4 நாளில் 400 கோடி வசூலா... பாக்ஸ் ஆபிஸில் புதிய சாதனை படைத்த தளபதி விஜய்-ன் லியோ

2023, அக்டோபர் 19ல் உலகம் முழுவதும் வெளியான லியோ திரைப்படம், தற்போது உலகளவில் வெற்றிநடை போடுகிறது. இப்படத்தினை இயக்குனர் லோகேஷ் கனகராஜ் இயக்க, திரு. லலித் குமார் தனது '7 ஸ்க்ரீன் ஸ்டுடியோஸ்' நிறுவனத்தின் மூலம் தயாரிக்க, இசையமைப்பாளர் அனிருத் ரவிச்சந்தர் இசையமைத்துள்ளார்.

இப்படத்தில் தளபதி விஜய் முன்னணி கதாபாத்திரத்தில் நடிக்க, திரிஷா, அர்ஜுன், மதேவ் தாமஸ், வையாபுரி, சாண்டி என தமிழ் திரைப்பட நட்சத்திரங்கள் பலர் முக்கிய கதாபாத்திரத்தில் நடித்துள்ளனர்.

ரௌடியாக இருந்து சில பிரச்சனையில் இறந்ததாக நினைக்கப்படும் லியோ தாஸ், பார்த்திபன் என வேறு ஒரு இடத்தில் வாழ்ந்து வருகிறார், என அறியப்படும் ஆன்டனி தாஸ் & ஹரோல்ட் தாஸ் பார்த்திபனை தேடி செல்கின்றனர். இறுதியில் என்ன ஆனது? லியோ தாஸ் கிடைத்தாரா இல்லையா என்பது தான் லியோ படத்தின் கதை.

லியோ திரைப்படத்திற்கு ரசிகர்கள் மத்தியில் கலவையான விமர்சனம் கிடைத்துள்ளது. இதற்கு காரணம் திரைக்கதையில் சரியான தெளிவு இல்லை மற்றும் பல கதாபாத்திரங்களின் அறிமுகத்தால் திரைக்கதையில் ஏற்பட்ட சில சொதப்பல் ரசிகர்கள் மத்தியில் இப்படம் விமர்சன ரீதியாக சரிவை கண்டுள்ளது.

லியோ திரைப்படம் வெளியான முதல் நாளில் 2023, அக்டோபர் 19ல் மட்டும் உலகளவில் 148.5 கோடிகள் வசூலித்து சாதனை படைத்திருக்கிறது. இந்திய சினிமாவில் எந்த படமும் படைக்காத பிரமாண்ட சாதனையை லியோ படத்தின் மூலம் தளபதி விஜய் படைத்துள்ளார். தமிழ் சினிமாவின் இந்த சாதனை பெரிய அளவில் கொண்டாடப்படுகிறது.

லியோ திரைப்படம் 2023, அக்டோபர் 19ல் (வியாழக்கிழமை) வெளியாகியுள்ள நிலையில், தற்போது 2023 அக்டோபர் 22 வரை முதல் வார இறுதியில் மட்டும் இப்படம் 400 கோடிகள் வசூல் செய்துள்ளாக தகவல்கள் வெளியாகி பெரிய அளவில் இணையதள சமூக வலைத்தளத்தில் கொண்டாடப்படுகிறது. 4 தினங்களில் 400 கோடிகள் வசூல் செய்த படமாக தளபதி விஜய்-ன் லியோ படத்தின் சாதனையை கொண்டாடும் ரசிகர்கள் பாக்ஸ் ஆபிஸ் கிங் தளபதி போன்ற வசனங்களால் சமூக வலைத்தளத்தில் ட்ரெண்டிங் செய்து கொண்டாடுகின்றனர்.