2023, அக் 30ல் ரீஎன்ட்ரி கொடுக்கும் பாண்டியன் ஸ்டோர்ஸ் (சீசன் 2), மாஸ் அப்டேட் இதோ

ஸ்டார் விஜய் தொலைக்காட்சியில் ஒளிபரப்பாகும் சீரியல்களில் பிரபலமான சீரியலான பாண்டியன் ஸ்டோர்ஸ் சீரியல் தற்போது முடிவுக்கு வந்துள்ளது. இந்த சீரியல் வாரந்தோறும் ஒளிபரப்பாகி வரும் நிலையில் தமிழ் சின்னத்திரை ரசிகர்கள் மத்தியில் கொண்டாடப்பட்ட சீரியலாகும். இந்த சீரியலின் முடிவை தொடர்ந்து எந்த ஒரு தாமதம் இன்று பாண்டியன் ஸ்டோர்ஸ் சீசன் 2 தொடங்க திட்டமிட்டுள்ளது, பாண்டியன் ஸ்டோர்ஸ் குழு. இதனை பற்றிய முழு விவரங்கள் இங்கு உள்ளன.

முதல் சீசன் கதாபாத்திரங்கள் பலரை மாற்றி உருவாகும் பாண்டியன் ஸ்டோர்ஸ் சீசன் 2 சீரியலில் நடிகர் ஸ்டாலின் முன்னணி கதாபாத்திரத்தில் நடிக்கிறார். இந்த புதிய தொடரில் தந்தை கதாபாத்திரத்தில் நடிகர் ஸ்டாலின் நடிக்க இருக்கிறார். பாண்டியன் ஸ்டோர்ஸ் முதல் சீசன் 'சகோதரர்களின் கதை' என்ற அத்தியாயத்தில் உருவானதை தொடர்ந்து, தற்போது இரண்டாம் சீசன் 'தந்தை சொல்லுக்கு மந்திரம் இல்லை' என்ற வசனத்தில் புதிய அத்தியாயமாக உருவாகிறது.

பாண்டியன் ஸ்டோர்ஸ் தொடரில் அண்ணன் கதாபாத்திரத்தில் நடித்து பலரின் கவனத்தை கவர்ந்த நடிகர் ஸ்டாலின், தற்போது இரண்டாம் பாக பாண்டியன் ஸ்டோர்ஸ் சீரியலில் முன்னணி கதாபாத்திரத்தில் நடிக்கிறார். இவர் தற்போது ஒளிபரப்பாக இருக்கும் புதிய தொடரில் தந்தை கதாபாத்திரத்தில் நடிக்கிறார். கதைக்களத்தில் ஏற்பட்டுள்ள இந்த மாற்றம் எந்த அளவில் ரசிகர்களை கவரும் என்ற ஆவல் பெரிய அளவில் உள்ளது.

பாண்டியன் ஸ்டோர்ஸ் சீசன் 01 தொடரில் நாயகியாக நடிகை சுஜாதா 'தனம்' கதாபாத்திரத்தில் நடித்துள்ளார். இந்த கதாபாத்திரம் பெரிய அளவில் தமிழ் சின்னத்திரை ரசிகர்கள் மத்தியில் வரவேற்பை பெற்றது. சமூக வலைத்தளங்களில் 'தியாகச்சுடர்' என்று ரசிகர்கள் இந்த கதாபாத்திரத்தை கேலி கிண்டலுமாக விமர்சித்து வந்துள்ளனர். 

தற்போது ஒளிபரப்பாகவிருக்கும் புதிய பாண்டியன் ஸ்டோர்ஸ் சீரியலில் நடிகை நிரோஷா நாயகியாக நடிக்க ஒப்பந்தமாகியுள்ளார். இவர் இதற்கு முன் பல சீரியல்களில் முன்னணி கதாபாத்திரத்தில் நடித்திருந்தாலும் தற்போது நிரோஷா நடிக்கும் இந்த பாண்டியன் ஸ்டோர்ஸ் கதாபாத்திரத்திற்கு பெரிய எதிர்பார்ப்புகள் உள்ளன. இந்த சீரியலில் இவர் தாய் & ஸ்டாலினின் மனைவி கதாபாத்திரத்தில் நடிக்கிறார்.

பாண்டியன் ஸ்டோர்ஸ் முதல் சீசன் தொடரில் அண்ணன் - தம்பி என இரு கதாபாத்திரங்கள் இருந்தது. அண்ணன் - தம்பிகளுக்கு இடையே உள்ள பாசம் மற்றும் அரவணைப்பு என முதல் பாகம் உருவான நிலையில், தற்போது இரண்டாம் சீசன் பாண்டியன் ஸ்டோர்ஸ் சீரியலில் அப்பா - மகன் என கதைக்களம் அமைந்துள்ளது.

தனது மூன்று மகன்களை நல்வழிப்படுத்தும் அப்பா மற்றும் அவர்ளை ஒழுக்கமுடைய பிள்ளைகளாக வளர்ப்பது போன்ற விஷயங்கள் இந்த பாண்டியன் ஸ்டோர்ஸ் சீசன் 2 சீரியலில் உள்ளன. ஸ்டாலின் & நிரோஷா தம்பதிக்கு இந்த தொடரில் வி.ஜே.கதிர்வேல் கந்தசாமி - வசந்த் வாசி - ஆகாஷ் பிரேம்குமார் ஆகியோர் மகன்களாக நடித்துள்ளனர்.

அடுத்த வாரம் முதல் விஜய் தொலைக்காட்சியில் ஒளிபரப்பாகும் பாண்டியன் ஸ்டோர்ஸ் சீசன் 2 புதிய தொடரில் ஸ்டாலின் (மூர்த்தி) & நிரோஷா (தனம்) முன்னணி கதாபாத்திரத்தில் நடிக்க, இவர்களுக்கு மகன்களாக வி.ஜே.கதிர்வேல் கந்தசாமி - வசந்த் வாசி - ஆகாஷ் பிரேம்குமார் ஆகியோர் நடிக்கின்றனர். இவர்களை தொடர்ந்து இந்த தொடரில் முக்கிய கதாபாத்திரங்களில் இசையமைப்பாளர் இளையராஜா-வின் மருமகள் விலாஷினி பின்னர் ஷாலினி & ரீஹானா ஆகியோர் முக்கிய கதாபாத்திரங்களில் நடிக்கின்றனர்.

பாண்டியன் ஸ்டோர்ஸ் சீசன் 2 சீரியல் ஸ்டார் விஜய் தொலைக்காட்சியில் 2023 ஆம் ஆண்டின் அக்டோபர் மாதம் 30 முதல் வாரந்தோறும் இரவு 8 மணிக்கு ஒளிபரப்ப திட்டமித்துள்ளது. முதல் செஷன் வெற்றியை தொடர்ந்து இரண்டாம் சீசன்-ற்கும் ரசிகர்கள் மத்தியில் எதிர்பார்ப்புகள் உள்ள நிலையில், கதையின் சுவாரசியம் கொண்டே இந்த தொடர் வெற்றி வாகை சூடுமா இல்லையா என முடிவெடுக்கப்படும் என பல ரசிகர்கள் தங்களின் கருத்துக்களை கூறிவருகின்றனர்.