விடாமுயற்சி முதல் கங்குவா வரை.. 2024 தீபாவளி ரிலீஸிற்கு துண்டு போடும் 5 தமிழ் படங்கள்

விடாமுயற்சி இயக்குனர் மகிழ் திருமேனி இயக்கத்தில் அஜித் குமார் முன்னணி கதாபாத்திரத்தில் நடிக்கும் அதிரடி - திரில்லர் திரைப்படம். இப்படத்தினை தயாரிப்பாளர் சுபாஷ்கரன் தனது 'லைக்கா நிறுவனம்' மூலம் தயாரிக்க, இசையமைப்பாளர் அனிருத் ரவிச்சந்தர் இசையமைத்துள்ளார். இப்படத்தில் அர்ஜுன், திரிஷா, ஆரவ் என பல தமிழ் சினிமா நட்சத்திரங்கள் முன்னணி கதாபாத்திரத்தில் நடித்துள்ளனர். இப்படம் 2023 ஆம் ஆண்டு படப்பிப்பு தொடங்கி பல பிரச்சனைகளில் சிக்கி இன்னும் படபிடிப்பு நிறைவு பெறாமல் உள்ள நிலையில், தற்போது விடாமுயற்சி திரைப்படத்தினை 2024 தீபாவளி பண்டிகைக்கு ரிலீஸ் செய்ய திட்டமிட்டு படப்பிடிப்பு பணிகளை தொடங்கியுள்ளனர், படக்குழுவினர்.

கங்குவா - இயக்குனர் சிவா இயக்கத்தில் கே இ ஞானவேல் ராஜா தயாரிப்பில் நடிகர் சூர்யா முன்னணி கதாபாத்திரத்தில் நடித்திருக்கும் அதிரடி - திரில்லர் திரைப்படம். இப்படம் நடிகர் சூர்யாவின் தமிழ் திரைவாழ்வில் இவர் நடிக்கும் 42வது படமாகும். வரலாற்று கதை அம்சத்தில் உருவாகி வரும் கங்குவா திரைப்படம், நடிகர் சூர்யா திரைவாழ்வில் இதுவரை இல்லாத அளவில் பெரிய பட்ஜெட்டில் உருவாகி வருகிறது. சூர்யா நடித்துள்ள 'எதற்கும் துணிந்தவன்' திரைப்படத்திற்கு பிறகு நீண்ட காலமாக இப்படம் உருவாகி வரும் நிலையில், தற்போது கங்குவா படம் இந்த ஆண்டு 2024ல் தீபாவளி பண்டிகைக்கு ரிலீஸ் ஆக உள்ளது என படக்குழுவினர் அறிவிப்புகள் வெளியிட்டுள்ளனர்.

விடுதலை 2 - தமிழ் சினிமா முக்கிய இயக்குனர்களில் ஒருவரான திரு. வெற்றிமாறன் இயக்கத்தில் தமிழ் திரைப்பட நகைச்சுவை நடிகர் சூரி & தமிழ் திரைப்பட நடிகர் 'மக்கள் செல்வன்' விஜய் சேதுபதி இணைந்து முன்னணி கதாபாத்திரத்தில் நடித்திருக்கும் திரைப்படம். இத்திரைப்படத்தின் தயாரிப்பாளர் எல்ரெட் குமார் தயாரிக்க, இசையமைப்பாளர் 'இசைஞானி' இளையராஜா இசையமைத்துள்ளார். இப்படத்தின் முதல் பாகம் 2023ல் வெளியாகி பெரிய அளவில் தமிழ் சினிமா ரசிகர்கள் மத்தியில் கொண்டாடப்பட்டு வெற்றி பெற்றுள்ள நிலையில், தற்போது விடுதலை 2 திரைப்படம் 2024 தீபாவளி பண்டிகைக்கு ரிலீஸ் ஆக தயாராகி வருகிறது.

லவ் இன்சூரன்ஸ் கார்ப்பரேஷன் -  இயக்குனர் விக்னேஷ் சிவன் இயக்கத்தில் பிரதீப் ரங்கநாதன், க்ரித்தி ஷெட்டி, எஸ் ஜே சூர்யா, கௌரி கிஷான் என பல பிரபலங்கள் நடித்திருக்கும் காதல் திரைப்படம். இப்படத்தினை தயாரிப்பாளர் லலித் குமார் மற்றும் இப்படத்தின் இயக்குனர் விக்னேஷ் சிவன் இணைந்து தயாரிக்க, இசையமைப்பாளர் அனிருத் ரவிச்சந்தர் இசையமைத்துள்ளார். இப்படத்தில் ஒரு முக்கிய கதாபாத்திரத்தில் நடிகர் சீமான் நடித்துள்ளார். இப்படம் 2024 தீபாவளி பண்டிகை முன்னிட்டு தமிழ் சினிமாவில் வெளியாக உள்ளது. இப்படத்தின் அப்டேட் அடுத்தடுத்து வெளியாகும் என எதிர்பார்க்கப்படுகிறது.

கிஸ் - தமிழ் சினிமாவில் நடன மாஸ்டர் சதீஸ் இயக்குனராக அறிமுகமாகும் திரைப்படம். இப்படத்தில் கவின் - ப்ரீத்தி அஸ்ராணி முன்னணி கதாபாத்திரத்தில் நடித்துள்ள நிலையில், இசையமைப்பாளர் அனிருத் ரவிச்சந்தர் இப்படத்திற்கு இசையமைத்துள்ளார். இப்படம் இந்த ஆண்டு 2024 தீபாவளி பண்டிகைக்கு ரிலீஸ் செய்ய திட்டமிட்டு படப்பிடிப்புகள் நடந்து வருகிறது.