Vijay vs Ajith: ஒரே நாளில் வெளியான தல - தளபதி படங்கள்: பாக்ஸ் ஆபீஸ் ரிப்போர்ட்

ஒரு அறிமுக நடிகர்களாக சினிமாவில் பணியாற்றி வந்த அஜித் மற்றும் விஜய், ஒரு போட்டியாளராக இவர்களது திரைவாழ்வில் 1996ஆம் ஆண்டு நேரடியாக இவர்களது திரைப்படங்கள் மூலம் மோதியுள்ளனர். அஜித்தின் "வான்மதி' திரைப்படமும் விஜய்யின் 'கோயமுத்தூர் மாப்ளே' திரைப்படமும் ஒரே நாளில் வெளியானது. இந்த இரு படங்களும் ரசிகர்கள் மற்றும் விமர்சனங்கள் ரீதியாக கொண்டாடப்பட்ட திரைப்படங்கள். இரு படங்களும் 150 நாட்களுக்கு மேல் திரையரங்குகளில் திரையிடப்பட்ட திரைப்படங்கள்.

1996 ஆம் ஆண்டு அஜித் மற்றும் விஜய்யின் திரைப்படங்கள் ஒரே ஆண்டில் இரண்டாவது முறையாக ஒரே நாளில் வெளியாகி நேரடியாக மோதியுள்ளன. அஜித்தின் 'கல்லூரி வாசல்' மற்றும் விஜய்யின் 'பூவே உனக்காக' திரைப்படங்கள். அதில் விஜய் நடித்த பூவே உன்னக்காக திரைப்படம் பெரிய அளவில் பிரபலமானது. நடிகர் விஜய்யின் திரைப்பயணத்தில் ஒரு முக்கிய படமாக இன்றும் உள்ளது. 150 நாட்களுக்கு மேல் திரையரங்குகளில் திரையிடப்பட்ட ஒரு சூப்பர் ஹிட் திரைப்படம். ஆனால் கல்லூரி வாசல் திரைப்படத்தில் நடிகர் அஜித் ஒரு இரண்டாம் கட்ட நடிகராக நடித்துள்ளார். நடிகர் பிரஷாந்த் தியாகராஜன் முன்னணி நடிப்பில் உருவான இப்படம், பெரிய அளவில் பேசப்படவில்லை.

விஜய்யின் 'காதலுக்கு மரியாதை' மற்றும் அஜித்தின் 'ரெட்டஜடை வயசு' திரைப்படங்கள் 1997ஆம் ஆண்டு ஒரே நாள் வெளியாகின. இந்த மோதலில் விஜய்யின் 'காதலுக்கு மரியாதையை' திரைப்படம் 150 நாட்களை கடந்த ஒரு பிரமாண்ட வெற்றி திரைப்படமாகும். ஆனால் அஜித்தின் 'ரெட்டஜடை வயசு' திரைப்படம் சரிவை சந்தித்துள்ளது.

நடிகர் கார்த்தி முன்னணி நடிப்பில், நடிகர் அஜித் இரண்டாம் கட்ட நடிகராக நடித்து மிகப்பெரிய அளவில் புகழ் பெற்ற 'உன்னிடத்தில் என்னை குடுத்தேன்' திரைப்படம் 1998ஆம் ஆண்டு வெளியாகி மிகப்பெரிய வெற்றி பெற்றுள்ளது. அதே ஆண்டு ஒரு வார இடைவெளியில் நடிகர் விஜய் நடித்த 'நிலவே வா' திரைப்படம் வெளியாகியுள்ளது. ஆனால் இந்த மோதலில் விஜய்யின் நிலவே வா திரைப்படம் மிகப்பெரிய அளவில் தோல்வி அடைந்துள்ளது.

1999ஆம் ஆண்டு இயக்குனர் சுந்தர் சி இயக்கத்தில் அஜித் நடித்த 'உன்னைத்தேடி' திரைப்படமும், விஜய் நடிப்பில் இயக்குனர் எழில் இயக்கிய 'துள்ளாத மனமும் துள்ளும்' திரைப்படமும் வெளியாகின. இந்த மோதலில் இரண்டு திரைப்படமும் பிரமாண்ட வெற்றி பெற்றுள்ளது. அஜித்தின் உன்னைத்தேடி திரைப்படம் 100 நாட்களை கடந்து வெற்றி பெற்ற நிலையில், விஜய்யின் துள்ளாத மனமும் துள்ளும் திரைப்படம் 150 நாட்களுக்கு மேல் திரையிடப்பட்டு பிரமாண்ட வெற்றி பெற்றுள்ளது, இப்படம் நடிகர் விஜய்யின் திரைப்பயணத்தில் இவரின் முக்கிய திரைப்படமாகும். 

நடிகர் அஜித் நடித்த உன்னை கொடு என்னை தருவேன் திரைப்படம் மற்றும் விஜய் நடித்த குஷி திரைப்படமும் ஒன்றாக வெளியாகி பிரபலமானது. இந்த போட்டியில் நடிகர் விஜய்யின் குஷி திரைப்படம் வெற்றி கண்டது.

