்னும் நிகழ்ச்சி இயக்குனரை காதலித்து திருமணம் செய்து கொண்டார். 2022 ஆம் ஆண்டில் பிரியங்காவும் இவரது கணவர் பிரவீன் குமாரும் விவாகரத்து செய்ததாகக் கூறப்பட்டது. பின்னர் பிரியங்கா இது ஆதாரமற்ற வதந்தி என்று நிராகரித்தார். இருப்பினும் இருவருக்குள் கருத்து வேறுபாடு இருந்த காரணத்தினால் இவர்கள் பின்னர் விவாகரத்து செய்து கொண்டனர். 

2021 ஆம் ஆண்டில், இவர் கமல்ஹாசன் தொகுத்து வழங்கிய தொலைக்காட்சி நிகழ்ச்சியான பிக் பாஸ் தமிழ் 5 இல் ஒரு போட்டியாளராக இணைந்து முதல் இரண்டாம் இடத்தைப் பிடித்தார்.

பிரியங்கா இந்த வருடம் ஏப்ரல் 16 ஆம் தேதி வசி என்பவரை மறுமணம் செய்திருக்கின்றார். இருவர்களது திருமணம் நெருங்கிய நண்பர்கள் மற்றும் குடும்பத்தினர் வட்டாரத்தில் நடைபெற்றது. இவர்களது திருமண புகைப்படங்கள் சமூக வலைத்தளத்தில் வெளியாகி வைரலாகிக் கொண்டு வருகின்றது. திருமணம் புகைப்படங்கள் வெளியாவதற்கு முன் இவர் திருமணம் செய்து கொள்ளப் போகிறேன் என்று எந்த ஒரு குறிப்புகளையும் இணையதளத்தில்  பகிரவில்லை. இவரது கணவரைப் பற்றி இன்னும் விவரங்கள் பெரிதும் தெரியவில்லை.