Vettaiyan OTT: ரஜினியின் 'வேட்டையன்' பட ஓடிடி உரிமையை கைப்பற்றிய அமேசான் பிரைம்...

வேட்டையன் - ஜெய் பீம் படத்தினை இயக்கி தமிழ் சினிமாவில் பல ரசிகர்கள் மத்தியில் பிரபலமானவர், இயக்குனர் ஞானவேல். சூப்பர் ஸ்டார் ரஜினிகாந்த் நடிப்பில் ஜெயிலர் படம் வெளியாகி விமர்சனம், வசூல் என தமிழ் சினிமாவில் 2023ல் கொண்டாடப்பட்டு பிரபலமானது. இப்படத்திற்கு பிறகு இவரது நடிப்பில் உருவாகி வரும் வேட்டையன் படம் ரசிகர்கள் மத்தியில் பெரிய அளவில் வரவேற்பினை பெற்றுள்ளது. ஜெய் பீம் இயக்குனர் இயக்கத்தில் ரஜினி எந்த ஒரு கதாபாத்திரத்தில் எப்படி பட்ட கதைக்களத்தில் நடிக்கிறார் என்ற ஆர்வம் ரசிகர்கள் மற்றும் விமர்சகர்கள் மத்தியில் பெரிய அளவில் உள்ளது.

வேட்டையன் படத்தின் கதை இதுதான் என எந்த ஒரு அறிவிப்பும் வெளியாகாத நிலையில், இப்படத்தின் ஒன்லைன் கதைக்கரு பற்றிய தகவல்கள் இணையத்தில் வெளியாகியுள்ளது. கல்வி நிறுவனங்கள் அதனை சார்ந்து நடக்கக்கூடிய அரசியல் தான் இப்படத்தின் கதை.

வேட்டையன் படத்தில் நடிகர் ரஜினிகாந்த் முன்னணி கதாபாத்திரத்தில் நடிக்க இவருடன் இணைந்து அமிதாப் பச்சன், ராணா, மஞ்சு வாரியர், பகத் பாஸில், ரித்திகா சிங், துஷாரா விஜயன், கிஷோர், ரமேஷ் திலக் என தமிழ் சினிமா நட்சத்திர நடிகர்கள் பலர் இப்படத்தில் முக்கிய கதாபாத்திரங்களில் நடித்துள்ளனர்.

வேட்டையன் திரைப்படத்தினை தமிழ் சினிமாவின் ஆஸ்தான தயாரிப்பாளர் சுபாஷ்கரன் 'லைக்கா புரொடக்சன்ஸ்' நிறுவனத்தின் மூலம் இப்படத்தினை தயாரித்து, உலகமெங்கும் விநியோகம் செய்யவுள்ளார். இவர்தான் ரஜினியின் மகள் ஐஸ்வர்யா ரஜினிகாந்த் இயக்கிய 'லால் சலாம்' படத்தினை தயாரித்துள்ளார். இப்படத்தில் ரஜினி ஒரு கௌரவ தோற்றத்தில் நடித்தது குறிப்பிடத்தக்கது. தற்போது ரஜினியின் வேட்டையன் பட படப்பிடிப்பு முற்றிலும் நிறைவு பெற்று, இப்படத்தின் போஸ்ட் புரொடக்சன்ஸ் நடந்து வருகிறது. இப்படம் 2024 அக்டோபர் மாதம் தமிழ் சினிமாவில் திரைக்கு வரவுள்ளது.

தமிழ் சினிமாவின் முன்னணி டாப் இசையமைப்பாளரான 'அனிருத் ரவிச்சந்தர்' வேட்டையன் திரைப்படத்திற்கு இசையமைத்துள்ளார். ரஜினிகாந்த் நடித்துள்ள ஜெயிலர், தர்பார், பேட்ட என பல வெற்றி படங்களுக்கு இசையமைப்பாளர் அனிருத் இசையமைத்து தமிழ் சினிமாவில் பல வெற்றி பாடல்கள் மற்றும் பின்னணி இசை மூலம் ரஜினியின் திரைப்படங்களை பெரிய அளவில் பிரபலமாக்கினார், அனிருத்.

வேட்டையன் படத்தினை 160 கோடி செலவில் இப்படத்தினை தயாரித்துள்ளனர், லைக்கா புரொடக்சன்ஸ் நிறுவனம். வேட்டையன் படப்பிடிப்பு முற்றிலும் நிறைவு பெற்றுள்ள நிலையில், தற்போது இப்படத்தின் போஸ்ட் புரொடக்சன்ஸ் நடந்து வருவதால், இப்படத்தின் வியாபாரங்களை தொடங்கியுள்ளனர், படக்குழுவினர். இப்படத்தின் ஓடிடி டிஜிட்டல் ஸ்ட்ரீமிங் உரிமையை 'அமேசான் பிரைம் வீடியோ' நிறுவனம் ஒரு பெரிய தொகைக்கு கைப்பற்றியுள்ளது. 

இப்படம் அக்டோபர் 10ல் ரிலீஸ் என வெளியான தகவலை தொடர்ந்து, இப்படத்தின் ஓடிடி ஸ்ட்ரீமிங் பற்றிய அறிவிப்பும் வெளியாகியுள்ளது. போஸ்ட் தியேட்டர் ரிலீஸ் என்ற முறையில் அமேசான் நிறுவனம் 'வேட்டையன்' பட ஓடிடி உரிமையை கைப்பற்றி இருந்தால், இப்படம் திரையரங்கில் வெளியான முதல் மாதத்தில் ஓடிடி களமிறங்கும் என எதிர்பார்க்கப்படுகிறது.