Star Box Office: ஆர்ப்பாட்டமாக வெளியான 'ஸ்டார்'... எதிர்பார்த்த கலெக்ஷன் இல்லாமல் தத்தளிப்பு

ஸ்டார் - இயக்குனர் இளன் இயக்கத்தில் கவின், அதிதி போஹங்கர், லால், கீதா கைலாசம், ப்ரீத்தி முகுந்தன் என தமிழ் சினிமா நட்சத்திரங்கள் பலர் நடித்திருக்கும் திரைப்படம். இப்படத்தினை தயாரிப்பாளர் பி.வி.எஸ்.என் பிரசாத் மற்றும் ஸ்ரீநிதி சாகர் இணைந்து ரைஸ் ஈஸ்ட் என்டர்டைன்மெண்ட் மற்றும் ஸ்ரீ வெங்கடேஸ்வரா சினி சித்ரா தயாரிப்பு நிறுவனங்கள் மூலம் தயாரிக்க, இசையமைப்பாளர் யுவன் ஷங்கர் ராஜா இசையமைத்துள்ளார்.

எமோஷனல் மற்றும் குடும்பங்கள் கொண்டாடும் படமாக உருவாகியுள்ள ஸ்டார் திரைப்படத்திற்கு ஒளிப்பதிவாளர் எழில் அரசு கே ஒளிப்பதிவு செய்ய, படத்தொகுப்பாளர் பிரதீப் ஈ ராகவ் எடிட்டிங் செய்துள்ளார்.

கவின் (கலை) சிறுவயதில் இருந்தே நடிப்பின் மீது அதிக ஆர்வம் கொண்டவராக வளர்கிறார். இவருக்கு பக்கபலமாக இவரது தந்தை ஆதரிக்கிறார். கவின் பெரியவனாகி சினிமாவில் நடிக்கும் வேண்டும் என்பதை லட்சியமாக கொண்டு அதற்காக உழைத்து வருகிறார். தான் சந்திக்கும் தடைகளை உடைத்து அவர் சினிமாவில் நடிகராக ஜொலித்தார் இல்லையா என்பதே இப்படத்தின் கதை

விமர்சனம் ரீதியாக ஸ்டார் படம் சராசரியான கருத்துகளை ரசிகர்கள் மத்தியில் பெற்று வருகிறது. இப்படத்திற்கு நமது தமிழ் பில்மிபீட் நிறுவனத்தின் சார்பில் 3/5 ரேட்டிங் அளிக்கப்பட்டுள்ளது. இப்படம் எதிர்பார்த்த அளவிற்கு இல்லை என பல ரசிகர்கள் கருத்துகளை வெளிப்படுத்தியுள்ளனர். மறுபுறம் இப்படம் முகவரி போன்ற படங்களின் கதையை இன்றைய காலத்திற்கு ஏற்ப வடிவமைத்து இயக்கியுள்ளனர் என்றும் கூறுகின்றனர், விமர்சகர்கள்.

ஸ்டார் படம் வெளியான முதல் நாளில் இப்படத்தினை கொண்டாடி உள்ளனர், ரசிகர்கள். இந்த ஆண்டின் மிக பெரிய பிளாக்பஸ்டர் படமாக இப்படம் இருக்கும் என்ற அளவிற்கு எதிர்பார்க்கப்பட்ட ஸ்டார் திரைப்படம், அடுத்தடுத்த நாட்களில் ரசிகர்களின் வரவேற்பு கிடைக்காமல் பாக்ஸ்ஆபிஸ் கலெக்ஷன் நிலவரத்தில் தத்தளிக்கிறது. இப்படத்திற்கு பலமாக ஸ்டார் படத்தின் டிரைலர் அமைந்துள்ளது. ட்ரைலரில் உள்ள சுவாரசியம் திரைபடத்தில் இல்லை என பலரும் தங்கள் கருத்துகளை பகிர்ந்துள்ளார்.

ஸ்டார் படம் ரிலீசான முதல் நாளில் பெரிய எதிர்பார்ப்பில் வெளியானது. இப்படம் முதல் நாளில் மட்டும் 2.8 கோடிகள் வரை வசூல் செய்துள்ளது. 

ஸ்டார் படத்தின் இரண்டாம் நாள் மற்றும் மூன்றாம் நாளில் 4 கோடிகள் வசூல் ஆகும். சனி கிழமை விடுமுறை நாட்கள் என்பதால், முதல் நாள் ரசிகர்கள் கொடுத்த வரவேற்பு மற்றும் இப்படம் பற்றிய கருத்துகள் இப்படத்திற்கு ப்ரோமோஷன் ஆக மாறி சனி மற்றும் ஞாயிறு கிழமை சேர்த்து மொத்தம் 8 கோடிகளை வசூல் செய்துள்ளது.

எந்த ஒரு ஆர்ப்பாட்டமும் இல்லாமல் வெளியான 'அரண்மனை 4' படம் இன்று வரை வசூல் சாதனை படைத்து வருகிறது. இந்நிலையில் தமிழ் சினிமாவை காப்பாற்றும் படம் என்ற பில்டப் உடன் பெரிய அளவில் கொண்டாட்டம் மற்றும் ஆர்ப்பாட்டத்தில் வெளியான கவின் நடித்துள்ள ஸ்டார் படம், கலெக்ஷன் ரீதியாக அரண்மனை 4 படத்தினை விட கம்மியாக வசூல் செய்து வருகிறது. 

ரசிகர்கள் மற்றும் சினிமா விமர்சகர்கள் பலர் எதிர்பார்த்த படி இப்படம் இல்லாத காரணத்தால் ஸ்டார் படம் பாக்ஸ் ஆபிஸ் வசூல் நிலவரத்தில் ஏமாற்றம் அளித்துள்ளது, என பலர் கூறுகின்றனர்.