படையப்பா முதல் வரலாறு - கே எஸ் ரவிகுமார் இயக்கிய சிறந்த 10 தமிழ் படங்கள்

படையப்பா - இயக்குனர் கே எஸ் ரவிகுமார் இயக்கத்தில் ரஜினிகாந்த், ரம்யா கிருஷ்ணன், சௌந்தர்யா என தமிழ் சினிமா நட்சத்திரங்கள் பலர் நடித்திருக்கும் திரைப்படம். இப்படம் இன்றும் தமிழ் சினிமா ரசிகர்கள் மத்தியில் கொண்டாடப்படுகிறது. சுவாரஸ்யமான திரைக்கதை மற்றும் அழுத்தமான வசனங்கள் என தமிழ் சினிமா ரசிகர்களை கவர்ந்து பிரபலமான இப்படம், தமிழ் சினிமாவில் முதல் 50 கோடி வசூல் படைத்த திரைப்படமாகும்.

தசாவதாரம் - இயக்குனர் கே எஸ் ரவிகுமார் இயக்கத்தில் கமல் ஹாசன், அசின் முன்னணி கதாபாத்திரத்தில் நடித்திருக்கும் திரைப்படம். இப்படத்தில் நடிகர் கமல் 10 வெவ்வேறு கதாபாத்திரத்தில் நடித்து அசத்தியுள்ளார். வில்லன், நாயகன், குணச்சித்திரம், துணை கதாபாத்திரம் என 10 வேடங்களில் நடித்து கமல் இப்படத்தின் மூலம் பெரிய அளவில் பிரபலமானார்.

முத்து - இயக்குனர் கே எஸ் ரவிகுமார் இயக்கத்தில் ரஜினிகாந்த், மீனா, சரத் பாபு என பலர் நடித்திருக்கும் திரைப்படம். இப்படம் தமிழ் சினிமாவில் பிளாக்பஸ்டர் படமாக பிரபலமான திரைப்படமாகும். தமிழகத்தில் மட்டுமில்லாமல் ஜப்பான், சீனா போன்ற வெளிநாடுகளிலும் இப்படம் வெளியாகி பெரிய அளவில் வசூல் சாதனை படைத்திருக்கிறது.

வரலாறு - இயக்குனர் கே எஸ் ரவிகுமார் இயக்கத்தில் அஜித் குமார் நடிப்பில் வெளியான சூப்பர் ஹிட் & பிளாக்பஸ்டர் திரைப்படம். இப்படத்தில் நடிகர் அஜித் குமார் மூன்று கதாபாத்திர வேடத்தில் நடித்து கலக்கியிருந்தார். இப்படத்தில் அசின், கனிகா, சுஜாதா என பல பிரபலங்கள் நடிக்க ஒரு அதிரடி மற்றும் குடும்ப படமாக உருவாகி புகழ் பெற்றுள்ளது. இப்படம் இந்திய அளவில் பல விருதுகளை அள்ளி குவித்துள்ள நிலையில், சிறந்த நடிகருக்கான பல அமைப்புகளில் இருந்து பல விருதுகளை அஜித் குமார் பெற்றுள்ளார்.

பஞ்ச தந்திரம் - இயக்குனர் கே எஸ் ரவிகுமார் இயக்கத்தில் கமல் ஹாசன், ஜெயராம், சிம்ரன், ரம்யா கிருஷ்ணன் என பலர் நடித்துள்ள நகைச்சுவை திரைப்படம். நகைச்சுவை கதையை மையமாக கொண்டு இப்படம் உருவாகி இன்றும் பல ரசிகர்கள் மத்தியில் கொண்டாடப்படுகிறது. இப்படத்தில் வரும் வசனங்கள், காட்சிகள் பல வடிவங்களில் இன்று ரசிகர்கள் மத்தியில் ரீலிஸ் & மீம்ஸ் மூலம் பிரபலமாகியுள்ளது.

நாட்டாமை - இயக்குனர் கே எஸ் ரவிகுமார் இயக்கத்தில் சரத் குமார் இரு வேடங்களில் நடித்து அசத்திய திரைப்படம். இப்படத்தில் மீனா, குஷ்பூ, பொன்னம்பலம் என பலர் நடித்துள்ளனர். குடும்ப படமாக உருவான இப்படம் தமிழ் சினிமாவில் பெரிய அளவில் ஹிட் அடித்து பல விருதுகளை வென்றுள்ளது. இயக்குனர் கே எஸ் ரவிகுமார் திரைப்பயணத்தில் இப்படம் ஒரு முக்கிய திருப்புமுனை கொண்ட படமாக அமைந்துள்ளது.

அவ்வை ஷண்முகி - இயக்குனர் கே எஸ் ரவிகுமார் இயக்கத்தில் கமல் ஹாசன் இரு கதாபாத்திரத்தில் நடித்துள்ள நகைச்சுவை குடும்ப திரைப்படம். ஒப்பனை கலைஞர்கள் உதவியில் அசல் பெண் வேடத்தில் நடித்து நடிகர் கமல் ஹாசன் பலரின் பாராட்டுகளை வென்றுள்ளார். இப்படத்தில் மீனா, ஜெமினி கணேசன், மணிவண்ணன் என பலர் நடித்த இப்படம் பல விருதுகளை வென்றுள்ளது, அவ்வை ஷண்முகி.

பிஸ்தா - இயக்குனர் கே எஸ் ரவிகுமார் இயக்கத்தில் கார்த்தி, நக்மா, மணிவண்ணன் என பலர் நடித்திருக்கும் நகைச்சுவை & குடும்ப திரைப்படம். இன்றும் பல ரசிகர்கள் மத்தியில் இப்படத்தின் நகைச்சுவை காட்சிகள் மற்றும் வசனங்கள் பேசப்படுகிறது. சுவாரஸ்யமான திரைக்கதை வடிவமைப்பு மூலம் பலரின் அன்பினை வென்றுள்ளார், இயக்குனர் கே எஸ் ரவிகுமார்.

நட்புக்காக - இயக்குனர் கே எஸ் ரவிகுமார் இயக்கத்தில் சரத் குமார் இரு வேடங்களில் நடித்து அசத்திய திரைப்படம். இப்படத்தில் சிம்ரன், விஜயகுமார், மனோரமா என பலர் நடித்துள்ளனர். இப்படம் பட்டி தொட்டி என பல இடங்களில் ஹிட் அடித்த திரைப்படமாகும். இன்றைய இளைஞர்களும் நட்பு அதிகாரம் என்றாலே இப்படத்தை எடுத்துக்காட்டாக கூறுகின்றனர்.

வில்லன் - இயக்குனர் கே எஸ் ரவிகுமார் இயக்கத்தில் அஜித் குமார் நாயகனாக இரு வேடங்களில் நடித்துள்ள திரைப்படம். மீனா, கிரண், ரமேஷ் கண்ணா, விஜயன் என பலர் நடித்துள்ள இப்படம் பெரிய அளவில் புகழ் பெற்ற சூப்பர் ஹிட் தமிழ் திரைப்படமாகும். நடிகர் அஜித் குமார் இப்படத்தில் ஒரு மாற்று திறனாளி கதாபாத்திரத்தில் நடித்து பல விருதுகளை பெற்றுள்ளார்.