பத்து தல: சிலம்பரசனின் ரீமேக் படத்திற்கு கிடைத்த பிரமாண்ட வரவேற்பு, காரணம் இதோ!

இயக்குனர் என் கிருஷ்ணன் இயக்கத்தில் சிலம்பரசன், கவுதம் கார்த்திக், பிரியா பவானி ஷங்கர், கவுதம் மேனன் என பல பிரபலங்கள் இணைந்து நடித்திருக்கும் திரில்லர் & அதிரடி திரைப்படம். இப்படத்தினை தயாரிப்பாளர் கே ஈ ஞானவேல் ராஜா தயாரிக்க, இசையமைப்பாளர் ஏ ஆர் ரஹ்மான் இசையமைத்துள்ளார். இப்படம் 2023 மார்ச் 30ல் திரைக்கு வருகிறது.

கன்னட சினிமாவில் ஷிவ்ராஜ்குமார் நடிப்பில் உருவான 'முஃப்டி' திரைப்படத்தின் பிரமாண்ட வெற்றியை தொடர்ந்து தமிழில் இப்படம் ரீமேக் படமாக உருவானது. கன்னட படத்தினை இயக்கிய நார்தன் முதலில் இப்படத்தினை இயக்கிவந்தார். ஆனால் சில காரணத்தால் இப்படத்தின் படப்பிடிப்பு சற்று நிறுத்திவைக்கப்பட்ட நிலையில் இப்படத்தில் இருந்து இயக்குனர் வெளியேறினார்.

முஃப்டி படத்தின் இயக்குனர் நார்தன் முதலில் பத்து தல படத்தினை இயக்கி வந்தார், பின் இவர் இப்படத்தில் இருந்து வெளியேற இறுதியில் என் கிருஷ்ணன் இயக்குனராக இப்படத்தில் இணைந்தார். நார்தன் இயக்குனர் காட்சிகள் முற்றிலுமாக நீக்கப்பட்டு பின் மீண்டும் முதலிருந்து படப்பிடிப்பு தொடங்கியது, சிலம்பரசனின் உடல் மாற்றமே இதற்கு காரணம்.

பத்து தல படத்தின் ஆடியோ லான்ச் நிகழ்ச்சியில் சென்னையில் உள்ள நேரு விளாகத்தில் பிரமாண்டமாக நடைபெற்றது. அந்த நிகழ்ச்சியில் சிலம்பரசனின் ரசிகர்களுக்கு பல ஆச்சரியங்கள் இருந்தது. நடனம், பாடல் என சிலம்பரசன் தனது ரசிகர்களை உற்சாகப்படுத்தினார். இந்த ஆடியோ லான்ச் மூலம் பத்து தல படத்திற்கு ரசிகர்கள் மத்தியில் பெரும் வரவேற்பு கிடைத்துள்ளது.

கவுதம் கார்த்திக் நாயனாக நடிக்க, சிலம்பரசன் ஒரு முக்கிய கதாபாத்திரத்தில் இப்படம் முதலில் தொடங்கப்பட்டது. பின் ரசிகர்கள் மத்தியில் சிலம்பரசனுக்கு கிடைத்த பிரமாண்ட வரவேற்பு காரணமாக சிலம்பரசனின் கதாபாத்திரத்தின் நீளம் இப்படத்தில் அதிகரிக்கப்பட்டுள்ளது. இப்படத்தில் ப்ரியா பவானி ஷங்கர், கவுதம் மேனன், கலையரசன், டீஜெ அருணாச்சலம், அணு சித்ரா என பல பிரபலங்கள் நடித்துள்ளனர்.


அதிரடி கதைக்களத்தில் உருவான இப்படத்திற்கு ஒளிப்பதிவாளர் ஃபரூக் பாஷா ஒளிப்பதிவு செய்ய, படத்தொகுப்பாளர் பிரவீன் கே எல் எடிட்டிங் செய்துள்ளார்.

பத்து தல படத்தின் ப்ரோமோஷன் பணிகள் தீவிரமாக நடந்து வருகிறது. சமூக வலைத்தளங்களில் இப்படம் பற்றிய தகவல்கள் வைரலாகி வருகிறது. மேலும் இப்படத்தின் புக்கிங் பணிகளையும் படக்குழு தொடங்கிவிட்டனர்.