6 அடி உயரம் அழகிய உருவம்: தமிழ் சினிமாவின் உயரமான முன்னணி நடிகர்கள்

6.1 அடி

அதர்வா, 90-களில் தமிழில் முன்னணி நடிகரான முரளியின் மகன் ஆவார். அதர்வா தமிழில் 2010-ஆம் ஆண்டு வெளியான பாணா காத்தாடி என்ற திரைப்படத்தின் மூலம் தமிழ் திரையுலகிற்கு அறிமுகமானவர். இவர் தற்போது வரை 25-க்கும் மேற்பட்ட திரைப்படங்களில் நடித்துள்ளார். இவர் தமிழ் சினிமாவை ரசிக்கும் பெண்களுக்கு ஒரு சாக்லேட் பாயாக திகழ்கிறார். இவர் சுதா கொங்காரா இயக்கத்தில் சிவகார்த்திகேயன் நடிக்கும் மதராஸி  திரைப்படத்தில் ஒரு முக்கிய கதாபாத்திரத்தில் பிஸியாக நடித்து வருகின்றார்.

6.2 அடி

சமீபத்தில் கடுமையான விமர்சனங்களை அனுபவித்து, ட்ரோல்களில் சிக்கி தவித்த விஷால், தமிழ் சினிமாவின் முக்கிய நடிகர், தயாரிப்பாளர், தயாரிப்பாளர் சங்க தலைவர் மற்றும் நடிகர் சங்க உறுப்பினராக திரையுலகில் முக்கிய பங்கு வகிக்கின்றார். நடிகர் அர்ஜுனின் உதவி இயக்குனராக பணியாற்றும் போது, செல்லமே படத்தில் நடிப்பதற்கான வாய்ப்பு கிடைத்தது. அதன்மூலம் தமிழ் சினிமாவில் நடிகராக பயணத்தை தொடங்கிய இவர், இன்று ஒரு முன்னணி நடிகராக, தமிழ் சினிமாவுக்கான பெரிய பங்களிப்பை செய்து வருகிறார்.

6.2 அடி

சத்யராஜ் 90-களில் தமிழ்த் திரைப்படத்தில் மிகவும் பிரபலமான நடிகராக அறியப்பட்டவர். தொடக்கத்தில் வில்லனாக துவங்கி, பின்னர் கதாநாயகனாகவும் பல பிரபலமான படங்களில் நடித்தவர். இன்னும் அவர் திரைப்படங்களில் குணசித்ரா நடிகராக தொடர்ந்து நடித்து வருகிறார். அவருடைய காமெடி மற்றும் சீரியஸ் வகை நடிப்பு, தனி ரசிகர்களை உருவாக்கியிருக்கிறது.

6.3 அடி

சிபிராஜ், தமிழ்த் திரைப்பட உலகின் பிரபல நடிகர் சத்யராஜின் மகன். அவர் லீ படத்தில் கதாநாயகனாக அறிமுகமானார். அதற்குப் பிறகு, தந்தை சத்யராஜுடன் சில படங்களில் இணைந்து நடித்தார். நீண்ட இடைவெளிக்குப் பிறகு, நாய்கள் ஜாக்கிரதை என்ற படத்தின் மூலம் மீண்டும் நடிகராகவும், தயாரிப்பாளராகவும் திரையுலகிற்கு திரும்பினார். அதற்குப் பிறகு, அவருக்கு பெரும்பாலும் புதிய பட வாய்ப்புகள் கிடைக்கவில்லை.

6.2 அடி

அருள்நிதி தமிழ் திரைப்பட நடிகராவார். இயக்குநர் பாண்டியராஜனின் வம்சம் திரைப்படத்தின் மூலம் கதாநாயகனாக அறிமுகமானார். பின்னர் டிமான்டி காலனி என்னும் திரைப்படத்தில் நடித்தது மூலம் தமிழ் சினிமாவில் ஃபேமஸானார். ஆறாது சினம், தேஜாவு, டைரி என பல கிரைம் திரில்லர் படங்களில் வரிசையாக நடித்தார்.இவர் தமிழக முன்னாள் முதல்வர் கருணாநிதியின் மகனான தமிழரசுவின் மகனாவார்.