Ayalaan Trailer Record: விஜய் & அஜித் படங்களுக்கு மத்தியில் அயலான் டிரைலர் சாதனை என்ன தெரியமா?

'இன்று நேற்று நாளை' திரைப்பட இயக்குனர் ரவிக்குமார் இயக்கத்தில் சிவகார்த்திகேயன், ரகுல், கருணாகரன், யோகி பாபு என பல திரைப்பட நட்சத்திரங்கள் நடித்திருக்கும் அறிவியல் - புனைவு திரைக்கதையில் உருவாகியுள்ள திரைப்படம், அயலான். இப்படத்தினை தயாரிப்பாளர் கொட்டப்படி ஜே ராஜேஷ் தனது KJR தயாரிப்பு நிறுவனத்தின் மூலம் தயாரிக்க, இசையமைப்பாளர் ஏ ஆர் ரஹ்மான் இசையமைத்துள்ளார்.

ஸ்டார் விஜய் தொலைக்காட்சியில் ஒரு தொகுப்பாளராக பணியாற்றி தமிழ் சினிமாவில் அறிமுகமான சிவகார்த்திகேயன், தற்போது தமிழ் சினிமா வெள்ளித்திரையில் ஒரு முன்னணி முக்கிய நடிகர்களில் ஒருவராக பல கோடி ரசிகர்களால் கொண்டாடப்பட்டு வருகிறார். இவரின் வளர்ச்சி பலர் மத்தியில் பேசப்படுகிறது. சிவகார்த்திகேயன் நடிப்பில் கடந்த 2023 ஆம் ஆண்டில் மாவீரன் திரைப்படம் வெளியாகி பாக்ஸ்ஆபிஸ் நிலவரத்தில் வெற்றி படமாக புகழ் பெற்றுள்ளது.

2016 அக்டோபர் மாதம் தயாரிப்பாளர் ஆர் டி ராஜா - சிவகார்த்திகேயன் கூட்டணியில் 'இன்று நேற்று நாளை' பட புகழ் இயக்குனர் ரவிக்குமார் இயக்கத்தில் ஒரு படம் உருவாக போவதாக தகவல்கள் வெளியிட்டனர். 2018 ஆம் ஆண்டு சீமராஜா மற்றும் வெள்ளைக்காரன் படப்பிடிப்பை முடித்த சிவகார்த்திகேயன், இயக்குனர் ரவிக்குமார் உடன் இணைந்து அயலான் திரைப்படத்தின் பணிகளை தொடங்கினார்.

முதற்கட்ட படப்பிடிப்பு முடிவில் அயலான் திரைப்படம் நிதி பற்றாக்குறை காரணமாக நிறுத்தப்பட்ட நிலையில், தயாரிப்பாளர் KJR நிறுவனத்தின் உரிமையாளர் ராஜேஷ் உதவியில் அயலான் படம் மீண்டும் தொடங்கப்பட்டது.

பல போராட்டங்கள் மற்றும் இயற்கை இன்னல்கள் என பல பிரச்சனைகளை கடந்து அயலான் திரைப்படம் 2024 பொங்கல் பண்டிகைக்கு திரைக்கு வர தயாராகியுள்ளது. 5 வருட கடின உழைப்பிற்கு பின் அயலான் திரைப்படம் ஜனவரி 12, 2024ல் வெளியாகிறது.

2024 பொங்கல் தின சிறப்பு திரைப்படமாக வெளியாகும் 'அயலான்' திரைப்படத்தின் முன்னோட்ட வீடியோ என்னும் டிரைலர் 2024 ஜனவரி 5ல் படக்குழு சார்பில் சமூக வலைத்தளத்தில் வெளியாகியுள்ளது. இப்படத்தின் டீசர் வெளியான 2 மாதங்களுக்கு பின் அயலான் படத்தின் டிரைலர் வெளியாகியுள்ளது. அயலான் பட டிரைலர் வெளியான நேரத்தில் இருந்து பல சமூக வலைதள பக்கங்களில் இப்படத்தினை சிலாகித்து பல விஷயங்களை பகிர்ந்து வருகின்றனர், படக்குழுவினர் மற்றும் ரசிகர்கள்.

அயலான் திரைப்படத்தின் டிரைலர் 2024 ஜனவரி 5ல் தமிழ் - தெலுங்கு என இரு மொழியில் வெளியானது. இப்படத்தின் டிரைலர் வெளியாகி பட்டிதொட்டி என பல இடங்களில் கொண்டாடப்பட்டு வருகிறது. இந்த பொங்கல் பண்டிகைக்கு இளைஞர்கள், சிறுவர்கள் என தமிழ் ரசிகர்கள் குடும்பங்களோடு ரசிக்கும் வகையில் உருவாக்கப்பட்டுள்ள அயலான் படம் பல இடங்களில் பிரபலமாகியுள்ளது.

அயலான் திரைப்படத்தின் டிரைலர் வெளியாகி முதல் 24 மணி நேரத்தில் தமிழ் டிரைலர் '3.7 மில்லியன் வியூஸ்' மற்றும் '210 K லைக்ஸ்' பெற்று & தெலுங்கு பட டிரைலர் '1.3 மில்லியன் வியூஸ்' மற்றும் '58 K லைக்ஸ்' பெற்றுள்ளது. மொத்தம் 24 மணி நேரத்தில் அயலான் படத்தின் டிரைலர் '5 மில்லியன் வியூஸ்' மற்றும் '218 K லைக்ஸ்' பெற்று முன்னணி இடத்தில் உள்ளது.

தமிழ் சினிமா சாதனை பட்டியலில் பல ரெகார்ட் மேக்கர் என கொண்டாடும் அளவிற்கு விஜய் - அஜித் ஆகியோருக்கு முக்கிய இடம் உள்ளது. இவர்களின் ரசிகர்கள் மோதல் தமிழ் சினிமா தரத்தை பல உயரத்திற்கு கொண்டு சென்றுள்ளது. விஜய் - அஜித் சாதனையை தொடர்ந்து சூப்பர் ஸ்டார் ரஜினியின் திரைப்பட சாதனைகளும் இடம் பெற்றுள்ளன.

தற்போது இந்த வரிசையில் விஜய் - அஜித் - ரஜினி ஆகியோரை தொடர்ந்து நடிகர் சிவகார்த்திகேயன் இடம் பெற்றுள்ளார். பல ரசிகர்களின் கவனம் சிவகார்த்திகேயன் படங்கள் மீது திரும்பியுள்ளது. திரையுலகில் வசூல், டிரைலர் ரெகார்ட், பாடல்கள் என சிவகார்த்தி படைக்கும் சாதனை பலரால் பேசப்படுகிறது.

தனது திரைப்பயணத்தில் முன்னணி முக்கிய நடிகர்களில் ஒருவராக உயர்ந்துள்ளார், சிவகார்த்திகேயன். தொடர் வெற்றி மற்றும் ரசிகர்களை கவரும் திரைக்கதை தேர்வு ஆகிய முக்கிய பணிகளில் அதிகம் ஈடுபாடோடு பணியாற்றி வரும் சிவகார்த்திகேயன் தமிழ் சினிமா டாப் நடிகர் பட்டியலில் ரஜினி - விஜய் - அஜித்யை தொடர்ந்து இடம் பிடித்துள்ளார்.

இந்த குறுகிய காலகட்டத்தில் விக்ரம், ஜெயம் ரவி, விஷால் ஆகியோரை பின்னுக்கு தள்ளி தனது தரமான திரைப்படங்கள் மூலம் டாப் ஹீரோக்களில் ஒருவராக உள்ளார், சிவகார்த்திகேயன்.