Pandian Stores 2: சரவணனுக்கு ஜோடி சேரும் சரண்யா, சீரியலுக்கு ரீ-என்ட்ரி குடுத்த நடிகை

ஸ்டார் விஜய் தொலைக்காட்சியில் ஒளிபரப்பாகி வரும் பிரபல மெகா தொடர் சீரியல். இந்த சீரியல் முதல் பாகத்தின் வெற்றியை தொடர்ந்து மீண்டும் இரண்டாம் பாகத்தில் உருவாகி வருகிறது. ஸ்டாலின், நிரோஷா முன்னணி கதாபாத்திரத்தில் நடிக்க, அஜய் ரத்னம், பாண்டி ரவி, விஜே கதிர்வெல், ஹேமா ராஜ்குமார் என பலர் முக்கிய கதாபாத்திரத்தில் நடித்துள்ளனர். இந்த தொடர் திங்கள் - சனி வரை இரவு 8 மணிக்கு ஒளிபரப்பாகி வருகிறது.

மூத்த அண்ணன் இருக்க, இளைய தம்பிகள் இருவரும் காதல் திருமணம் செய்து கொண்டதால் பாண்டியன் குடும்பம் மூத்த மகன் திருமணத்திற்கு பல பிரச்சனைகளை சந்தித்து வருகிறது. பல இடங்களில் திருமணம் செய்து வைக்க முயற்சிக்கும் பாண்டியன் பலமுறை அவமானத்தை சந்தித்து வருகிறார். இதனால் பாண்டியன் குடும்பம் கல்யாண மாலை நிகழ்ச்சிக்கு வருகை தருகின்றனர்.

பாண்டியன் ஸ்டோர்ஸ் 2 சீரியலின் இந்த வார ப்ரோமோ வீடியோவில் சரவணனுக்கு திருமண ஏற்பாடுகள் செய்ய கல்யாண மாலை நிகழ்ச்சிக்கு வருகை தந்துள்ளனர், பாண்டியன் குடும்பத்தினர். அதே கல்யாண மாலை நிகழ்ச்சியில் என்ட்ரி கொடுக்கிறார், நடிகை சரண்யா. இவர் தான் சரவணனுக்கு ஜோடி என பல கருத்துக்கள் எழுந்துள்ளன. இரு வீட்டாரின் ஆசை படி சரவணன் - சரண்யா திருமணம் பற்றிய கதைக்களம் தான் இனி பாண்டியன் ஸ்டோர்ஸ் 2 சீரியல்.

நடிகை சரண்யா விஜய் தொலைக்காட்சியில் நெஞ்சம் மறப்பதில்லை போன்ற பல சீரியல் தொடர்களில் நாயகியாக நடித்துள்ளார். சில ஆண்டுகளாக நடிப்பதில் ஓய்வு எடுத்துவந்துள்ள சரண்யா, தற்போது பாண்டியன் ஸ்டோர்ஸ் 2 சீரியல் மூலம் ரீ என்ட்ரி கொடுத்துள்ளார். இவரது அறிமுகத்தால் பல ரசிகர்கள் மகிந்துள்ளனர்.