Click it and Unblock the Notifications
அட GOAT படத்தில் அந்த விஷயமும் இருக்கா..ரசிகர்களுக்கு செம சர்ப்ரைஸ் இருக்கோ.. வெளியான லேட்டஸ்ட் தகவல்
சென்னை: வெங்கட் பிரபு விஜய்யை வைத்து GOAT படத்தை இயக்கிவருகிறார். முதன்முறையாக விஜய்யுடன் வெங்கட் பிரபு இணைந்திருப்பதன் காரணமாக எந்த மாதிரியான படமாக GOAT வரும் என்ற எதிர்பார்ப்பில் இருக்கிறார்கள் விஜய் ரசிகர்கள். படத்தின் ஷூட்டிங் கேரளாவில் சமீபத்தில் நடந்து முடிந்தது. அந்த ஷெட்யூலில்தான் படத்தின் க்ளைமேக்ஸ் ஷூட்டிங் செய்யப்பட்டதாக கூறப்படுகிறது. இன்னும் கொஞ்ச வேலைகள் மட்டுமே படத்தில் பாக்கியிருப்பதாக கூறப்படும் சூழலில் படம் பற்றி புதிய தகவல் வெளியாகியிருக்கிறது.
விஜய் நடிப்பில் கடைசியாக வெளியான லியோ திரைப்படம் சுமாரான வரவேற்பையே பெற்றது. அந்தப் படத்தில் நடித்துக்கொண்டிருந்தபோதே வெங்கட் பிரபு இயக்கத்தில் நடிக்க கமிட்டானார் விஜய். படத்துக்கு GOAT என்று பெயர் வைக்கப்பட்டுள்ளது. விஜய்யுடன் பிரசாந்த், பிரபுதேவா, ஜெயராம், மைக் மோகன், யோகிபாபு, பிரேம்ஜி, வைபவ், சினேகா, லைலா, மீனாட்சி சௌதரி உள்ளிட்ட பலர் நடித்துவருகின்றனர். ஏஜிஎஸ் நிறுவனம் தயாரிக்கும் GOAT அந்த நிறுவனத்துக்கு 25ஆவது படம் என்பது குறிப்பிடத்தக்கது.
GOAT ஷூட்டிங்: படத்தின் ஷூட்டிங் சென்னையில் தொடங்கியது. பிறகு தாய்லாந்து, துருக்கி உள்ளிட்ட நாடுகளில் ஷூட் செய்யப்பட்டு கடைசியாக கேரளாவுக்கு சென்றது படக்குழு. அங்கு விஜய்க்கும், வெங்கட் பிரபுவுக்கும் உச்சக்கட்ட வரவேற்பை அளித்தார்கள் கேரள ரசிகர்கள். அதனைப் பார்த்து ஒட்டுமொத்த மல்லுவுட்டும் ஆச்சரியத்தில் வாய் பிளந்தது என்றுதான் சொல்ல வேண்டும். கேரள ரசிகர்கள் மத்தியில் விஜய் உரையாடவும் செய்தார். அந்தப் பேச்சும் பெரும் ரெஸ்பான்ஸை பெற்றது.
ஒரே தேதியில் இரண்டு இழப்புகள்.. சந்தானத்துக்கு உச்சக்கட்ட வேதனை.. ரசிகர்கள் ஆறுதல்
GOAT கதை என்ன?: இதற்கிடையே GOAT படம் ஹாலிவுட் படத்தின் ரீமேக் என்று தகவல்கள் தீயாக பரவின. ஆனால் அதெல்லாம் இல்லை இது முழுக்க முழுக்க ஒரிஜினல் கதைதான் என்று வெங்கட் பிரபு அந்த வதந்திக்கு முற்றுப்புள்ளி வைத்தார். அதேபோல் இந்தப் படம் டைம் ட்ராவல் ஜானரை மையப்படுத்தி எடுக்கப்படுகிறது என்றும் திரைத்துறையில் பேச்சுக்கள் ஓடுகின்றன. பொதுவாக டைம் ட்ராவலை மையமாக வைத்து வரும் படங்களுக்கு நல்ல ரெஸ்பான்ஸ் கிடைக்கும் என்பது நினைவுகூரத்தக்கது.
மெகா ஹிட் பார்சல்: விஜய்யும் அவரது ரசிகர்களும் இந்தப் படத்தை ரொம்பவே எதிர்பார்த்திருக்கிறார்கள். ஏனெனில் அவரது நடிப்பில் கடைசியாக வெளியான லியோ திரைப்படம் சுமாரான வரவேற்பை பெற்றது. எனவே இந்தப் படத்தை விமர்சன ரீதியாகவும், வணிக ரீதியாகவும் பெஸ்ட்டாக கொடுத்துவிட வெங்கட் பிரபுவும் பொறுப்புணர்வுடன் தீயாக வேலை செய்துவருகிறாராம். படத்தில் கிராஃபிக்ஸ் காட்சிகளுக்கு அதிக முக்கியத்துவம் இருக்கும் என்று வெங்கட் பிரபுவும் தெரிவித்திருப்பதால் கண்டிப்பாக ஒரு ட்ரீட் இருக்கிறது. மெகா ஹிட் பார்சல்தான் என தளபதி ரசிகர்கள் கணிக்க ஆரம்பித்திருக்கிறார்கள்.
இதை சொல்ல கூச்சமே இல்லை.. அப்பாவால்தான் வாய்ப்பு கிடைத்தது.. பிருத்விராஜ் ஓபன் டாக்
கிரிக்கெட்டுக்கு முக்கிய இடம்: படத்தின் ஷூட்டிங் கடைசியாக கேரளாவில் ஒரு கிரிக்கெட் மைதானத்தில் நடைபெற்றதாக கூறப்படுகிறது. இந்தச் சூழலில் படம் பற்றிய புதிய தகவல் ஒன்று வெளியாகியிருக்கிறது. அதன்படி GOAT படத்தில் கிரிக்கெட் விளையாட்டுக்கு முக்கிய இடம் இருப்பதாக சொல்லப்படுகிறது. வெங்கட் பிரபு தீவிரமான கிரிக்கெட் ரசிகர் என்பது அனைவரும் அறிந்ததே. ஒருவேளை இந்தத் தகவலின்படி கிரிக்கெட் விளையாட்டு GOAT படத்தில் இடம்பெறும்பட்சத்தில் ரசிகர்களுக்கு டபுள் ட்ரீட்டாக இருக்கும் என்பதில் ஐயம் ஏதுமில்லை. படத்தின் ஷூட்டிங்கில் ரஷ்யாவில் மட்டும் இன்னும் 20 நாட்கள் படப்பிடிப்பு நடத்த வெங்கட் பிரபு திட்டமிட்டிருப்பதாக திரைத்துறையில் பேச்சு எழுந்திருக்கிறது.
Continue with Google