Leo FDFS: லியோ பட முதல் காட்சிக்கு ஏன் இவ்வளவு குழப்பங்கள்? முழு விவரங்கள் இதோ

இயக்குனர் லோகேஷ் கனகராஜ் இயக்கத்தில் விஜய், திரிஷா, சஞ்சய் தட், அர்ஜுன் என பல தமிழ் முன்னணி நடிகர்கள் நடித்திருக்கும் அதிரடி - திரில்லர் திரைப்படம். இப்படத்தினை 7 ஸ்க்ரீன் ஸ்டுடியோஸ் நிறுவனம் தயாரிக்க, இசையமைப்பாளர் அனிருத் ரவிச்சந்தர் இசையமைத்துள்ளார்.

இப்படத்தின் தயாரிப்பாளர் லலித் குமார், லியோ படத்தினை உலகம் முழுவதும் விநியோகம் செய்துள்ளார். இப்படம் 2023 அக்டோபர் 19ல் வெளியாகிறது.

லியோ திரைப்படம் உலகம் முழுவதும் 2023, அக்டோபர் 19ல் வெளியாகவுள்ள நிலையில், இப்படத்தின் ஆன்லைன் புக்கிங் பணிகள் தொடங்கப்பட்டுள்ளன. இப்படத்தின் அதிகாலை முதல் நாள் முதல் காட்சி-க்கு பல குழப்பங்கள் எழுந்துள்ளன. இதனை பற்றிய விரிவான தகவலை இங்கு காணலாம்.

பல முன்னணி தாயரிப்பு நிறுவனங்கள் இணைந்து இப்படத்தினை விநியோகம் செய்துள்ள நிலையில் ரசிகர்கள் மத்தியில் லியோ படத்திற்கு பெரிய அளவில் எதிர்பார்ப்புகள் உல்ளன. இதன் விளைவாக இப்படம் உலகளவில் ரிலீசிற்கு முன்னாள் பல சாதனைகளை படைத்து வருகிறது.

லியோ படத்தின் ஆடியோ லான்ச் நிகழ்ச்சி பல இடங்களில் நடத்தப்படுவதாக அறிவிக்கப்பட்டு இறுதியில் சென்னையில் உள்ள நேரு ஸ்டேடியம் இடத்தில் ஆடியோ லான்ச் நிகழ்ச்சி நடப்பதாக அதிகாரப்பூர்வ தகவல்கள் படக்குழு சார்பில் வெளியிடப்பட்டது. இறுதியில் ஒரு சில நாட்களுக்கு முன் லியோ ஆடியோ லான்ச் நிகழ்ச்சி ரத்து என படத்தின் தயாரிப்பாளர் லலித் குமார் தனது எக்ஸ் பக்கத்தில் அறிவித்தார்.

லியோ படத்திற்கு முதல் நாள் முதல் காட்சிக்கான அதிகாலை காட்சியை தமிழக அரசு ரத்து செய்து, முதல் காட்சியே காலை 11 மணிக்கு தொடங்கவேண்டும் என்ற அறிவிப்பை வெளியிட்டது. இதன் தொடர்பாக பல ஊடகங்களில் பல விமர்சனங்கள் எழுந்தன. விஜய்யின் அரசியல் அறிவிப்பு மற்றும் அரசியல் விமர்சனம் உடைய பேச்சுகள் தான் இதற்கு காரணம் என பலர் விமர்சித்துள்ளனர்.

லியோ படத்திற்கு 2023 அக்டோபர் 19 அன்று அதிகாலை 9 மணிக்கு திரைக்கு வெளியிட அதிகாரப்பூர்வ அறிவிப்பை தமிழக அரசு தற்போது அறிவித்துள்ளது. மொத்தம் 4 காட்சிகள் மட்டுமே ஒளிபரப்பப்பட வேண்டும் என தமிழக அரசு அறிவித்துள்ளது.

இதற்கு முன் வெளியிட்ட அறிவிப்பில் முதல் நாளில் 6 காட்சிகளுக்கு அனுமதி அளித்த நிலையில், தற்போது விரிவாக இந்த அறிவிப்பை வெளியிட்டுள்ளது.

தளபதி விஜய்யின் அரசியல் பேச்சுகள் தான் லியோ படத்தின் அணைத்து குழப்பங்களுக்கும் காரணம் என பல தகவல்கள் வெளியாகியுள்ளது. நடிகர் விஜய் ஆடியோ லான்ச் நிகழ்ச்சியில் நிச்சியம் அரசியல் பேச அதிக வாய்ப்பு இருப்பதால் ஆடியோ லான்ச் நிகழ்ச்சிக்கு அனுமதி அளிக்கவில்லை என பல தகவல்கள் இணையதளங்களில் வெளியாகி பரவி வருகிறது.