Indian 2 OTT: திரையரங்கு வசூல் இல்லாமல் தவிக்கும் இந்தியன் 2... விரைவில் ஓடிடியில் வெளியிட திட்டம்!

இந்தியன் 2 - 1996ஆம் ஆண்டு வெளிவந்த இந்தியன்  திரைப்படத்தின் இரண்டாம் பாகமாக இயக்குனர் ஷங்கர் ஷண்முகம் இயக்கத்தில் கமல் ஹாசன் முன்னணி கதாபாத்திரத்தில் நடித்திருக்கும் அதிரடி - கிரைம் திரில்லர் திரைப்படம். இப்படத்தினை தமிழ் சினிமாவின் முன்னணி தயாரிப்பாளர் சுபாஷ்கரன் தனது லைக்கா புரொடக்சன்ஸ் தயாரிப்பு நிறுவனத்தின் மூலம் தயாரிக்க, இசையமைப்பாளர் அனிருத் ரவிச்சந்தர் இப்படத்திற்கு இசையமைத்துள்ளார்.

அதிரடி திரில்லர் திரைக்கதையில் உருவாகியுள்ள 'இந்தியன் 2' திரைப்படத்திற்கு ஒளிப்பதிவாளர் ரவி வர்மன் ஒளிப்பதிவு செய்ய, படத்தொகுப்பாளர் ஸ்ரீகர் பிரசாத் எடிட்டிங் செய்துள்ளார். இப்படத்தில் கமல் ஹாசன் நாயகனாக நடிக்க சித்தார்த், ரகுல் ப்ரீத் சிங், எஸ் ஜே சூர்யா, பாபி சிம்ஹா, பிரியா பவானி ஷங்கர், சமுத்திரக்கனி, காளிதாஸ் ஜெயராம், நெடுமுனி வேணு, விவேக், மனோ பாலா என தமிழ் சினிமா முன்னணி நட்சத்திரங்கள் பலர் நடித்துள்ளனர். இந்தியன் 2 திரைப்படத்தினை தொடர்ந்து இந்தியன் 3 திரைப்படமும் உருவாகி உள்ளது.

தமிழகத்தில் படித்து வேலை இல்லாமல் இருக்கக்கூடிய பல கோடி இளைஞர்கள் மத்தியில் ஒருவராக இருக்கும் சித்தார்த், இந்த அரசாங்கத்தை எதிர்த்து போராட முடிவு எடுக்கிறார். இதற்காக ஒரு சமூக ஆர்வம் கொண்ட சிலரை சேர்த்து ஒரு குழு அமைத்து போராடி வருகிறார். தொடர்ந்து சமூக வலைத்தளத்தில் பல பதிவுகள் மூலம் பலரின் அறிமுகத்திற்கு வரும் சித்தார்த் குடும்பம் மற்றும் சமூகம் என பல பிரச்சனைகளை சந்தித்து வருகிறார்.

ஒரு கட்டத்தில் ஊழலில் இருந்து தப்ப முடியாமல் இருக்கும் சித்தார்த், இந்தியன் என்னும் சேனாதிபதி (கமல் ஹாசன்) பற்றிய விவரங்களை அறிகிறார். பின் இந்த ஊழலை தடுக்க மீண்டும் இந்தியன் வர வேண்டும் என பல முயற்சிகள் எடுத்து சேனாதிபதியை மீண்டும் இந்தியா வரவழைத்து பல ஊழல்வாதிகள் மற்றும் அரசாங்கத்தை ஏமாற்றும் துரோகிகளை தண்டிப்பதே இப்படத்தின் கதைக்கரு.

லைக்கா புரொடக்சன்ஸ் நிறுவனத்தின் தயாரிப்பில் உருவாகியுள்ள இந்தியன் 2 திரைப்படத்தினை தமிழகம் முழுவதும் தமிழ் சினிமாவின் தயாரிப்பாளர், நடிகர் மற்றும் தமிழக அரசியல்வாதியான திரு. உதயநிதி ஸ்டாலினின் 'ரெட் ஜெயண்ட் மூவிஸ்' நிறுவனம் விநியோகம் செய்துள்ளது. 

இந்தியன் 2 திரைப்படம் திரையரங்கில் வெளியாகி போதிய கலக்ஷன்ஸ் இல்லாமல் வந்த நிலையில், இப்படம் வசூல் ரீதியாக மோசமான நிலையை அடைந்துள்ளது. விமர்சனம் ரீதியில் தோல்வி படமாக கருதப்பட்ட இந்தியன் 2 திரைப்படம், வசூல் ரீதியாகவும் தோல்வியை சந்தித்துள்ளது.

இந்தியன் 2 திரைப்படத்தின் விமர்சனங்கள் தமிழகத்தில் பெரும் சர்ச்சையாக மாறியுள்ளது. இந்தியன் படத்தின் கதையை சொதப்பி ஒரு சீரியல் படமாக உருவாக்கியுள்ளனர் என பல விமர்சகர்கள் சமூக வலைத்தளத்தில் கருத்துகளை பகிர்ந்து வருகின்றனர். திரைக்கதையில் ஏற்பட்ட மாற்றம் மற்றும் இந்தியா அளவில் இப்படத்தினை பிரபலமாக்க பல மாநிலங்களின் கதை என இப்படத்தின் கதையை தாண்டி பல விஷயங்களை திரைக்கதையில் திணித்து இப்படத்தின் சுவாரஸ்யத்தை சொதப்பி உள்ளனர், படக்குழுவினர்.

மிகப்பெரிய எதிர்பார்ப்பில் வெளியான இந்தியன் 2 திரைப்படம், திரையரங்கில் போதிய வரவேற்பு இல்லாமல் நஷ்டத்தை அடைந்துள்ள நிலையில், வசூல் மற்றும் விமர்சனம் ரீதியாக சரிவை கண்டுள்ளது. 250 கோடி பொருட்செலவில் உருவாகியுள்ள இந்தியன் 2 திரைப்படம் 2024 ஜூலை 12ல் உலகமெங்கும் வெளியான நிலையில் இப்படத்தின் ஓடிடி ரிலீஸ் பற்றிய தகவல்கள் சமூக வலைத்தளத்தில் கசிந்து வருகிறது.

இந்தியன் 2 திரைப்படத்தின் டிஜிட்டல் ஓடிடி ஸ்ட்ரீமிங் உரிமையை 'நெட்ப்ளிக்ஸ்' நிறுவனம் 200 கோடி கொடுத்து கைப்பற்றியுள்ளது. திரையரங்கில் இப்படம் மோசமான விமர்சனம் பெற்றுள்ளதால், இப்படத்தினை ஓடிடியில் வெளியிட திட்டமிட்டுள்ளனர். விரைவில் 2024 ஆகஸ்ட் மாதம் இப்படம் நெட்ப்ளிக்ஸ் ஓடிடியில் ஸ்திரீமிங் செய்ய ரெடி ஆகிறது.