2023ல் அஜித்குமாரின் சைலன்ட் சம்பவம்... யாரும் சீண்டாத விஜய்யின் படங்கள்!

அஜித் குமார் - தமிழ் சினிமாவில் பெரிய அளவில் ரசிகர் பட்டாளத்தை கொண்டுள்ள நடிகர் ஆவார். இவர் தமிழ் சினிமாவில் முன்னணி நடிகர் பட்டியலில் தலைசிறந்தவர். இவரின் படங்களை தமிழ் திரையுலகமே கொண்டாடி வரவேற்கிறது. இவருக்கு தல, அல்டிமேட் ஸ்டார், மனித கடவுள், காதல் மன்னன் என பல்வேறு பட்டங்களும், புனைபெயர்களும் உண்டு. திரைத்துறையில் பணியாற்றும் இவர், சினிமாவை தாண்டி துப்பாக்கி சுடுதல், ஆசிரியர் என பல துறைகளில் பணியாற்றி வருகிறார்.

2023ல் எந்த நடிகரும் படைக்காத ஒரு சாதனையை நடிகர் அஜித்குமார் சைலன்ட்டாக இருந்துகொண்டே செய்துள்ளார். அஜித் நடிப்பில் தமிழ் சினிமாவில் சூப்பர் ஹிட் படங்களாக புகழ் பெற்ற வீரம் மற்றும் வேதாளம் படங்கள் இரண்டும் வேறு மொழியில் ரீமேக் செய்யப்பட்டு வெளியாகியுள்ளது. இந்த ஆண்டு தமிழ் சினிமாவில் இருந்து வேறு மாநிலங்களுக்கு ரீமேக் செய்யப்பட்ட 7 படங்களில் நடிகர் அஜித்குமாரின் இரண்டு படங்கள் உள்ளன. 

நடிகர் அஜித் குமார் நடிப்பில் 2015 ஆம் ஆண்டு தீபாவளி பண்டிகைக்கு வெளியான வேதாளம் திரைப்படம் தெலுங்கு சினிமாவில் போலா ஷங்கர் என்ற டைட்டிலில் நடிகர் சிரஞ்சீவி நடிப்பில் வெளியானது. சிறுத்தை சிவா - அஜித் குமார் கூட்டணியில் உருவான இரண்டாவது படமான வேதாளம் திரைப்படம் தமிழ் சினிமாவில் மிகப்பெரிய வெற்றி படமாக புகழ் அடைந்தது. இதனை தொடர்ந்து இப்படம் தெலுங்கு சினிமாவில் ரீமேக் செய்யப்பட்டு பலரை கவர்ந்துள்ளது.

2014ஆம் ஆண்டு இயக்குனர் சிறுத்தை சிவா இயக்கத்தில் அஜித் குமார் நடித்த திரைப்படம், வீரம். இப்படம் பொங்கல் பண்டிகை முன்னிட்டு தமிழ் திரையுலகில் வெளியாகி ஹிட் அடித்துள்ளது. இப்படத்தின் வெற்றியை தொடர்ந்து தெலுங்கு சினிமாவில் பவன் கல்யாண், கன்னட சினிமாவில் தர்ஷன் என பல இப்படத்தின் ரீமேக் உரிமையை கைப்பற்றி ரீமேக் செய்து நடித்துள்ளனர். இந்த வருடம் 2023ல் வீரம் படத்தின் ரீமேக் உரிமையை கைப்பற்றி பாலிவுட் சினிஉலகில் சல்மான் கான் - பூஜா ஹெக்டே முன்னணி நடிப்பில் இப்படம் 'கிசி கா பாய் கிசி கா ஜான்' என்ற தலைப்பில் வெளியாகியுள்ளது.

2023ஆம் ஆண்டு பொங்கல் ரிலீஸ் படமாக வெளியான அஜித் குமார் நடித்த துணிவு படம், இந்த ஆண்டு சிறந்த படங்களில் ஒன்றாக தேர்வாகியுள்ளது. இப்படத்தினை இயக்குனர் ஹச் வினோத் இயக்கியுள்ளார். அதிரடி மற்றும் சமுதாய கருத்துக்கள் உள்ளடக்கிய படமாக இப்படம் வெளியாகி பலர் மத்தியில் பிரபலமாகியுள்ளது. இப்படத்தின் வெற்றியை தொடர்ந்து அஜித் குமார் பாக்ஸ் ஆபிஸ் பட்டியலில் இடம்பிடித்துள்ளார்.

ஒருபக்கம் தான் நடித்த திரைப்படங்கள் ரீமேக் செய்யப்பட்டிருக்கிறது, மறுபக்கம் தனது துணிவு படம் பாக்ஸ் ஆபிஸில் சாதனை படைத்துள்ளது என 2023ல் நடிகர் அஜித்குமாரின் திரைப்பயணம் பெரிய அளவில் பேசப்படுகிறது. இந்த ஆண்டு பல சாதனைகள் படைத்துள்ள நடிகர் அஜித்குமார் சமூக வலைத்தளத்தில் ட்ரெண்டிங் ஆகியுள்ளார்.

இந்த ஆண்டு மட்டும் நடிகர் விஜய் நடிப்பில் வாரிசு & லியோ படம் வெளியாகியுள்ளது. இந்த இரண்டு படங்களும் வசூல் அள்ளி பல சாதனை படைத்துள்ளது. விஜய் நடித்த படங்கள் வசூலில் பல சாதனைகள் படைத்திருந்தாலும் அதனை தவிர எந்த வகையிலும் பெரிய அளவில் பேசப்படவில்லை. தொடர்ந்து பல ஆண்டுகளாக விஜய் நடித்த படங்கள் ரீமேக் படங்களில் இடம்பெறாமல் உள்ளது. இதனால் விஜய் நடித்த படங்களை ரிலீஸ்-ற்கு பின் யாரும் சீண்டுவது இல்லை என பல விமர்சனங்கள் எழுந்துள்ளன.