Click it and Unblock the Notifications
திரும்பும் திசையெல்லாம் ஒரே அணில் கூட்டமா இருக்கேப்பா.. தளபதி கச்சேரிக்கு எல்லாரும் பிளாஸ்ட் மோட்
சென்னை: "இது கடைசி படம்" என்ற உணர்வோடு ஜனநாயகன் படத்தை கொண்டாடி வரும் விஜய் ரசிகர்களின் உற்சாகம் சமூக வலைதளங்களிலும் உச்சத்தை எட்டியுள்ளது. படம் வெளியான முதல் நாளிலேயே தியேட்டர்கள் திருவிழா போல இருக்கும் நிலையில், தற்போது ஒரு ஏஐ வீடியோ இணையத்தில் வேகமாக பரவி ரசிகர்களின் கவனத்தை முழுவதுமாக ஈர்த்து வருகிறது.
விஜய் நடித்துள்ள ஜனநாயகன் படம் இன்று உலகம் முழுவதும் பிரம்மாண்டமாக வெளியாகியுள்ளது. அரசியலுக்கு முழுமையாக களமிறங்கியுள்ள விஜய், இனி திரைப்படங்களில் நடிக்கப் போவதில்லை என்று ஏற்கனவே அறிவித்திருந்ததால், இந்த படம் ரசிகர்களுக்கு சாதாரண ரிலீஸ் அல்ல. "தளபதியை கடைசியாக பெரிய திரையில் பார்க்கும் வாய்ப்பு" என்ற உணர்வோடு ரசிகர்கள் முதல் நாள் முதல் காட்சிக்காக தியேட்டர்களை நிரப்பியுள்ளனர்.
இந்த நிலையில், விஜய் ரசிகர்களின் செல்லப் பெயரான "அணில்" மீண்டும் சமூக வலைதளங்களில் டிரெண்டாகியுள்ளது. ஆரம்பத்தில் ட்ரோலுக்காக பயன்படுத்தப்பட்ட இந்த பெயரை, இன்று விஜய் ரசிகர்களே பெருமையாக ஏற்றுக்கொண்டு தங்களை "அணில்கள்" என்று அழைத்து வருவது குறிப்பிடத்தக்கது.
ஏஐ வீடியோ: அந்த உணர்வை இன்னும் வலுப்படுத்தும் வகையில், ஒரு ரசிகர் உருவாக்கிய ஏஐ வீடியோ தற்போது இணையத்தில் வைரலாகி வருகிறது. அதில் கோட் சூட் அணிந்த அணில்கள் கூட்டம் கூட்டமாக தெருக்களில் நடந்து வருவது, கொண்டாட்டத்தில் ஈடுபடுவது, பட்டாசு வெடிப்பது, இசைக்கு நடனமாடுவது போன்ற காட்சிகள் இடம்பெற்றுள்ளன. இறுதியில் வானில் பட்டாசுகளால் "One Last Dance With Our Thalapathy" என்ற வாசகம் தோன்றும் காட்சி ரசிகர்களை நெகிழ்ச்சியில் ஆழ்த்தியுள்ளது.
ரசிகனாக கொண்டாட்டம்: குறிப்பாக தளபதி கச்சேரி பாடலின் "One Last Dance" உணர்வை மையமாக வைத்து இந்த வீடியோ உருவாக்கப்பட்டிருப்பதாக ரசிகர்கள் கூறி வருகின்றனர். "கடைசியாக ஒரு ரசிகனாக கொண்டாடிவிட வேண்டும்" என்ற மனநிலையை அந்த வீடியோ முழுவதும் பிரதிபலிப்பதாகவும் சமூக வலைதளங்களில் பலர் கருத்து தெரிவித்து வருகின்றனர்.
தமிழகத்தின் முதலமைச்சராக பதவியேற்ற பிறகு வெளியாகும் விஜயின் முதல் திரைப்படம் என்பதாலும், அதே நேரத்தில் நடிகராக அவர் நடித்த கடைசி படம் என்பதாலும் ஜனநாயகன் வெளியீடு ரசிகர்களுக்கு இரட்டை கொண்டாட்டமாக மாறியுள்ளது. பல இடங்களில் அதிகாலை முதலே சிறப்பு காட்சிகள் நடத்தப்பட்டதோடு, பட்டாசு, மேளதாளம், பாலாபிஷேகம் என வழக்கமான திருவிழா சூழல் காணப்பட்டது.
கண்ணீர் வீடியோக்கள்: அதுமட்டுமல்லாமல், சில அமைச்சர்கள் கூட முதல் நாள் முதல் காட்சியை பார்க்க அனுமதி கேட்டதாக வெளியான தகவல்களும், திரையரங்குகளில் ரசிகர்களுடன் இணைந்து படம் பார்த்த வீடியோக்களும் இணையத்தில் அதிகம் பகிரப்பட்டு வருகின்றன. சிலர் உணர்ச்சிவசப்பட்டு கண்ணீர் விட்ட வீடியோக்களும் ரசிகர்கள் மத்தியில் பேசுபொருளாகியுள்ளன.
அணில்களின் கடைசி கொண்டாட்டம்: இந்நிலையில், "அணில்களின் கடைசி கொண்டாட்டம்" என்ற உணர்வோடு உருவாக்கப்பட்ட இந்த ஏஐ வீடியோ தற்போது எக்ஸ், இன்ஸ்டாகிராம், பேஸ்புக் உள்ளிட்ட சமூக வலைதளங்களில் லட்சக்கணக்கான பார்வைகளை பெற்று வைரலாகி வருகிறது. ஜனநாயகன் வெளியான நாளில் ரசிகர்களின் உணர்வுகளை அப்படியே பிரதிபலிக்கும் இந்த வீடியோ, "One Last Dance" கொண்டாட்டத்தை இன்னும் பெரிய அளவில் சமூக வலைதளங்களில் டிரெண்டாக்கியுள்ளது.
Continue with Google