அமேசான் பிரைம் ஓடிடியில் ஸ்ட்ரீமிங் ஆன டாடா, வேற லெவல் ரெஸ்பான்ஸ்

டாடா - அறிமுக இயக்குனர் கணேஷ் கே பாபு இயக்கத்தில் உருவான காதல் & குடும்ப திரைப்படம். இப்படத்தினை தயாரிப்பாளர் அம்பேத் குமார் தயாரிக்க, இசையமைப்பாளர் ஜென் மார்டின் இசையமைத்துள்ளார். இத்திரைப்படம் 2023 பிப்ரவரி 10ல் திரையரங்கில் வெளியாகி விமர்சனம் & வசூல் ரீதியா வரவேற்பு பெற்று பிரபலமாகியுள்ளது.

டாடா திரைப்படத்தில் நடிகர் கவின் நாயகனாக நடித்துள்ளார். திரைப்படங்களில் இதுவரை துணை கதாபாத்திரங்களில் நடித்து வந்துள்ள கவின், லிப்ட் படத்தின் வெற்றியை தொடர்ந்து டாடா படத்தில் நாயகனாக நடித்துள்ளார். பீஸ்ட் படத்தில் நடித்த அபர்ணா தாஸ் இப்படத்தில் நாயகியாக நடித்துள்ளார். இவர்களை தொடர்ந்து கே.பாக்கியராஜ், வி டி வி கணேஷ், பிரதீப் ஆன்டனி, ஹரிஷ் குமார் என பலர் இப்படத்தில் முக்கிய கதாபாத்திரத்தில் நடித்துள்ளனர்.

பொறுப்பில்லாமல் ஊதாரியாக இருக்கும் இளைஞன் (கவின்) தனது காதலியோடு வாழ்கிறார். இவர்களுக்கு ஒரு குழந்தை பிறக்கிறது. குழந்தை பிறந்ததும் கைக்குழந்தையை கவின்-யிடம் கொடுத்துவிட்டு அபர்ணா பிரிந்து செல்கிறார். பெற்றோரின் உதவி இல்லாமல் கவின் அந்த குழந்தையை வளர்க்க முடிவெடுத்து வளர்க்கிறார். இறுதியில் என்ன ஆனது? ஏன் அபர்ணா பிரிந்து சென்றார்? என்பதே படத்தின் கதை.

டாடா திரைப்படம் திரையிடப்பட்ட ஆரம்ப காட்சியிலிருந்து இப்போது வரை இப்படம் மக்கள் மத்தியில் நல்ல வரவேற்பு பெற்று புகழ் பெற்றுள்ளது. வசூல் ரீதியாகவும் இப்படம் நல்ல லாபத்தை தந்துள்ளது. இத்திரைப்படம் ஓடிடி வெளியீட்டிற்கு பின்பும் திரையரங்கில் வெற்றிகரமாக ஓடிக்கொண்டிருக்கிறது.

டாடா திரைப்படம் 2023 மார்ச் 10ல் அமேசான் பிரைம் ஓடிடி தளத்தில் ஸ்ட்ரீமிங் செய்யப்பட்டுள்ளது. இப்படம் ஸ்ட்ரீமிங் ஆன நேரத்திலிருந்து ஓடிடி ரசிகர்கள் மத்தியில் இப்படம் கொண்டாடப்பட்டு வருகிறது. திரையரங்கில் இப்படம் கண்ட வெற்றியை தொடர்ந்து ஓடிடி தளத்திலும் டாடா திரைப்படம் புகழ் பெற்றுள்ளது.

லிப்ட் படத்தின் வெற்றியை தொடர்ந்து நடிகர் கவின் நாயகனாக நடிக்கும் இரண்டாவது படத்தில் பிரமாண்ட வெற்றி கண்டுள்ளார். இப்படத்தின் வெற்றி மற்றும் விமர்சனம் ரீதியாக இந்த ஆண்டின் சிறந்த தமிழ் பட தரவரிசையில் இப்படம் நிச்சியம் முன்னிலை இடத்தை பிடிக்கும் என எதிர்பார்க்கப்படுகிறது. வித்தியாசமான கதைக்களத்தில் தனது முதல் இரண்டு திரைப்படத்திலும் வெற்றிக்கண்டுள்ள கவின், அடுத்து படத்தில் என்ன செய்ய இருக்கிறார், என ரசிகர்கள் எதிர்பார்த்துள்ளனர்.