தொடர் தோல்வியில் சிக்கி தவிக்கும் டாப் தமிழ் சினிமா நடிகர்கள்...

சூர்யா சிவகுமார் - தமிழ் சினிமாவில் முன்னணி நடிகர்களில் ஒருவர் ஆவார். இவர் தன்னை தானே ஒரு முன்னணி நடிகராக காட்டிக்கொண்டு வருகிறார் என பல கருத்துகள் தமிழ் சினிமாவில் உள்ளது. காரணம் இவர் திரையரங்கு ரிலீஸ் செய்துள்ள சிங்கம் 3 (2017), தானா சேர்ந்த கூட்டம் (2018), NGK (2019), காப்பான் (2019), எதற்கும் துணிந்தவன் (2021) ஆகிய படங்கள் படுதோல்வி அடைந்துள்ளது.இவர் நடித்த ஜெய் பீம் மற்றும் சூரரைப்போற்று படம் ஓடிடியில் நேரடியாக வெளியாகி மக்கள் மத்தியில் நல்ல விமர்சனங்கள் பெற்றுள்ளது. திரையரங்கு ரிலீஸ் பொறுத்தவரை நடிகர் சூர்யா தொடர் தோல்வியில் தான் சிக்கியுள்ளார்.

தமிழ் சினிமா ரசிகர்கள் மத்தியில் 'சியான்' விக்ரம் என்று கொண்டாடப்படும் நடிகர். இவரது நடிப்பில் சமீபத்தில் தங்கலான் திரைப்படம் வெளியாகியுள்ளது. திரைப்படத்திற்கு படம் வெவ்வேறு கதாபாத்திரம் மற்றும் தோரணை என வெரைட்டி காட்டி நடித்து வருகிறார், விக்ரம். இவர் முன்னணி கதாபாத்திரத்தில் நடித்த லேட்டஸ்ட் படங்களான கோப்ரா (2022), தங்கலான் (2024), கடாரம் கொண்டான் (2019), ஸ்கெட்ச் (2018) சாமி 2 (2018) என பல திரைப்படங்கள் தோல்வி அடைந்துள்ளது. சமீபத்தில் வெளியான தங்கலான் திரைப்படமும் விமர்சன ரீதியில் ரசிகர்கள் மத்தியில் கொண்டாடப்படவில்லை.

விஜய் ஆன்டனி - தமிழ் சினிமாவில் இசையமைப்பாளர் மற்றும் நடிகராக பணியாற்றி வரும் பிரபலம் ஆவார். பிச்சைக்காரன் படத்தின் மூலம் ரசிகர்கள் மத்தியில் கொண்டாடப்பட்ட இவர், சமீப காலமாக தொடர் தோல்வி திரைப்படங்களில் சிக்கி வருகிறார். இவரது நடிப்பில் வெளியான ரோமியோ, மழை பிடிக்காத மனிதன், தமிழரசன், கொலை, ரத்தம் ஆகிய படங்கள் பாக்ஸ் ஆபிஸ் பட்டியலில் இடம்பெறாமல் தோல்வி அடைந்துள்ளது.

ஜெயம் ரவி - தமிழ் சினிமாவில் பல வெற்றி படங்களில் நடித்து பிரபலமானவர், ரவி. தனது முதல் படமான 'ஜெயம்' படத்தின் வெற்றியை தொடர்ந்து தனது பெயரோடு அடைமொழியாக சேர்த்து ஜெயம் ரவி என அறியப்படுகிறார். இவர் சமீப காலமாக நடித்து வரும் தமிழ் சினிமா படங்கள் எதுவும் இவரின் திரைப்பயண வெற்றிக்கு கைகொடுக்கவில்லை. சைரன், இறைவன், அகிலன், பூமி என தொடர்ந்து தோல்வி படங்களில் நடித்து வருகிறார், ஜெயம் ரவி.

ஜி வி பிரகாஷ் குமார் - தமிழ் சினிமாவில் இசையமைப்பாளர் மற்றும் நடிகர் என இரு துறையில் பணியாற்றி வருகிறார். இசையில் ஜி வி பிரகாஷ் குமார் பெரிய அளவில் ரசிகர்கள் மத்தியில் கொண்டாடப்பட்டு வருகிறார். ஆனால் திரைப்பட நடிகராக இவர் தமிழ் சினிமாவில் பிரபலமாகவில்லை. பல தமிழ் சினிமா படங்களில் நாயகனாக நடித்து வரும் இவர், நடிகராக நஷ்டத்தை அடைந்துள்ளார்.

ஆர் ஜே பாலாஜி தமிழ் சினிமாவில் நகைச்சுவை கதாபாத்திரத்தில் நடித்து அறிமுகமாகி, பின்னர் முக்கிய கதாபாத்திரத்தில் அறிமுகமாகி தற்போது இயக்குனர், நாயகன் என பணியாற்றி வருகிறார். LKG, மூக்குத்தி அம்மன் என பிளாக் பஸ்டர் படங்களை இயக்கி, நடித்து பிரபலமாகியுள்ள இவர், தற்போது பல தோல்வி படங்களில் நடித்து வருகிறது. இவரது நடிப்பில் சமீபத்தில் வெளியான சிங்கப்பூர் சலூன், ரன் பேபி ரன் திரைப்படம் பெரும் தோல்வி படமாக அமைந்துள்ளது.

அசோக் செல்வன் - தமிழ் சினிமாவில் சூது கவ்வும், தெகிடி திரைப்படத்தில் நடித்து அறிமுகமானவர். இவரது திரைப்பயண ஆரம்ப காலத்தில் நல்ல படங்கள் மூலம் பலரின் கவனத்தை கவர்ந்துள்ள இவர், அடுத்தடுத்து பல தோல்வி படங்களில் நடித்து வருகிறார். இடையில் ஒரு சில படங்கள் இவரின் திரைப்பணத்தில் ஹிட் படமாக அமைந்தாலும், பல படங்கள் அடுத்தடுத்து தோல்வி படமாக அமைந்து வருகிறது. சமீபத்தில் அசோக் செல்வன் திரைப்பயணத்தில் ப்ளூ ஸ்டார், பொன் ஒன்று கண்டேன், சபா நாயகன், எஸ்டேட், நித்தம் ஒரு வானம் என பல தோல்வி படங்கள் உள்ளது.