தமிழும் சரஸ்வதியும் சீரியல் அப்டேட்: தேர்தல் விவகாரத்தில் அர்ஜுனின் சூழ்ச்சியில் சிக்கிய தமிழ்

ஸ்டார் விஜய் தொலைக்காட்சியில் ஒளிபரப்பாகிவரும் பிரபல தமிழ் சீரியல் தொடர், தமிழும் சரஸ்வதியும். இந்த சீரியலை சின்னத்திரை இயக்குனர் எஸ் குமரன் இயக்கி வருகிறார். தீபக் தினகர் மற்றும் நக்ஷத்திர நாகேஷ் முன்னணி கதாபாத்திரத்தில் நடித்து வருகின்றனர். இந்த சீரியல் ஆரம்பமான காலகட்டத்தில் இருந்து சராசரியான டி.ஆர்.பி பெற்று வருகிறது. இந்த வாரம் இந்த சீரியலில் நடக்கவிருக்கும் சுவாரஸ்யங்களை பற்றி இங்கு விரிவாக காணலாம்.

கோதை இண்டஸ்ட்ரீஸ்-க்கு எதிராக சரஸ்வதி இண்டஸ்ட்ரீஸ்-யை தொடங்கிய தமிழ் நேர்மையாக உழைத்து வருகிறார். இந்நிலையில் தமிழின் வளர்ச்சியை தடுக்க பல வழிகளில் முயற்சித்து வந்துள்ள அர்ஜுன், ஒரு சின்ன விஷயத்தில் பிடிபட்டு சில நாட்கள் அமைதியாக இருந்து வந்துள்ளார். இந்நிலையில் மீண்டும் தமிழ் வழியில் குறுக்கிட தொடங்கியுள்ளார், அர்ஜுன்.

தொழில்துறை தலைவர் போட்டிக்கு கோதை போட்டியிடுகின்றனர், அதே சமயத்தில் தமிழை போட்டியிட சொல்லி சிலர் கூறிவருகின்றனர். ஆனால் தமிழ் மறுப்பு தெரிவித்து விலகியுள்ளார். இதனை அறிந்த அர்ஜுன் சூழ்ச்சி செய்து தமிழை தேர்தல் போட்டிக்கு வரவழைக்கிறார். இந்நிலையில் கோதை குடும்பத்தில் இதனை அறிந்ததும் சற்று கோபத்தில் உள்ளனர். மேலும் தமிழை தேடி வந்து போட்டியில் ஜெயிக்க சவால் விட்டு செல்கிறார். தமிழும் அர்ஜுனின் சவாலுக்கு ஒப்புக்கொண்டு தேர்தல் பணிகளை தொடங்குகிறார்.

தேர்தலில் கோதை மற்றும் தமிழை நேரடியாக போட்டியிட செய்து, தமிழ் மீது கோதைக்கு பெரும் வெறுப்பை உண்டாக்க திட்டமிட்டுள்ளார், அர்ஜுன். இந்நிலையில் நமச்சி, தமிழின் தந்தை மற்றும் சரஸ்வதி தமிழுக்கு ஆறுதலாக இருக்கின்றனர். அர்ஜுனின் செயல்பாடு மீது சந்தேகம் கொண்ட தமிழின் தந்தை பெரும் அச்சத்தில் உள்ளார். தனது தொடர் சூழ்ச்சி மற்றும் சாமர்த்தியம் மூலம் பல விஷயங்களை மாற்றி வருகிறார், அர்ஜுன்.

தேர்தல் களத்தில் நேரடியாக போட்டியிடும் தமிழ் மற்றும் கோதைக்கு இருக்கக்கூடிய வெற்றி வாய்ப்புகள் பற்றி குழப்பத்தில் உள்ளனர். கோதை பல ஆண்டுகளாக தலைவர் பொறுப்பில் இருந்து வருகிறார், இவருக்கு பல ஆதரவாளர்கள் உள்ளனர் மற்றும் பல தொழிலதிபர்களை பற்றி நன்கு அறிந்துள்ளார். தமிழ் தற்போது தான் ஒரு இண்டஸ்ட்ரி மூலம் தன்னை நிலைநாட்டி வருகிறார். இவரின் நேர்மை மீது நம்பிக்கை கொண்ட சிலர் இவரை தலைவர் பொறுப்பில் நிறுத்தி வெற்றி பெற முயற்சிக்கின்றனர். இருப்பினும் தமிழின் குணத்தை பற்றி பலர் அறிந்துள்ளனர். எனவே வெற்றி வாய்ப்பு பற்றி சில குழப்பங்கள் இருக்கிறது.