விடாமுயற்சிக்கு குட்பை... குட் பேட் அக்லி படத்திற்கு கால்ஷீட் ஒதுக்கிய அஜித் குமார்

அஜித் குமார் - தமிழ் சினிமா ரசிகர்கள் மத்தியில் கொண்டாடப்படும் நடிகர் ஆவார். இவரது படங்கள் வெளியாகும் நாட்களில் தமிழகம் முழுவதும் ஒரு திருவிழாவை போல பல கோடி ரசிகர்கள் கொண்டாடி வருகின்றனர். சினிமாவை தவிர்த்து பல திறமைகளை தன்வசம் கொண்டு பணியாற்றி வரும் இவர், 100 கோடிகளுக்கு மேல் சம்பளமாக வாங்கக்கூடிய ஒரு முன்னணி இடத்தினை தக்கவைத்துள்ளார். அஜித் குமார் நடிக்கும் படங்கள் வெளியாகி சுமார் சராசரியாக 200 கோடிகளுக்கு மேல் வசூலித்து சாதனை படைத்து வருகிறது.

விடாமுயற்சி - இயக்குனர் மகிழ் திருமேனி இயக்கத்தில் அஜித்குமார் நாயகனாக நடித்து வரும் திரைப்படம். இப்படத்தினை லைகா நிறுவனம் தயாரிக்க, இசையமைப்பாளர் அனிருத் ரவிச்சந்தர் இசையமைத்துள்ளார். அதிரடி படமாக உருவாகும் இப்படத்தில் நடிகர் அஜித் முன்னணி கதாபாத்திரத்தில் நடிக்க, இவருடன் இணைந்து திரிஷா கிருஷ்ணன், அர்ஜுன், ஆரவ் என பல தமிழ் சினிமா பிரபலங்கள் நடித்து வருகின்றனர்.

2024 ஆம் ஆண்டு லைகா நிறுவனம் தயாரித்து வெளியிட்ட மிஷன் 1, லால் சலாம் ஆகிய படங்கள் மோசமான விமர்சனம் பெற்று பெரும் நஷ்டத்தை அடைந்துள்ளது. இதனால் லைகா நிறுவனத்திற்கு வரவேண்டிய நிதி எல்லாம் முடங்க போதிய நிதி இல்லாமல் ரஜினி நடித்து வரும் 'வேட்டையன்' மற்றும் அஜித் குமார் நடித்துவரும் 'விடாமுயற்சி' திரைப்படம் இரண்டும் படப்பிடிப்பு நடத்த முடியாமல் நிறுத்தப்பட்டது. பின்னர் ரஜினி மற்றும் அஜித் குமார் அடுத்த படங்களின் அறிவிப்பை வெளியிட்ட நிலையில், அவசரமாக நிதியை திரட்டி ரஜினி நடித்த வேட்டையன் பட ஷூட்டிங் நடத்தியுள்ளனர். ஒரு வழியாக வேட்டையன் படத்தினை முடித்த லைகா நிறுவனம் தற்போது அஜித் குமார் நடிக்கும் விடாமுயற்சி படத்தினை தொடங்க திட்டமிட்டுள்ளனர்.

பல மாதங்களாக நிதி இல்லாமல் விடாமுயற்சி படத்தினை நிறுத்தி வைத்து, அஜித்குமாரின் பல கால்ஷீட் வீணடிக்கப்பட்ட காரணத்தால் நடிகர் அஜித் குமார் லைகா நிறுவனத்திற்கு குட்பை சொல்லிவிட்டு,  குட் பேட் அக்லி சூட்டிங்கில் கலந்து கொண்டுள்ளார்.

குட் பேட் அக்லி - இயக்குனர் ஆதிக் ரவிச்சந்திரன் இயக்கத்தில் அஜித் குமார் நடிக்கும் திரைப்படம். இப்படத்தில் நடிகர் அஜித் மூன்று வித்தியாசமான கதாபாத்திரத்தில் நடிக்கவுள்ளார் என தகவல்கள் வெளியாகி உள்ளது. மைத்திரி மூவி மேக்கர்ஸ் தயாரிப்பு நிறுவனம் தயாரித்துள்ள இப்படத்திற்கு இசையமைப்பாளர் தேவி ஸ்ரீ பிரசாத் இசையமைத்துள்ளார்

அஜித் குமார் நடிப்பில் தற்போது படப்பிடிப்பு நடந்து வரும் 'குட் பேட் அக்லி' திரைப்படத்தின் ஃபர்ஸ்ட் லுக் போஸ்டர் தற்போது வெளியாகி உள்ளது. நடிகர் அஜித் குமார் மூன்று வெவ்வேறு போஸில் இருந்து கலக்கியுள்ளார். இதனால் இப்படத்தின் போஸ்ட்டரை குட் பேட் அக்லி - 3 லுக் போஸ்டர் என ப்ரொமோட் செய்துள்ளனர், படக்குழுவினர். இப்படத்தின் படப்பிடிப்பு தற்போது தீவிரமாக நடந்து வருகிறது. இப்படத்தினை 2025 பொங்கல் ரிலீஸ் படமாக வெளியிட திட்டமிட்டுள்ளனர், படக்குழுவினர்.