தமிழ் சினிமாவில் இந்த வாரம் 2023, பிப் 24 வெளியாகும் திரைப்படங்கள்: தியேட்டர் & ஓடிடி ரிலீஸ்

சிங்கிள் ஷங்கரும் ஸ்மார்ட்போன் சிம்ரனும் - நடிகர் ஷிவா முன்னணி கதாபாத்திரத்தில் நடிக்க மேகா ஆகாஷ், அஞ்சு குரியன் என பலர் நடித்துள்ள நகைச்சுவை திரைப்படம். முற்றிலும் மாறுபட்ட கதைக்களத்தில் நகைச்சுவையோடு இப்படத்தினை இயக்கியுள்ளார், இப்படத்தின் இயக்குனர் விக்னேஷ் ஷா. இப்படம் 2023 பிப் 24ல் உலகமெங்கும் திரையரங்கில் வெளியாகிறது.

தக்ஸ் (குமரி மாவட்டத்தின் தக்ஸ்)  - பாபி சிம்ஹா, ராமதாஸ், ஆர் கே சுரேஷ் என பலர் நடித்திருக்கும் அதிரடி திரைப்படம். இப்படத்தின் ரிலீஸ் பலமுறை மாற்றப்பட்டு தற்போது 2023 பிப் 24ல் உலகமெங்கும் வெளியாகியுள்ளது.

குற்றம் புரிந்தால் - இயக்குனர் டிஸ்னி இயக்கத்தில் ஆதிக் பாபு, அர்ச்சனா முத்தையா, எம் எஸ் பாஸ்கர் என பலர் நடித்திருக்கும் திரைப்படம். இப்படத்தினை தயாரிப்பாளர் ஆத்தூர் பி ஆறுமுகம் தயாரிக்க, இசையமைப்பாளர் கே எஸ் மனோஜ் இசையமைத்துள்ளார். சிறு பட்ஜெட் படமாக உருவாகியுள்ள இப்படம் இந்த வாரம் திரையரங்கில் வெளியாகிறது.

இரு துருவம் - முதல் சீசனின் பிரமாண்ட வெற்றியை தொடர்ந்து உருவாகியிருக்கும் வெப்சீரிஸ். சோனி லீவ் ஓடிடி தலத்தில் இந்த சீரிஸ் 2023 பிப் 24ல் ஸ்ட்ரீமிங் ஆகிறது. இந்த தொடரில் நாயகனாக நந்தா முன்னணி கதாபாத்திரத்தில் நடிக்க, பிரசன்னா, அபிராமி என பலர் நடித்துள்ளனர்.

மைகேல் - சுந்தீப் கிஷான், விஜய் சேதுபதி, வரலக்ஷ்மி என பலர் நடித்திருக்கும் அதிரடி திரைப்படம். இப்படம் தமிழ் - தெலுங்கு என இரு மொழியில் உருவாகி வெளியானது. திரையரங்கில் இப்படத்திற்கு ரசிகர்கள் மத்தியில் நல்ல வரவேற்பு கிடைத்துள்ள நிலையில் தற்போது இப்படம் ஆஹா தமிழ் ஓடிடி தலத்தில் 2023, பிப் 24ல் ஸ்ட்ரீமிங் செய்யப்பட்டுள்ளது.