பெண்கள் கட்டாயம் பார்க்க வேண்டிய சமூக கருத்துகள் அடங்கிய தமிழ் படங்கள்...

நேர்கொண்ட பார்வை - இயக்குனர் ஹச் வினோத் இயக்கத்தில் அஜித் குமார் நாயகனாக நடித்துள்ள திரைப்படம். இப்படமானது இன்றைய சமூகத்தில் நகரத்தில் வாழும் பெண்கள் பப், குடி, சிகரெட் ஆகியவற்றை பயன்படுத்துவதால் மக்களின் கருத்து மேலும் அதன் விளைவு என பல விஷயங்களை பற்றி இப்படம் பேசியிருக்கிறது. ஒரு முன்னணி நடிகராக இருக்கும் அஜித் குமார் பல விமர்சனங்களுக்கு அஞ்சாமல் இப்படத்தினை தைரியமாக எடுத்து நடித்துள்ளார். இப்படத்திற்காக பல பாராட்டுகள் மற்றும் விருதுகள் பெற்றுள்ளார் அஜித் குமார்.

குடிக்கும் பெண்கள், பப் செல்லும் பெண்கள் அனைவரும் கெட்டவர்கள் அல்ல, அவர்களுக்கும் மனசு இருக்கு என ஜனரஞ்சகமான படைப்பாக இப்படம் உருவாகியுள்ளது.

நடிகை அமலா பால் நாயகியாக நடித்து வெளியான திரைப்படம். இப்படத்தில் ஆடையில்லாமல் நடித்துள்ளார், அமலா பால். இப்படம் பல சர்ச்சை ஏற்படுத்தி தமிழகத்தில் 'ஏ' சான்றிதழ் பெற்று வெளியானது. நகர வாசிகள் பிராங்க் என்று சொல்லி செய்து வரும் அட்டகாசம் மற்றும் அதன் விளைவு என சில விஷயங்களை இப்படம் பேசியுள்ளது.

இயக்குனர் அருண் பிரபு இயக்கத்தில் 2017 ஆம் ஆண்டு வெளியான திரைப்படம். இப்படத்தின் மூலம் தமிழ் சினிமாவில் இயக்குனராக அறிமுகமாகியுள்ளார், அருண் பிரபு. இப்படத்தில் நடிகை அதிதி பாலன் முன்னணி கதாபாத்திரத்தில் நடித்துள்ளார். எளிமையான மக்கள் மற்றும் ஒவ்வொரு பரிமாணத்தில் மக்களின் கண்ணோட்டம் மாறுபடுவது போன்ற விஷயங்களை இப்படம் தெளிவாக பேசியுள்ளது. 

பள்ளி பருவத்தில் இருந்து கல்லூரி வாழ்க்கை, வேலை செய்யும் பருவம் பல பல இடங்களில் பெண்கள் சந்திக்கும் கஷ்டங்கள் மற்றும் அதன் சமூக பார்வை என இப்படம் நேர்பட பேசியுள்ளது. இப்படம் வெளியாகி பெரிய அளவில் மக்கள் மத்தியில் பேசப்பட்டு பல விருதுகளை வென்றுள்ளது.

2017 ஆம் ஆண்டு இயக்குனர் ராம் இயக்கத்தில் ஆண்ட்ரியா, வசந்த் ரவி என பலர் நடித்திருக்கும் திரைப்படம், தரமணி. இப்படம் பல சமூக அக்கறை உடைய வசனங்கள் மற்றும் ஐடி வேலையில் இருக்கும் பெண்களின் நிலை என பல விஷயத்தை அப்பட்டமாக காட்சி படுத்தியுள்ளது. இப்படம் விமர்சனம் ரீதியில் கொண்டாடப்பட்டு அந்த ஆண்டின் முக்கிய படங்களில் ஒன்றாக பிரபலமாகியுள்ளது. இப்படத்திற்காக பல விருதுகளை வென்றுள்ளார், இயக்குனர் ராம்.

இறுகப்பற்று - 2023 ஆம் ஆண்டு இயக்குனர் யுவராஜ் தயாளன் இயக்கத்தில் விக்ரம் பிரபு, ஷ்ரத்தா ஸ்ரீநாத், ஸ்ரீ, சானியா ஐயப்பன், விதார்த், அபர்ணதி என பல பிரபலங்கள் நடித்திருக்கும் காதல் திரைப்படம். இப்படத்தில் குடும்ப வாழ்க்கை, காதல் வாழ்க்கை, தம்பதிகளின் புரிதல் என பல விஷயங்களை நேர்த்தியாக திரைக்கதை வடிவமைத்து இயக்கியுள்ளார், யுவராஜ் தயாளன். பெண்கள் மட்டுமில்லாமல் இப்படத்தினை ஆண்களும் கட்டாயம் பார்க்கவேண்டிய திரைப்படமாகும்.