M குமரன் முதல் பிச்சைக்காரன் பல படங்களை தவறவிட்டேன், நடிகர் ஸ்ரீகாந்த் வேதனை

M குமரன் S/O மஹாலட்சுமி -  இயக்குனர் எம் ராஜா இயக்கத்தில் ஜெயம் ரவி - அசின் முன்னணி கதாபாத்திரத்தில் நடித்து தமிழ் சினிமாவில் மிகப்பெரிய வெற்றி அடைந்த ஹிட் திரைப்படம். இப்படத்தின் மூலம் நடிகர் ஜெயம் ரவி தமிழ் சினிமாவில் வளர்ந்து வரும் முக்கிய நட்சத்திரமாக கொண்டாடப்பட்டார். இப்படம் முதலில் ஸ்ரீகாந்த் நடிக்கவிருந்த நிலையில், இப்படம் வேறு ஒரு நடிகர் நடிப்பில் தெலுங்கு சினிமாவில் வெளியானது. பின் இப்படத்தினை தமிழில் ஜெயம் ரவி நடித்துள்ளார்.

பிச்சைக்காரன் - இயக்குனர் சசி இயக்கத்தில் விஜய் ஆன்டனி நாயகனாக நடித்திருக்கும் திரைப்படம். இப்படம் தமிழ் - தெலுங்கு என இரு மொழியில் மிக பெரிய ஹிட் அடித்துள்ள பிளாக்பஸ்டர் திரைப்படம். இப்படம் நடிகர் விஜய் ஆன்டனி திரைவாழ்வில் பல வாய்ப்புகளை அள்ளி குவித்துள்ளது. இப்படத்தின் பிரமாண்ட வெற்றியை தொடர்ந்து பிச்சைக்காரன் 2 என இப்படத்தின் இரண்டாம் பாக திரைப்படமும் வெளியாகியுள்ளது.

இப்படத்தில் நடிக்க முதலில் நடிகர் ஸ்ரீகாந்தை அணுகியுள்ளார், இயக்குனர் சசி. ஆனால் சில காரணங்களால் இப்படத்தினை வேண்டாம் என தவிர்த்துள்ளார், ஸ்ரீகாந்த்.

நான் கடவுள் - இயக்குனர் பாலா இயக்கத்தில் 2009 ஆம் ஆண்டு வெளியான சூப்பர் ஹிட் திரைப்படம். இப்படம் தமிழ் சினிமாவில் வெளியாகி பெரிய அளவில் பேசப்பட்டு பல விருதுகளை அள்ளிக்குவித்துள்ள திரைப்படம். இப்படத்தில் நடித்த நாயகன், நாயகி, இயக்குனர் என பலர் விருதுகளை அள்ளிக்குவித்துள்ளனர்.

இப்படத்தில் நடிகர் அஜித்குமார் நாயகனாக நடிக்க பின் இப்படம் சில காரணங்களால் தவிர்க்கப்பட்டு நிலையில், பின் இப்படம் ஆர்யா நடிப்பில் வெளியானது. ஆனால் அஜித் இப்படத்தில் இருந்து விலகியுள்ள நிலையில், நடிகர் ஸ்ரீகாந்த் நாயகனாக நடிக்க ஆரம்பமானது, ஆனால் ஸ்ரீகாந்த்-யும் இப்படத்தினை நிராகரிக்க இறுதியில் இப்படம் ஆர்யா நடிப்பில் வெளியாகியுள்ளது.

ரன் - இயக்குனர் லிங்குசாமி இயக்கத்தில் மாதவன், மீரா ஜாஸ்மின் என பல பிரபலங்கள் நடித்துள்ள வெற்றி திரைப்படம். இப்படம் இயக்குனர் லிங்குசாமியின் திரைப்பயணத்தில் இன்றும் பேசப்படக்கூடிய சூப்பர் ஹிட் தமிழ் திரைப்படம். இப்படத்தில் நாயகனாக நடிக்க முதலில் ஸ்ரீகாந்த் ஒப்பந்தம் செய்யப்பட்டார், ஆனால் சில காரணத்தால் நடிகர் ஸ்ரீகாந்த் இப்படத்தில் இருந்து விலக இப்படம் மாதவன் நடிப்பில் வெளியானது.

டிஷ்யூம் - இயக்குனர் சசி இயக்கத்தில் 2006 ஆம் ஆண்டு ஜித்தன் ரமேஷ் நடிப்பில் வெளியான திரைப்படம். ரோஜா கூட்டம் படத்தின் வெற்றியை தொடர்ந்து, இப்படத்தில் நாயகனாக நடிக்க நடிகர் ஸ்ரீகாந்த்-யை அணுகியுள்ளார், இயக்குனர் சசி. ஆனால் நடிகர் ஸ்ரீகாந்த் இப்படத்தினை நிராகரிக்க இப்படத்தில் ஜித்தன் ரமேஷ் ஒப்பந்தம் செய்யப்பட்டார். சினிமாவில் பணியாற்றும் சண்டை பயிற்சி கலைஞர்கள் வாழ்க்கை வரலாற்றை பற்றி இப்படம் பேசியிருக்கிறது.