வசூல் ரீதியாக துணிவு திரைப்படம் படைத்த சாதனைகள்

நடிகர் அஜித்குமார் திரைவாழ்வில் இவர் நடித்துள்ள 61வது திரைப்படம், துணிவு. இப்படத்தினை தயாரிப்பாளர் போனி கபூர் தயாரிக்க, இசையமைப்பாளர் ஜிப்ரான் இசையில் இயக்குனர் ஹச் வினோத் இயக்கியுள்ளார். அதிரடி - திரில்லர் கதைக்களத்தில் உருவான இப்படம் 2023 பொங்கல் பண்டிகை முன்னிட்டு தமிழ் சினிமாவில் வெளியாகியுள்ளது.

வங்கி நடுத்தர மக்களின் வாழ்க்கையில் எவ்வாறு முக்கியத்துவம் கொண்டதாக உள்ளது. மக்களை எவ்வாறெல்லாம் வங்கி ஏமாற்றுகிறது, என்பதே படத்தின் கதை. இப்படம் தமிழ் சினிமா ரசிகர்களால் பெரிய அளவில் கொண்டாடப்பட்டு ப்ளாக்பஸ்டர் படமாக புகழ் பெற்றுள்ளது. இப்படத்திற்கு மக்கள் மத்தியில் கிடைத்த பிரமாண்ட வரவேற்பு காரணமாக பெரிய அளவில் பாக்ஸ் ஆபிஸில் வசூலை அள்ளிக்குவித்துள்ளது.

துணிவு திரைப்படம், 2023 பொங்கல் பண்டிகைக்கு வெளியானது. இப்படம் வெளியான ஜனவரி 11ம் தேதியில் தமிழ் சினிமாவின் முன்னணி நடிகரான விஜய்யின் வாரிசு படமும் ஒரே நாளில் வெளியானது. துணிவு திரைப்படம் தமிழகத்தில் மட்டும் ₹ 24.59 கோடிகள் வசூலித்து எந்த தமிழ் படமும் படைத்திராத சாதனையை படைத்துள்ளது. மேலும் இப்படம் உலகளவில் முதல் நாள் வசூலில் கிட்டத்தட்ட ₹ 49 கோடிகள் வசூல் செய்துள்ளதாக தகவல்கள் வெளியாகியுள்ளது. தமிழக பாக்ஸ் ஆபிஸ் பட்டியலில் முதல் நாள் கலெக்ஷன் பட்டியலில் இன்றைய நிலவரத்தில் துணிவு தான் நம்பர் 01.

துணிவு திரைப்படம் வெளியான முதல் 3 நாட்களிலையே ₹100 கோடிகள் வசூல் செய்து சாதனை படைத்துள்ளது. இதுவரை வெளியான அஜித்குமாரின் படங்களில் எந்த படமும் இந்த அளவிற்கு வசூல் ரீதியாக சாதனை படைத்ததில்லை. உலகளவில் இப்படம் படைத்துள்ள சாதனை பல நாடுகளில் உள்ள அஜித் ரசிகர்களால் கொண்டாடப்பட்டு வருகிறது.

துணிவு திரைப்படம் வெளியான முதல் 7 நாட்களில் ஜனவரி 11 முதல் 17 வரை உள்ள தினங்களில் உலகளவில் ₹200 கோடிகள் வசூல் செய்துள்ளதாக தகவல். இப்படத்தின் தயாரிப்பாளரான போனி கபூர், இப்படம் பாக்ஸ் ஆபிஸில் பெரிய அளவில் சாதனை படைத்துள்ளதாக கூறியுள்ளார். 'தி ரியல் வின்னர்' துணிவு என போஸ்டரை வெளியிட்டுள்ளார், இப்படத்தின் தயாரிப்பாளர். இதுவரை எந்த அஜித்குமார் படங்களும் படைத்திராத சாதனையை இப்படம் படைத்துள்ளது.

துணிவு திரைப்படம் தமிழ் சினிமாவில் மட்டும் ₹100 கோடிகள் வசூல் செய்துள்ளதாக தகவல். நடிகர் அஜித் குமார் திரைவாழ்வில் இப்படம் பெரிய அளவில் கொண்டாடப்பட்ட படமாக உள்ளது. தமிழ் மற்றும் உலகளவில் உள்ள அஜித் ரசிகர்கள் மற்றும் தமிழகத்தில் இப்படத்தினை குடும்பங்களோடு கண்டு ரசிக்கின்றனர். மக்களுக்கு விழிப்புணர்வு ஏற்படுத்தக்கூடிய படமாக அமைந்ததே துணிவு படத்திற்கு வெற்றி எனவும் தமிழ் முன்னணி நடிகரின் படத்தில் மக்களுக்கு தேவையான இது போன்ற விழிப்புணர்வு விஷயங்கள் இருப்பது வரவேற்கத்தக்கது என பலர் விமர்சித்து வருகின்றனர்.

நடிகர் அஜித் குமார் திரைவாழ்வில் இதுவரை எந்த படத்திற்கும் கிடைத்திராத வெற்றி மற்றும் வரவேற்பு இப்படத்திற்கு கிடைத்துள்ளதாக திரைவட்டாரங்கள் கூறுகின்றனர். வசூல் & விமர்சனம் என அணைத்து தரப்பிலும் துணிவு திரைப்படம் தமிழ் சினிமாவில் கெத்து காட்டி வருகிறது.