மார்க் ஆன்டனி, வாரிசு, ஜிகர்தண்டா 2: 2023ம் ஆண்டில் எஸ் ஜே சூர்யா கலக்கிய திரைப்படங்கள்

எஸ் ஜே சூர்யா - தமிழ் சினிமாவில் நடிகர், குணச்சித்திர கதாபாத்திரம், வில்லன் என பல கதாபாத்திரங்களில் நடித்து ரசிகர்களின் பேரன்பு பெற்றவர். இவர் வாலி, குஷி படங்களை இயக்கி வெற்றி இயக்குனராக தமிழ் சினிமாவில் அறிமுகமாகி பின்னர் நடிப்பிலும் தனது திறமையை வெளிக்காட்டி புகழ் பெற்றுள்ளார். ஒவ்வொரு ஆண்டும் இவர் நடிக்கும் திரைப்படங்களில் இவரின் நடிப்பு மட்டும் தனித்துவத்துடன் தோன்றி ரசிகர்களால் கொண்டாடப்படுகிறது. தமிழ் சினிமாவில் 'நடிப்பு அரக்கன்' என இவருக்கு ஒரு புனைபெயரும் உண்டு.

2023 ஆண்டில் மட்டும் நடிகர் எஸ் ஜே சூர்யா, வாரிசு, மார்க் ஆன்டனி, ஜிகர்தண்டா 2, பொம்மை என 4 திரைப்படங்களில் நடித்துள்ளார். இவர் இந்த ஆண்டு நடித்த திரைப்படங்களில் வாரிசு, மார்க் ஆன்டனி மற்றும் ஜிகர்தண்டா 2 திரைப்படம் தமிழ் சினிமாவில் மிக பெரிய ஹிட் படமாக அமைந்துள்ளது. மேலும் இவர் தமிழ் சினிமாவில் லக்கி ஸ்டார் எனவும் அழைக்கப்படுகிறார். இவர் நடிக்கும் படங்கள் பெரிய அளவில் வரவேற்கப்படுகிறது.

பொம்மை - இயக்குனர் ராதா மோகன் இயக்கத்தில் ஜூன் மாதம் வெளியான திரைப்படம். இப்படத்தில் எஸ் ஜே சூர்யா நாயகனாக நடித்துள்ளார். இப்படத்தில் இவர் ஒரு சைக்கோ கதாபாத்திரத்தில் நடித்து கலக்கியுள்ளார். இப்படம் பெரிய அளவில் தமிழ் சினிமாவில் பேசப்படவில்லை.

வாரிசு - இயக்குனர் வம்சி இயக்கத்தில் தளபதி விஜய் நடிப்பில் உருவான குடும்ப திரைப்படம். இப்படத்தில் நடிகர் எஸ் ஜே சூர்யா ஒரு முக்கிய கதாபாத்திரத்தில் நடித்துள்ளார். இவரது கதாபாத்திரம் இப்படத்தில் பெரிய அளவில் கொண்டாடப்பட்டது. இப்படம் விமர்சனம் ரீதியாக பெரிதாக பேசப்படவில்லை, இருப்பினும் வாரிசு படம் வசூல் ரீதியாக மிக பெரிய சாதனை படைத்துள்ளது.

மார்க் ஆன்டனி - இயக்குனர் ஆதிக் ரவிச்சந்திரன் இயக்கத்தில் விஷால் கிருஷ்ணன் மற்றும் எஸ் ஜே சூர்யா என இருவரும் இரட்டை கதாபாத்திரத்தில் நடித்து அசத்தியுள்ள திரைப்படம். நகைச்சுவை - திரில்லர் - அதிரடி என இப்படம் வெரைட்டியான திரைக்கதையில் உருவாகி தமிழ் சினிமாவில் கொண்டாடப்பட்டது. இப்படம் தமிழக பாக்ஸ் ஆபிஸ்ல் 100 கோடி வசூலை கடந்து மிக பெரிய ஹிட் படமாக அமைந்துள்ளது. இப்படம் தான் நடிகர் விஷாலின் திரைவாழ்வில் 100 கோடி வசூல் அள்ளிய முதல் படமாகும். இப்படத்தில் நடிகர் எஸ் ஜே சூர்யா ஜாக்கி பாண்டியன், மதன் பாண்டியன் என இரு கதாபாத்திரத்தில் நடித்து பலரின் கவனத்தை கவர்ந்துள்ளார்.

ஜிகர்தண்டா டபுள் X - இயக்குனர் கார்த்திக் சுப்பராஜ் இயக்கத்தில் உருவாகியுள்ள திரைப்படம். இப்படத்தில் ராகவா லாரென்ஸ் மற்றும் எஸ் ஜே சூர்யா முன்னணி கதாபாத்திரத்தில் நடித்துள்ளனர். இப்படம் நடிகர் லாரென்ஸ் திரைவாழ்வில் ஹிட் அடித்துள்ள முதல் திரைப்படம். இப்படத்திற்கு முன் திகில் படங்களில் நடித்து கலக்கி வந்த லாரென்ஸ் அதிரடி திரைக்கதை உடைய படங்களில் ஜிகாத்தாண்ட 2 படத்தின் மூலம் தனது முதல் வெற்றியை பதிவு செய்துள்ளார். இப்படத்தில் இரண்டாம் நாயகனாக நடித்த எஸ் ஜே சூர்யா தனது நடிப்பின் மூலம் பெரிய அளவில் கொண்டாடப்படுகிறார்.

'நடிப்பு அரக்கன்' எஸ் ஜே சூர்யா தனது அதிரடியான நடிப்பின் மூலம் பல ரசிகர்களால் கொண்டாடப்பட்டு பெரிய அளவில் பிரபலமாகியுள்ளார். துணை கதாபாத்திரமாக இவர் நடித்த பல திரைப்படங்கள் தமிழக பாக்ஸ் ஆபிஸ்ல் இடம் பெற்று கலக்கி வருகிறது. இந்த ஆண்டு 2023ல் நடிகர் எஸ் ஜே சூர்யா துணை நடிகராக நடித்த ஜிகர்தண்டா 2, வாரிசு மற்றும் மார்க் ஆன்டனி ஆகிய படங்கள் தமிழ் சினிமாவில் பெரிய ஹிட் படமாக கொண்டாடப்படுகிறது. இவர் தமிழ் சினிமாவின் லக்கி ஸ்டார் என்று தற்போது பிரபலமாகியுள்ளார்.