2001 ஆம் ஆண்டில், அஜித் மற்றும் விஜய் திரைப்படங்கள் ஒரே தேதியில் வெளியான தீனா & பிரண்ட்ஸ். இரண்டு திரைப்படங்களும் மிகவும் நேர்மறையான கருத்துக்களைக் கொண்டிருந்தன மற்றும் தியேட்டரில் 100+ நாட்கள் திரையிடப்பட்ட வெற்றி திரைப்படங்கள். தீனா & பிரண்ட்ஸ் திரைப்படங்கள் இரண்டும் அந்த ஆண்டின் பாக்ஸ் ஆபிஸ் திரைப்படங்களாக கருதப்படுகின்றன. இந்த இரண்டு திரைப்படங்களும் இந்த நட்சத்திரங்களுக்கு குறிப்பிடத்தக்க திரைப்படங்கள். முக்கியமாக அஜித்துக்கு, நடிகர் அஜித்தை சினிமா வாழ்க்கையில் ஒரு அதிரடி ஹீரோவாக மாற்றிய படம் தீனா

2002ஆம் ஆண்டு நடிகர் விஜய் நடிப்பில் இயக்குனர் வெங்கடேஷ் இயக்கத்தில் 'பகவதி' திரைப்படமும், அஜித் நடிப்பில் கே.எஸ்.ரவிக்குமார் இயக்கிய 'வில்லன்' திரைப்படமும் வெளியானது. 2002 - நவம்பர் மாதம் 4ஆம் நாள் வெளியான இந்த இரண்டு திரைப்படங்கள் ரசிகர்கள் மத்தியில் பெரும் வரவேற்பு பெற்றன. இதில் விஜய்யின் 'பகவதி' திரைப்படம் மிகப்பெரிய தோல்வியை சந்தித்தாலும், நடிகர் அஜித் நடித்த 'வில்லன்' திரைப்படம் பிரமாண்ட வெற்றி பெற்றுள்ளது. இன்றும் வில்லன் திரைப்படம் பல ரசிகர்களால் கொண்டாடப்பட்டு வருகிறது.

2003ஆம் ஆண்டு அக்டோபர் 4ல் நடிகர் அஜித்தின் ஆஞ்சநேயா திரைப்படமும், விஜய்யின் திருமலை திரைப்படமும் ஒன்றாக வெளியானது. இதில் அஜித்தின் ஆஞ்சநேயா திரைப்படம் மிகப்பெரிய தோல்வியை சந்தித்தது, ஆனால் விஜய்யின் திருமலை ஓரளவுக்கு லாபத்தை தந்துள்ளது.

2006ஆம் ஆண்டு ஜனவரி 14ல், பொங்கல் பண்டிகைக்கு நடிகர் அஜித்தின் பரமசிவன் திரைப்படமும், விஜய்யின் ஆதி திரைப்படமும் ஒன்றாக வெளியானது. இதில் விஜய்யின் ஆதி திரைப்படம் மிகப்பெரிய தோல்வியை சந்தித்தது, ஆனால் அஜித்தின் பரமசிவன் திரைப்படம் ஓரளவுக்கு லாபத்தை தந்துள்ளது.

2007ஆம் ஆண்டு ஜனவரி 12ல் பொங்கல் பண்டிகைக்கு நடிகர் விஜய்யின் போக்கிரி திரைப்படம் இயக்குனர் பிரபுதேவா இயக்கி வெளியானது. போக்கிரி திரைப்படம் மிகப்பெரிய வெற்றியை சந்தித்துள்ளது. அந்த ஆண்டின் சிறந்த வெற்றி திரைப்படமாக கொண்டாடப்பட்ட திரைப்படமாகும். அதே நாள் நடிகர் அஜித்தின் ஆழ்வார் திரைப்படமும் வெளியானது, ஆழ்வார் திரைப்படம் பெரிய அளவில் பேசப்படவில்லை.

2014ஆம் ஆண்டு பொங்கல் பண்டிகைக்கு அஜித் நடித்த வீரம் திரைப்படமும், நடிகர் விஜய்யின் ஜில்லா திரைப்படமும் ஒன்றாக வெளியாகின. இயக்குனர் சிறுத்தை சிவா இயக்கத்தில் அஜித் நடித்த வீரம் திரைப்படம், ஒரு கிராமத்து கதைக்களத்தில் உருவாகி ரசிகர்களால் கொண்டாடப்பட்ட திரைப்படமாகும். அதே நாள் வெளியான ஜில்லா திரைப்படத்தினை இயக்குனர் நேசன் இயக்கியிருந்தார். இரண்டு திரைப்படமும் பாக்ஸ் ஆபீஸ்ல் இடம் பெற்ற சூப்பர் ஹிட் திரைப்படமாகும். ஆனால் விமர்சனம் ரீதியா அஜித் நடித்த வீரம் திரைப்படம் வெற்றி பெற்றுள்ளது.

2023 பொங்கல் பண்டிகை முன்னிட்டு தமிழ் சினிமா முன்னணி முக்கிய நடிகர்களான அஜித் குமார் - விஜய் திரைப்படங்கள் 9 ஆண்டுகளுக்கு பின் ஒரே நாளில் வெளியானது. விஜய் நடித்த வாரிசு மற்றும் அஜித் குமார் நடித்த துணிவு படம் ஒரே நாளில் வெளியாகியுள்ளது. இந்த படங்களில் வசூல் ரீதியாக இரு படங்களும் பெரிய அளவில் வெற்றி பெற்றிருந்தாலும் விமர்சனம் ரீதியா துணிவு படம் மக்களின் கவனத்தை பெற்றுள்ளது. இந்த போட்டியில் வாரிசு படத்தினை விட துணிவு படத்திற்கு தமிழ் திரைப்பட ரசிகர்கள் தங்களின் வரவேற்பை அளித்துள்ளனர்.