பாண்டியன் ஸ்டோர்ஸ் சீரியல் அப்டேட்: புதிய பிரச்சனைக்கு அடிக்கல் நாட்டிய கண்ணன், இந்த முறை அடி பலமாக இருக்கும்

பாண்டியன் ஸ்டோர்ஸ் தமிழ் சினிமாவில் பெரிய அளவில் வரவேற்பு பெற்று கொண்டாடப்படும் மெகா தொடர் சீரியல். இந்த சீரியல் விஜய் தொலைக்காட்சியில் ஒளிபரப்பாகி வருகிறது. இந்த சீரியல் தற்போது பட்டி தொட்டி என பல இடங்களில் பல ரசிகர்களை தன்வசப்படுத்தி பெரிய அளவில் ட்ரெண்ட் ஆகி உள்ளது. ஒவ்வொரு மாதமும் பல்வேறு பிரச்சனைகள் அடிப்படையில் இந்த சீரியல் உருவாகி பலரின் கவனத்தை கவர்ந்துள்ளது. இந்த வார ப்ரோமோ மற்றும் சீரியலில் நடக்கும் புதிய சிக்கல் பற்றிய விவரிவாக இங்கு காணலாம்.

ஒருவழியாக கண்ணனின் கிரெடிட் கார்டு பிரச்சனையை முடித்துவிட்டு கண்ணனுக்காக ஜெயிலுக்கு சென்ற கதிரை வீட்டிற்கு அழைத்து வந்துவிட்டனர், மூர்த்தி மற்றும் ஜீவா. கதிர், கண்ணன் மற்றும் ஐஸ்வர்யாவை தனது வீட்டிற்கு அழைத்து வந்து விட்டார். முதலில் மூர்த்தி கடுமையாக எதிர்த்தாலும் பின்னர் தனம் மூர்த்தியை சமாதானம் படுத்தியுள்ளார்.

பாண்டியன் இல்லத்திற்கு வந்ததும் மீண்டும் தனது சேனலில் வீடியோக்கள் போட தொடங்கியுள்ளனர், கண்ணன் மற்றும் ஐஸ்வர்யா. தற்போது பயம் இல்லாமல் மூர்த்தியை வம்பிழுக்கும் நோக்கத்தில் தனது சேட்டைகளை செய்து வருகின்றனர், கண்ணன் & ஐஸ்வர்யா. தனம் மற்றும் முல்லை பலமுறை கண்டித்தும் யாரையும் மதிக்காமல் தனது விருப்பத்திற்கேற்ப வாழ்கிறார், ஐஸ்வர்யா.

வங்கியில் கிரெடிட் கார்டு மூலம் வாங்கிய கடன் பிரச்சனையை முடித்த கண்ணன் & ஐஸ்வர்யா, வட்டிக்கு வாங்கிய பணத்தை பற்றி கவலை இல்லாமல் இருக்கின்றனர். இந்நிலையில் ஐஸ்வர்யாவின் சித்தி அவர்களை மிரட்டிவிட்டு சென்றுள்ளார். குடும்பத்தினருக்கு தெரியாமல் இந்த வட்டி கடனை அடைக்க  முயற்சித்து வருகின்றனர், கண்ணன் & ஐஸ்வர்யா.

மூர்த்தியின் ஆதரவில் அரசாங்க வேலை வாங்கியுள்ள கண்ணன், தான் வேலை செய்யும் வங்கியில் லஞ்சம் வாங்க தொடங்கியுள்ளார். வட்டிக்கு வாங்கிய கடனை சமாளிக்க இந்த செயலை தொடங்கியுள்ள கண்ணனுக்கு அடுத்த ஆப்பு ரெடியாக உள்ளது. கண்ணனுக்கு என்ன ஆப்பு வந்தாலும் இறுதியில் தான் பாதுகாப்பாக இருந்து கொண்டு தனது குடும்பத்தினை வருந்த செய்வார். இவரின் இந்த நிலைக்கு பாண்டியன் ஸ்டோர்ஸ் குடும்பம் என்ன ஆக போகிறதோ?