தளபதி 69 படத்திற்கு புதிய சிக்கல்... காரணம் விஜய் எடுத்த முடிவு தான்!

தளபதி விஜய் - தமிழ் சினிமாவில் பல கோடி ரசிகர்களின் ஆதரவில் முன்னணி நடிகர்களில் ஒருவராக ஜொலித்து வரும் பிரபலம், விஜய். பல வெற்றி படங்கள், பாக்ஸ் ஆபிஸ் கிங் என ரசிகர்கள் மத்தியில் கொண்டாடப்படும் இவர், 200 கோடிகளை வரை சம்பளம் வாங்கும் நடிகர் ஆவார். 

தி கிரேட்ஸ்ட் ஆஃப் ஆல் டைம் (கோட்) - இயக்குனர் வெங்கட் பிரபு இயக்கத்தில் நடிகர் விஜய் இருவேடங்களில் நடித்து வரும் திரைப்படம். இப்படம் இந்த ஆண்டு 2024 செப்டம்பர் 5ல் வெளியிட முடிவு செய்து படப்பிடிப்பு பணிகளில் தீவிரம் காட்டி வருகின்றனர், படக்குழுவினர். AGS தயாரிப்பு நிறுவனம் தயாரிக்கும் இப்படத்திற்கு இசையமைப்பாளர் யுவன் ஷங்கர் ராஜா இசையமைத்துள்ளார். ரசிகர்களிடம் எதிர்பார்ப்பை அதிகரித்து தயாராகி வரும் இப்படம், ஓடிடி, தொலைக்காட்சி உரிமை என பல இடங்களில் வியாபாரத்தை தொடங்கி தற்போதே லாபத்தை பெற்றுள்ளனர், தயாரிப்பாளர்கள்.

தளபதி விஜய் விரைவில் சினிமாவை விட்டு விலகி அரசியல் என்ட்ரி கொடுக்கப்போகிறார் என தகவல்கள் வெளியாகி ரசிகர்கள் மத்தியில் பரபரப்பை ஏற்படுத்தியுள்ளது. இதனை தொடர்ந்து இவர் இறுதியாக ஒரே படம் நடித்து விட்டு சினிமாவை விட்டு விலக இருப்பதாக தகவல்கள் வெளியாகி உள்ளது. இதனால் விஜய் ரசிகர்கள் தங்களின் ஆதரவையும், அரசியல் வருகைக்கு வாழ்த்துகளுக்கு அளித்து கொண்டாடுகின்றனர்.

தளபதி 69 - நடிகர் விஜய்யின் அரசியல் என்ட்ரி அறிவிப்பிற்கு பின்பு இவர் நடிக்கும் இறுதி படம் என்பதால் இப்படத்திற்கு பெரிய அளவில் எதிர்பார்ப்புகள் அதிகரித்து உள்ளது. இப்படத்தின் குழு பற்றிய வதந்திகள் பல சமூக வலைத்தளத்தில் வெளியாகி வைரல் ஆகியுள்ளது. 

அஜித் குமார் நடித்த நேர்கொண்ட பார்வை, வலிமை, துணிவு படங்களை  வினோத் இப்படத்திற்கு தற்போது இயக்குனராக ஒப்பந்தமாகி உள்ளார் என தகவல்கள் வெளியாகி பலர் மத்தியில் பேசப்படுகிறது. இதனால் இப்படம் மக்களின் கருத்துகள் மற்றும் பிரச்சனையை பற்றிய படமாகவும், அரசியல் சாயல் உள்ள படமாகவும் இருக்கும் என ரசிகர்கள் இப்போதே எதிர்பார்ப்பை அதிகரித்து வருகின்றனர்.

லியோ படத்தின் பிரமாண்ட வெற்றியை தொடர்ந்து, தளபதி விஜய் தமிழ் சினிமாவில் 150 கோடிகள் முதல் 200 கோடிகள் வரை சம்பளம் வாங்குகிறார் என தகவல்கள் வெளியாகி வருகிறது. தற்போது விஜய் நடித்து வரும் தி கிரேட்ஸ்ட் ஆஃப் ஆல் டைம் (கோட்) படத்திற்கு 150 கோடிகளுக்கு மேல் சம்பளம் வாங்கியுள்ளார் என சமூக வலைத்தளத்தில் வெளியான தகவல்கள் தொடர்ந்து தமிழ் சினிமாவில் அதிக சம்பளம் வாங்கும் டாப் நடிகர் விஜய் என்ற புகழினை இவர் அடைந்துள்ளார்.

தற்போது விஜய் தனது சம்பளத்தில் 50 கோடிகள் அதிகரித்துள்ளார் என தகவல்கள் வெளியாகியுள்ளது. இவர் நடிக்கும் தளபதி 69 படத்திற்கு 200 முதல் 250 கோடிகள் வரை இவர் சம்பளம் வாங்க உள்ளார் என செய்திகள் கசிந்து கோலிவுட் திரையுலகில் பேசும் பொருளாக மாறியுள்ளது.

ஹச் வினோத் இயக்க தளபதி விஜய் நடிக்க இருப்பதாக வெளியான தகவலை தொடர்ந்து, இந்த கூட்டணியை வைத்து தயாரிக்க பல தமிழ் சினிமா தயாரிப்பு நிறுவனங்கள் ஆர்வம் காட்டுகிற நிலையில், தற்போது விஜய் எடுத்துள்ள இந்த சம்பள உயர்வு முடிவை கண்ட பல தயாரிப்பாளர்கள் அஞ்சிய தளபதி 69 பட வாய்ப்பினை மறுக்கின்றனர். தற்போது ஒரு புதிய தயாரிப்பு நிறுவனம் உடன் பேச்சுவார்த்தை நடந்து வருவதாக செய்திகள் கசிந்துள்ளது.

பெரும்பாலும் தெலுங்கு பட தயாரிப்பாளருக்கு தளபதி 69 படத்தினை தயாரிக்கும் வாய்ப்பு கிடைக்க அதிக வாய்ப்பு உள்ளது என பல தமிழ் சினிமாவை விமர்சகர் தங்களின் கருத்துகளை சமூக வலைத்தளத்தில் பகிர்ந்து வருகின்றனர்.