ஜனனி, சாண்டி என லியோ படத்தில் நடித்து அசத்திய தமிழ் பிக்பாஸ் பிரபலங்கள்

ஜனனி குணசீலன் - பிக்பாஸ் நிகழ்ச்சியில் போட்டியாளராக பங்கேற்று பலரின் கவனத்தை கவர்ந்து பிரபலமானவர். இவர் இலங்கை நாட்டை சார்ந்தவர். தளபதி விஜய் நடித்துள்ள லியோ படத்தில் இவர் விஜய்-யின் காபி ஷாப் பணிப்பெண் கதாபாத்திரத்தில் நடித்து கலக்கியுள்ளார். இப்படத்தின் மூலம் தமிழ் சினிமாவில் தனது திரைப்பயணத்தை தொடங்கியுள்ள இவர் பெரிய அளவில் தமிழ் ரசிகர்கள் மத்தியில் வரவேற்பினை பெற்றுள்ளார்.

சாண்டி மாஸ்டர் - தமிழ் சினிமாவில் நடன கலைஞராக பணியாற்றி வருபவர். தமிழ் பிக்பாஸ் நிகழ்ச்சி மூலம் பல தமிழ் திரைபிரபலங்கள் & ரசிகர்கள் மத்தியில் பெரிய அளவில் கொண்டாடப்பட்டவர். இவர் பல படங்களில் பல்வேறு கதாபாத்திரத்தில் நடித்திருந்தாலும், லியோ படத்தில் இவர் நடித்த சைக்கோ கில்லர் கதாபாத்திரம் பெரிய அளவில் ரசிகர்கள் மத்தியில் கொண்டாடப்பட்டு வருகிறது.

சாந்தி மாஸ்டர் - தமிழ் பிக்பாஸ் நிகழ்ச்சி மூலம் பலரின் கவனத்தை கவர்ந்தவர். இவர் பெரும்பாலும் வில்லன் கதாபாத்திரத்தில் நடித்து பிரபலமானவர். சின்னத்திரை & வெள்ளித்திரை என பல கதாபாத்திரத்தில் மக்கள் மத்தியில் பிரபலமானவர். இவர் லியோ படத்தில் மிஸ்க்கின்-ன் மனைவி கதாபாத்திரத்தில் நடித்துள்ளார்.

வையாபுரி - தமிழ் சினிமாவில் பிரபல நகைச்சுவை நடிகர்களில் ஒருவராக பணியாற்றி பிரபலமாவர். இவர் தமிழ் பிக்பாஸ் நிகழ்ச்சியில் சீசன் 01 போட்டியாளராக பங்கேற்று பலரின் கவனத்தை கவர்ந்தார். இவர் விஜய்யின் நண்பன் கதாபாத்திரத்தில் பல படங்களில் நடித்திருந்தாலும் தற்போது லியோ படத்தில் வில்லை கதாபாத்திரத்தில் நடித்துள்ளார்.

மாயா எஸ் கிருஷ்ணன் - தமிழ் பிக்பாஸ் சீசன் 07 நிகழ்ச்சியில் ஒரு போட்டியாளராக பங்கேற்று விளையாடி வருகிறார். இவர் விக்ரம் படத்தில் ஒரு முக்கிய கதாபாத்திரத்தில் நடித்துள்ளார், அதனை தொடர்ந்து லியோ படத்தில் அதே கதாபாத்திரத்தில் நடித்து அசத்தியுள்ளார். இவர் ஒரு பின்னணி பாடகியாக தனது திரைப்பயணத்தை தொடங்கி தற்போது பலரின் வரவேற்பினை பெற்று கொண்டாடப்படுகிறார்.