தமிழ் சினிமாவில் வெளியான சூப்பர் ஹிட் ரீமேக் பாடல்கள்

1970-ம் ஆண்டு சிவாஜி கணேசன் நடித்த சொர்கம் படத்தில் பிரபலமான பொன்மகள் வந்தால் பாடல் 2007-ம் ஆண்டு விஜய் நடிப்பில் வெளியான அழகிய தமிழ் மகன் படத்தில் திருத்தங்களுடன் உருவாக்கி பிரபலமானது.

1979-ம் ஆண்டு கமல்ஹாசன் மற்றும் ரஜினி நடிப்பில் வெளியான நினைத்தாலே இனிக்கும் படத்தின் எங்கேயும் எப்போதும் பாடல் இக்கால இளைஞர்களை கவரும் வகையில், ஹிப் ஹாப் ராப் ராகத்தில் புதிதாக வெளியானது.

1980-ம் ஆண்டு ரஜினி நடிப்பில் வெளியான பில்லா படத்தின் வெற்றியைக் குறிப்பிடும் இந்த படத்தின் ரீமேக்காக 2007-ம் ஆண்டு அஜித் நடிப்பில் உருவான பில்லா படத்தில், மை நேம் இஸ் பில்லா பாடல் சில பின்னணி இசை மாற்றங்களுடன் வெளியானது.

1959-ம் ஆண்டு வெளியான வீரபாண்டிய கட்டபொம்மன் படத்தில் இடம் பெற்ற இன்பம் பொங்கும் வெண்ணிலா என்னும் பாடலை, சமீபத்தில் சுந்தர் சி இயக்கத்தில் வெளியான ஆம்பள படத்தில் ஹிப் ஹாப் ராகத்தில் புதிதாக உருவாக்கி வெளியிட்டுள்ளனர்.

1968-ம் ஆண்டு வெளியான குடியிருந்த கோவில் படத்தில், எம்.ஜி.ஆர் நடிப்பில் இடம் பெற்ற ஆடலுடன் பாடலும் கேட்டேன் என்னும் பாடலை இக்காலத்திற்கேற்ப இசையில் சில மாற்றங்களைச் செய்து, தற்போது புதுப்பித்து வெளியிட்டுள்ளது படக்குழு. இந்தப் பாடல் பெரிதும் பேசப்பட்டதாக மாறியுள்ளது.