Leo HD Print Leaked: 15 நாளில் லியோ பட HD வீடியோ லீக், எப்படி தெரியுமா?

தளபதி விஜய் நடிப்பில் சமீபத்தில் வெளியான அதிரடி திரில்லர் திரைப்படம், லியோ. இப்படத்தில் விஜய் உடன் இணைந்து திரிஷா கிருஷ்ணன், அர்ஜுன், சஞ்சய் தட், கவுதம் மேனன் என பல முன்னணி முக்கிய பிரபலங்கள் நடித்துள்ளனர். இசையமைப்பாளர் அனிருத் இசையில், விஜய்யின் மாஸ்டர் படத்தினை தயாரித்த திரு. லலித் குமார் இப்படத்தினை தயாரித்து, உலகம் முழுவதும் விநியோகம் செய்துள்ளார்.

தளபதி விஜய் நடிப்பில் வெளியான லியோ திரைப்படம், உலகமுழுவதும் 2023 அக்டோபர் 19ல் வெளியானது. இப்படத்தின் பாடல்கள் மற்றும் போஸ்டர்கள் என வெளியாகி ரசிகர்கள் மத்தியில் கொண்டாடப்பட்டு பிரபலமானது. லியோ திரைப்படத்தின் தொலைக்காட்சியில் ஒளிபரப்புவதற்கான உரிமையை சன் டிவி நிறுவனம் கைப்பற்றியுள்ள நிலையில், இப்படத்தின் ஆன்லைன் டிஜிட்டல் ஸ்ட்ரீமிங் ஓடிடி உரிமையை நெட்ப்ளிக்ஸ் நிறுவனம் கைப்பற்றியுள்ளது.

லியோ படம் வெளியான முதல் நாளில் இருந்து பெரிய அளவில் ரசிகர்களால் கொண்டாடப்பட்டு வசூல் வேட்டை செய்து வந்துள்ளது. லியோ படம் வெளியான முதல் நாளில் இப்படம் 148.64 கோடிகள் உலகளவில் வசூல் செய்து சாதனை படைத்திருக்கிறது. 2023 ஆம் ஆண்டு வெளியான இந்திய சினிமாவில் லியோ படத்தின் முதல் நாள் வசூல் தான் அதிக தொகை வசூல் செய்துள்ள பட வரிசையில் முதல் இடம் பிடித்துள்ளது.

பின்பு அடுத்தடுத்த நாளில் லியோ படத்தின் வசூல் சற்று சரிவை கண்டாலும், 4நாளில் 400 கோடி வசூல், பின் முதல் வாரத்தில் இப்படம் 463 கோடிகள் வசூல் செய்திருக்கிறது. சமீபத்தில் இப்படத்தின் தயாரிப்பாளர் லலித் குமார் லியோ படம் உலகளவில் 543 கோடிகளுக்கு மேல் வசூல் செய்துள்ளதாக அதிகாரப்பூர்வ தகவலாக இப்படத்தின் போஸ்டர் வெளியிட்டு உறுதி செய்துள்ளார்.

லியோ திரைப்படம் திரையரங்கில் வசூல் சாதனை படைத்து வரும் நிலையில், இப்படம் வெளியாகி 15 நாள் முடிவில் லியோ படத்தின் HD வீடியோ இணையத்தில் சிலரால் லீக் செய்யப்பட்டுள்ளது.

Einthusan என்ற ஒரு சர்வதேச ஓடிடி சேனல் மூலம் இப்படம் லீக் செய்பட்டுள்ளது. லியோ படத்தின் ஓடிடி உரிமையை நெட்ப்ளிக்ஸ் நிறுவனம் கைப்பற்றியுள்ள நிலையில் இப்படத்தினை திடீரென Einthusan நிறுவனம் வெளியிட்டு பரபரப்பை ஏற்படுத்தியுள்ளது.

Einthusan ஓடிடி நிறுவனம் இந்திய அரசால் தடை செய்யப்பட்ட ஓடிடி நிறுவனமாகும். இந்த ஓடிடியில் ஸ்ட்ரீமிங் செய்யப்படும் படங்கள் & வீடியோக்கள் சரியான முறையில் அதிகாரம் இல்லாததால், இந்த நிறுவனத்திற்கு பல காபிரைட்ஸ் குற்றங்கள் எழுந்துள்ளன. இதனால் இந்த Einthusan ஓடிடி நிறுவனம் இந்திய அரசால் தடை செய்யப்பட்டுள்ளது.

இந்த Einthusan ஓடிடியில் மூலம் லீக் செய்யப்பட்ட லியோ படம், டெலெக்ராம் போன்ற செயலிகள் மற்றும் ஆன்லைன் இணையதளங்கள் போன்றவற்றில் பகிரப்பட்டு தற்போது லியோ படத்தின் HD வீடியோ பல ரசிகர்களிடம் பரவியுள்ளது.