லோகேஷ் கனகராஜ்-ன் அடுத்தடுத்த தமிழ் திரையுலக சம்பவங்கள் என்ன தெரியுமா?

லோகேஷ் கனகராஜ் - தமிழ் சினிமாவில் பணியாற்றிவரும் முன்னணி முக்கிய இயக்குனர்களில் ஒருவர் ஆவார். இவர் இயக்கத்தில் இதுவரை தமிழில் மாநகரம், கைதி, மாஸ்டர், விக்ரம் ஆகிய படங்கள் வெளியாகி தமிழ் திரைப்பட ரசிகர்களால் கொண்டாடப்பட்டு வெற்றி வாகை சூடி உள்ளது. தற்போது 2023 அக்டோபர் 19ல் லோகேஷ் இயக்கத்தில் தளபதி விஜய் நடிக்கும் லியோ படம் வெளியாக காத்திருக்கிறது.

கோவை மாநகரத்தை பிறப்பிடமாக கொண்டுள்ள இவர், சினிமாவின் மீது உள்ள மோகத்தில் திரைப்பட இயக்குனராக தமிழ் சினிமாவில் அறிமுகமாகி தற்போது அனைவரும் கொண்டாடும் இயக்குனராக புகழ் பெற்றுள்ளார், லோகேஷ்.

எல் சி யு (LCU) - Lokesh Cinematic universe, என்னும் புதிய யுக்தியை தமிழ் சினிமாவில் அறிமுகப்படுத்தி லோகேஷ் பலரின் கவனத்தை கவர்ந்துள்ளார். ஹாலிவுட் சினிமா கதைக்களத்தை எடுத்துக்காட்டாக கொண்டு தமிழ் சினிமாவில் இவர் இயக்கம் திரைப்படங்களை ஒன்றோடு ஒன்று சம்மந்தப்படுத்தி சுவாரஸ்ய கதைக்களத்தில் திரைப்படங்களை இயக்கி ரசிகர்களின் அன்பை பெற்றுள்ளார், லோகேஷ் கனகராஜ்.

தற்போது வரை இவரது லோகேஷ் சினிமாட்டிக் யூனிவெர்ஸ் பட்டியலில் கைதி, விக்ரம் படங்கள் இடம் பெற்றுள்ள நிலையில், இவரது இயக்கத்தில் விரைவில் வெளியாகவிருக்கும் லியோ படம் இடம்பெறுமா என்னும் சந்தேகம் மற்றும் எதிர்பார்ப்புகள் ரசிகர்கள் மத்தியில் பெரிய அளவில் காணப்படுகிறது.

மாஸ்டர் படத்தின் வெற்றியை தொடர்ந்து இயக்குனர் லோகேஷ் கனகராஜ் மற்றும் தளபதி விஜய் கூட்டணியில் உருவாகியுள்ள திரைப்படம், லியோ. இப்படத்தினை லலித் குமார் தயாரிக்க, அனிருத் ரவிச்சந்தர் இசையமைத்துள்ளார். மாஸ்டர் திரைப்படத்தின் வெற்றி கூட்டணி இப்படத்தின் மூலம் இணைந்துள்ளது. 

இப்படம் LCU படவரிசையில் இடம் பெறுவதற்கான அதிக வாய்ப்புகள் உள்ளன என பல பிரபலங்கள் கூறுகின்றனர். இப்படம் 2023, அக்டோபர் 19ல் உலகமெங்கும் வெளியாகவிருக்கிறது.

சூப்பர் ஸ்டார் ரஜினிகாந்த் நடிப்பில் இயக்குனர் லோகேஷ் கனகராஜ் இயக்கத்தில் கோலிவுட் சினிமாவில் உருவாகவிருக்கும் அடுத்த பிரமாண்ட திரைப்படம்தான், தலைவர் 171. இப்படத்திற்கு அதிகாரப்பூர்வ தலைப்பு இன்னும் பொருத்தப்படவில்லை. இத்திரைப்படத்திற்கு இசையமைப்பாளர் அனிருத் ரவிச்சந்தர் இசையமைக்கிறார்.

