உழைப்பாளர் தின சிறப்பாக தமிழ் சினிமாவின் தொழிலாளர் பாடல்கள்

எழு வேலைக்காரா

வேலைக்காரன் இயக்குனர் மோகன் ராஜா இயக்கியுள்ளார். இப்படத்தில் சிவகர்த்திகேயன், நயன்தாரா, ஃபகத் பாசில், பிரகாஷ்ராஜ், ஸ்நேகா, ரோபோ சங்கர், சதீஷ், ஆர்.ஜே.பாலாஜி, சார்லி, தம்பி ராமையா உள்பட பெரிய நட்சத்திரப் பட்டாளமே இந்தப் படத்தில் நடித்திருக்கிறார்கள். இந்தப் படத்தில் இடம்பெற்றுள்ள எழு வேலைக்காரா பாடலை கேட்காத உழைப்பாளியே இருந்திருக்க முடியாது என்ற அளவிற்கு இந்தப் பாடல் மெகா ஹிட் ஆனது. இந்தப் பாடலுக்கு அனிருத் ரவிச்சந்திரன் இசையமைக்க விவேக் எழுதியுள்ளார் இந்தப் பாடலை சித்தார்த் மகாதேவன் பாடியுள்ளார்.

உழைப்பாளி 

உழைப்பாளி 1993 இல் வெளியான ஒரு தமிழ்த் திரைப்படமாகும். இயக்குனர் பி. வாசு இயக்கிய இத்திரைப்படத்தில் முக்கிய கதாபாத்திரங்களில் ரஜினிகாந்த், ராதாரவி, ரோஜா உள்ளிட்ட பலரும் நடித்திருந்தனர். இப்படத்தின் பாடல்களுக்கு இளையராஜாவும், பின்னணி இசையை அவரது இரண்டாவது மகனான கார்த்திக் ராஜாவும் இசையமைத்திருந்தனர். அனைத்து பாடல்களையும் கவிஞர் வாலி எழுதியிருந்தார். 

செங்க சூழ கார

வாகை சூட வா, 2011 ஆம் ஆண்டு வெளிவந்த தமிழ்த் திரைப்படம். நகைச்சுவை கலந்த காதல் திரைப்படமான இதனை இயக்கியவர் ஏ. சற்குணம். இத்திரைப்படத்தில் விமல், இனியா, முக்கிய கதாபாத்திரங்களிலும் கே. பாக்கியராஜ், பொன்வண்ணன், தம்பி ராமய்யா ஆகியோர் துணைக் கதாபாத்திரங்களிலும் நடித்திருக்கின்றனர். சிறந்த தமிழ்த் திரைப்படத்துக்கான தேசிய விருது பெற்றுள்ளது இத்திரைப்படம். இந்தப் பாடலுக்கு ஜிப்ரான் இசையமைக்க வைரமுத்து வரிகள் எழுதியுள்ளார். அனிதா அவரது குரலில் இந்த பாட்டுக்கு மேலும் உணர்ச்சி சேர்த்துள்ளார்.     

ஜன கண மன

ஆய்த எழுத்து 2004-ம் ஆண்டு வெளிவந்த அதிரடித் திரைப்படம். இத்திரைப்படத்தினை இயக்குனர் மணி ரத்னம் இயக்கியுள்ளார். இப்படத்தில், சூர்யா, மாதவன், சித்தார்த், மீரா ஜாஸ்மின், த்ரிஷா மற்றும் பல நட்சத்திரங்கள் இணைந்து நடித்துள்ளனர். இந்தப் பாடல் ஏ ஆர். ரகுமான் இசையில் பாடகர் கார்த்திக் பாடியுள்ளார், இந்தப் பாடல் வரிகளை வைரமுத்து எழுதியுள்ளார்.

ரெட் ரெட்

ரெட் 2002 ஆம் ஆண்டு இயக்குனர் ராம் சத்யா இயக்கத்தில் அஜித், பிரியா கில், மணிவண்ணன், ரகுவரன் மற்றும் பலர் நடித்த அதிரடி காதல் திரைப்படம். இத்திரைப்படத்திற்கு இசையமைப்பாளர் தேவா இசையமைத்துள்ளார். உழைப்பாளர்களின் அடையாள நிறமான சிறப்பு நிறத்தை போற்றும் வகையில் இந்தப் பாடல் எழுதப்பட்டுள்ளது.