வெப்பன் முதல் ஹரா - இந்த வார (ஜூன் 7, 2024) ரிலீஸ் படங்களில் பெஸ்ட் மூவி என்ன தெரியுமா?

வெப்பன் இயக்குனர் குகன் சென்னியப்பன் இயக்கத்தில் சத்யராஜ் மற்றும் வசந்த் ரவி முன்னணி கதாபாத்திரத்தில் நடித்திருக்கும் அதிரடி - திரில்லர் திரைப்படம். இத்திரைப்படத்தினை தயாரிப்பாளர் எம் எஸ் மன்சூர் தனது 'மில்லியன் ஸ்டூடியோ' நிறுவனத்தின் மூலம் தயாரிக்க, இசையமைப்பாளர் ஜிப்ரான் இசையமைத்துள்ளார்.அதிரடி - திரில்லர்...

ஹரா - இயக்குனர் விஜய் ஸ்ரீ ஜி இயக்கத்தில் மைக் மோகன் நடித்திருக்கும் அதிரடி - திரில்லர் திரைப்படம். இப்படத்தினை தயாரிப்பாளர் கோவை எஸ் பி மோகன்ராஜ் தனது 'JM புரொடக்சன் பிரைவேட் லிமிடெட்' நிறுவனம் மூலம் தயாரிக்க, இசையமைப்பாளர் ரஷாந்த் அர்வின் இசையமைத்துள்ளார்.அதிரடி மற்றும் திரில்லர் திரைப்படமாக உருவாகியுள்ள 'ஹரா'...

அஞ்சாமை - இயக்குனர் எஸ் பி சுப்புராமன் இயக்கத்தில் விதார்த், ரஹ்மான், வாணி போஜன் என தமிழ் சினிமா நட்சத்திரங்கள் பலர் நடித்திருக்கும் திரைப்படம். இப்படத்தினை தயாரிப்பாளர் திருநாவுக்கரசு தனது 'திருச்சித்ரம் புரொடக்சன்ஸ்' தயாரிப்பு நிறுவனத்தின் மூலம் தயாரிக்க, இசையமைப்பாளர் ராகவ் பிரசாத் இசையமைத்துள்ளார்.குடும்ப படமாக...

தண்டுபாளையம் - இயக்குனர் டைகர் வெங்கட் இயக்கத்தில் சோனியா அகர்வால், வனிதா விஜயகுமார் என பலர் நடித்திருக்கும் திரைப்படம். தமிழ் சினிமாவில் இப்படம் 2024 ஜூன் 7ல் வெளியாகி உள்ளது.

இனி ஒரு காதல் செய்வோம் - இயக்குனர் ஹரிஹரன் எஸ் இயக்கத்தில் அஜய் பாலகிருஷ்ணன் நாயகனாக நடித்திருக்கும் திரைப்படம். தமிழ் சினிமாவில் இப்படம் 2024 ஜூன் 7ல் வெளியாகி உள்ளது.

காழ் - இயக்குனர் மோகன்ராஜ் வி ஜே இயக்கத்தில் யுகேந்திரன் நாயகனாக நடித்திருக்கும் திரைப்படம். தமிழ் சினிமாவில் இப்படம் 2024 ஜூன் 7ல் வெளியாகி உள்ளது.

யூடியூபரும், இயற்கை ஆர்வலருமான வசந்த் ரவி, ஒரு அரிய நிகழ்வை சேகரிக்க தேனிக்கு செல்கிறார். பிளாக் சொசைட்டி இயக்கத்தை வழிநடத்தும் வில்லன் ராஜீவ் மேனனும் தேனிக்கு செல்கிறார். ராஜிவ் மேனன் தனது ஆட்கள் மூலம் தேனியில் ஒரு சூப்பர் ஹியூமன் (சூப்பர் பவர்) பலம் பொருந்திய ஒருவர் இருப்பதாக தகவல்கள் சேகரித்து செல்கிறார்.

சூப்பர் ஹியூமன் (சூப்பர் பவர்) பலம் உடைய சத்யராஜ், மனிதாபிமானமற்ற மனிதனாக வாழ்ந்து வருகிறார். சத்யராஜ் ஒரு அறிவியல் சோதனையில் சிக்கிய காரணத்தால் அவருக்கு இந்த சூப்பர் பவர் கிடைத்துள்ளது. அது என்ன?

வசந்த் ரவிக்கும் சத்யராஜுக்கும் உள்ள தொடர்பு என்ன? என்பதே இப்படத்தின் கதை. க்ளைமாக்ஸில் சத்யராஜின் தலைவிதியை தீர்மானிக்கும் குறிப்பிடத்தக்க நிகழ்வுகள் உள்ளன.

(மைக்) மோகனின் மகள் நிமிஷா கோவையில் மருத்துவ படிப்பு படித்து வருகிறார். தீடிரென மோகனின் மகள் நிமிஷா கல்லூரியில் தற்கொலை செய்து கொள்கிறார். அவர் தற்கொலை தான் செய்துகொண்டார் என்பதை ஏற்க மறுக்கும் மோகனின் மனம், இந்த தற்கொலை பற்றி தானே விசாரிக்க தொடங்குகிறார். இதில் பல திடுக்கிடும் தகவல்கள் வெளியாகிறது. மருத்துவ துறையில் நடக்கும் ஊழல் மற்றும் மோசடியில் சிக்கிய தனது மகளை கொன்றுள்ளனர், என்பதை அறியும் மோகன், பின் அதற்கு காரணமான நபர்களை பழிவாங்கினாரா? இல்லையா? என்பதே ஹரா திரைப்படத்தின் கதை.

திண்டுக்கல் மாவட்டத்தில் எளிமையான குடும்பத்தில் வாழும் நடிகர் விதார்த், தனது மகனை டாக்டர் ஆக்க ஆசைப்படுகிறார். விதார்த் மகன் 10 ஆம் வகுப்பில் மாநிலத்தில் முதல் மதிப்பெண் பெறுகிறார், இவரது மருத்துவ கனவிற்கு நீட் எழுதி பாஸ் ஆக வேண்டும் என்னும் நிர்பந்தத்தை அரசு புதிய சட்டமாக கொண்டு வருகிறது. இதனால் இவரது குடும்பம் சந்தித்த இன்னல்கள், பொருளாதார ரீதியில் சிக்கும் விதார்த் குடும்பம் அதிலிருந்து எப்படி தப்பிக்கிறது என்பதே இப்படத்தின் கதை.

இந்த வாரம் தமிழ் சினிமாவில் 3 முக்கிய திரைப்படங்கள் மற்றும் 3 சிறு பட்ஜெட் படங்கள் வெளியாகி உள்ளது. இதில் வெப்பன், அஞ்சாமை, ஹரா ஆகிய படங்கள் மக்களின் கவனத்தை கவர்ந்துள்ளது. இந்த படங்கள் மூன்றும் நல்ல பொழுதுபோக்கு அம்சங்கள் உடைய படமாக உருவாகி உள்ள நிலையில், இப்படத்தின் விமர்சனம் மற்றும் ரசிகர்கள் வரவேற்பு பெற்ற படமாக இந்த வார ரிலீஸ் படங்களில் 'வெப்பன்' படம் உள்ளது.

அதிரடி - திரில்லர் காட்சிகளை மையமாக கொண்டு உருவாகியுள்ள வெப்பன்  திரைப்படம் பல ரசிகர்களின் கவனத்தை கவர்ந்து, இந்த வார ரிலீஸ் படங்களின் பெஸ்ட் படமாகும்.