இயக்குனரின் லோகேஷ் கனகராஜ்-ன் LCU பட வரிசையில் ஆரம்பமே கைதி திரைப்படம் தான். இப்படத்தின் இரண்டாம் பாகம் மீண்டும் தொடங்கப்படவுள்ளது. 'தலைவர் 171' திரைப்படத்திற்கு பின் கைதி 2 படத்தின் படப்பிடிப்பு எந்த ஒரு தாமதமும் இல்லாமல் தொடங்கப்படவுள்ளதாக லோகேஷ் சமீபத்தில் அளித்த பேட்டி ஒன்றில் கூறியுள்ளார்.

விக்ரம் படத்தின் இறுதி காட்சியில் ரோலெக்ஸ் என்ற கௌரவ கதாபாத்திரத்தில் நடித்து பலரின் பாராட்டுகளை பெற்றவர், சூர்யா. இவரின் ரோலெக்ஸ் கதாபாத்திரம் பற்றிய தனித்துவமுடன் ஒரு முழு நீள திரைப்படம் இயக்கப்போவதாக இயக்குனர் லோகேஷ் கூறியுள்ளார். இப்படத்தின் தொடர்ச்சியாக விக்ரம் 2 திரைப்படம் உருவாகும் என எதிர்பார்க்கப்படுகிறது.

இரும்புக்கை மாயாவி - இயக்குனர் லோகேஷ் கனகராஜ் இயக்கத்தில் சூர்யா முன்னணி கதாபாத்திரத்தில் நடிக்கும் அறிவியல் புனைவு திரைக்கதை உடைய திரைப்படம். இத்திரைப்படம் இயக்குனர் லோகேஷ் கனகராஜ்-ன் திரைவாழ்வில் முக்கிய திரைப்படம் என இவர் சமீபத்தில் பேட்டி அளித்துள்ளார்.

பாகுபலி, சாகோ, ராதே ஷியாம் போன்ற படங்கள் மூலம் பான் இந்தியா நாயகன் என ரசிகர்களால் கொண்டாடப்படும் நடிகர் பிரபாஸ்-யை நாயகனாக கொண்டு இயக்குனர் லோகேஷ் கனகராஜ் இயக்கத்தில் ஒரு திருப்படம் உருவாகவிருக்கிறது என்னும் தகவல்கள் வெளியாகியுள்ளது. இந்த திரைப்படத்தின் முதற்கட்ட பேச்சுவார்த்தைகள் நடந்துள்ளதாக கூறப்படுகிறது.

இயக்குனராக கோலிவுட் சினிமாவில் பட்டையை கிளப்பும் லோகேஷ் கனகராஜ், நடிகராக நடிக்க ஒப்பந்தமாகியுள்ளார். ஆர் ஜே பாலாஜி நாயகனாக நடிக்கும் சிங்கப்பூர் சலூன் திரைப்படத்தில் லோகேஷ் கனகராஜ் ஒரு கௌரவ வேடத்தில் நடிக்க போவதாக தகவல்கள் வெளியாகி உள்ளது. மேலும் இந்த தகவலை லோகேஷ் உறுதி செய்துள்ளார்.

சண்டை பயிற்சியாளர் மற்றும் சகோதரரான அன்பறிவு இயக்குனராக அறிமுகமாகும் திரைப்படத்தில் அனிருத் மற்றும் லோகேஷ் கனகராஜ் நடிக்க போவதாக தகவல்கள் வெளியாகியுள்ளன.

ஹிந்தி சினிமாவில் மூன்று பெரிய நடிகர்களின் படங்களை தயாரிக்க இயக்குனர் லோகேஷ் கனகராஜ் முடிவெடுத்துள்ளதாக தகவல்கள் வெளியாகி உள்ளன. பின்னர் இவரது நண்பர் மற்றும் இயக்குனரான ரத்தன குமார் இயக்கத்தில் ராகவா லாரென்ஸ் நடிக்கும் படத்தினை லோகேஷ் கனகராஜ் திரைக்கதை எழுதி தானே தயாரிப்பாளராக பணியாற்ற போவதாக முடிவெடுத்துள்ளார்.