Baakiyalakshmi: நீயெல்லாம் அம்மாவா, மீண்டும் பாக்கியாவை சீண்டிய கோபி... ரசிகர்கள் காட்டம்

பாக்கியலட்சுமி - ஸ்டார் விஜய் தொலைக்காட்சியில் ஒளிபரப்பாகி வரும் டாப் சீரியல்களில் ஒன்றான பாக்கியலட்சுமி சீரியல் தொடர், தற்போது பரபரப்பான எபிசோடுகளில் சுவாரஸ்யமான கதைக்களத்தில் நகர்ந்து வருகிறது. பரபரப்பிற்கு பஞ்சம் இல்லாமல் ஒளிபரப்பாகும் இந்த சீரியல் தற்போது இந்த வாரம் ஞாயிற்று கிழமை ஸ்பெசல் எபிசோடுகளாக ஒளிபரப்பாகிறது.

பாக்கியலட்சுமி சீரியல் வாரந்தோறும் திங்கள் முதல் சனிக்கிழமை வரை 30 நிமிடங்கள் ஒளிபரப்பாகி வந்துள்ள நிலையில், தற்போது பாக்கியலட்சுமி ஞாயிற்று கிழமை ஸ்பெஷல் எபிசோடுகள் ஒளிபரப்பாக திட்டமிட பட்டுள்ளது. இதனை பற்றிய அறிவிப்புகள் விஜய் தொலைக்காட்சியில் ஸ்பெஷல் ப்ரோமோ மூலம் அறிவித்துள்ளனர்.

கோபியின் இரண்டாம் மனைவி கர்ப்பம் ஆனதால், கோபியின் பிள்ளைகள் அவர் மீது மிகுந்த அதீர்த்தியில் உள்ளனர். இதனால் வீட்டைவிட்டு வெளியேறிய கோபி, தனது அம்மாவுடன் ராதிகா இல்லத்தில் வசித்து வருகிறார். அம்மாவை சரியாக பார்த்து கொள்ளாததால், உடல் நலம் குறைவு ஏற்பட்டு மருத்துவமணையில் அனுமதிக்கப்பட்ட கோபியின் தாய், தற்போது வீட்டிற்கு திரும்பியுள்ளார்.

இந்த வாரம் பாக்கியலட்சுமி சண்டே எபிசோடுகளில், இனியாவின் பிறந்தநாள் விழாவிற்கு கோபி மற்றும் ராதிகா பாக்கியா இல்லத்திற்கு வருகின்றனர். அங்கு பழனிச்சாமி, அவரின் தாய் மற்றும் அக்காவும் வருகை தருகின்றனர். இந்த பிறந்தநாள் நிகழ்ச்சியில் பழனிசாமிற்கு கிடைத்த முக்கியத்துவத்தை கண்ட கோபி அதிர்ச்சி அடைகிறார். பின்பு பாக்கியாவிடம் சென்ற கோபி 'நீயெல்லாம் ஒரு அம்மாவா' என்று மிரட்டுகிறார்.

கோபியின் இந்த கேள்விக்கு, பாக்கியா அதிர்ச்சியில் உறைகிறார், பின் கோபிக்கு தக்க பதிலடி குடுக்கும் வகையில் தனது பதில்களை சொல்லி அங்கிருந்து கோபத்துடன் செல்கிறார், பாக்கியா.

ரசிகர்கள் கோபியின் இந்த செயலை கண்டு சமூக வலைத்தலை தங்களின் கருத்துகளை பகிர்ந்து வருகின்றனர். மனசாட்சி இல்லாமல் பேசும் கோபி, எவ்வளவு பட்டாலும் திருந்த மாட்டார் & கோபி சொன்னபடி பாக்கியா - பழனிச்சாமி ஒன்று சேர வேண்டும் என்றும் பல ரசிகர்கள் தங்களின் கருத்துகளை பகிர்ந்து வருகின்றனர்.