குணசேகரன் முதல் ரத்னவேல்: இந்த ஆண்டு (2023)ன் சிறந்த வில்லன் கதாபாத்திரங்கள்

ரத்னவேல் - 2023ஆம் ஆண்டு வெளியான மாமன்னன் திரைப்படத்தின் வில்லன் கதாபாத்திரம். இந்த கதாபாத்திரத்தில் தமிழ் மற்றும் மலையாள திரைப்பட நடிகர் பகத் பாசில் நடித்திருந்தார். மாமன்னன் படத்தின் இவர் ஏற்று நடித்துள்ள ரத்னவேல் கதாபாத்திரம் இந்தியா அளவில் பெரிய அளவில் கொண்டாடப்பட்டு இணையதளத்தில் செம வைரல் ஆகியுள்ளது.

கென்னடி செபாஸ்டின் - போர்த்தொழில் திரைப்படத்தில் நடிகர் சரத் பாபு நடித்திருக்கும் கதாபாத்திரம். இந்த கதாபாத்திரம் பெரிய அளவில் மக்களை கவர்ந்துள்ளது. வில்லனாக நடித்துள்ள சரத் பாபு இப்படத்தின் மூலம் பலரின் கவனத்தை கவர்ந்துள்ளார்.

ஜெயக்கொடி - 2023 ஆம் ஆண்டு வெளியான சிவகார்த்திகேயன் நடித்திருக்கும் மாவீரன் திரைப்படத்தில் தமிழ் திரைப்பட இயக்குனர் மற்றும் நடிகரான திரு. மிஸ்க்கின் நடித்துள்ள வில்லன் கதாபாத்திரமாகும். இந்த கதாபாத்திரத்தில் மிஸ்க்கின் நடித்து பலரின் பாராட்டுகளை பெற்று பெரிய அளவில் ரசிகர்கள் மத்தியில் கொண்டாடப்பட்டார்.

வர்மன் - ஜெயிலர் படத்தில் நடிகர் சூப்பர் ஸ்டார் ரஜினிக்கு வில்லனாக நடித்து கலக்கிய கதாபாத்திரம். இந்த கதாபாத்திரத்தில் நடிகர் விநாயகன் நடித்திருந்தார். இவர் தமிழ் மற்றும் மலையாள திரைப்பட நடிகர் ஆவார். நகைச்சுவை மற்றும் வில்லன் கதாபாத்திரத்தில் நடித்துள்ள இவர் பெரிய அளவில் ரசிகர்கள் மத்தியில் கொண்டாடப்படுபவர்.

தமிழ் - தெலுங்கு - ஹிந்தி என மூன்று மொழி திரைப்படமாக உருவாகியுள்ள ஜவான் படத்தில் நடிகர் விஜய் சேதுபதி வில்லனாக நடித்திருந்தார். இவர் இப்படத்தில் காளி என்ற கதாபாத்திரத்தில் நடித்து பலரின் கவனத்தை கவர்ந்துள்ளார்.

எஸ் ஜே சூர்யா - நடிப்பு அரக்கன் என தமிழ் சினிமாவில் கொண்டாடப்படுபவர். இவரது வில்லத்தனமான நடிப்பில் 2023ஆம் ஆண்டு மார்க் ஆன்டனி என்னும் திரைப்படம் வெளியாகி பெரிய அளவில் பேசப்பட்டது. இப்படத்தில் நடிகர் எஸ் ஜே சூர்யா 'ஜாக்கி பாண்டியன் மற்றும் மதன் பாண்டியன்' என இரு வேடங்களில் நடித்து கலக்கியுள்ளார். இவர் நடித்துள்ள இந்த இரண்டு கதாபாத்திரங்களும் தமிழ் சினிமாவில் கொண்டாடப்படுகிறது.

குணசேகரன் - எதிர்நீச்சல் என்ற தொலைக்காட்சி தொடரின் மூலம் தமிழ் சினிமாவில் பெரிய அளவில் இந்த ஆண்டு கொண்டாடப்பட்ட கதாபாத்திரம். இந்த கதாபாத்திரத்தில் மாரிமுத்து என்னும் தமிழ் திரைப்பட இயக்குனர் மற்றும் குணச்சித்திர நடிகர் நடித்துள்ளார். வெள்ளித்திரை நட்சத்திரங்களுக்கு மத்தியில் இந்த குணசேகரன் என்ற சின்னத்திரை கதாபாத்திரம் மிகப்பெரிய அளவில் பேசப்படுகிறது. இவரது வில்லத்தனமான நடிப்பு பல இளைஞர்கள் மத்தியில் ட்ரெண்டிங் ஆகியுள்ளது.

கோபி - பாக்கியலட்சுமி என்ற சின்னத்திரை தொடரில் பயணித்து வரும் வில்லன் கதாபாத்திரம். இந்த கதாபாத்திரத்தில் சின்னத்திரை நடிகர் சதீஸ் குமார் நடித்துள்ளார். இவரின் இந்த வில்லன் கதாபாத்திரத்தில் பெரிய அளவில் தமிழ் திரையுலகில் ட்ரெண்டிங் ஆகியுள்ளது.

2023, மார்ச் இறுதியில் இயக்குனர் வெற்றிமாறன் இயக்கத்தில் விஜய் சேதுபதி, சூரி நாயகனாக நடித்திருக்கும் திரைப்படம், விடுதலை. இப்படத்தில் நடிகர் சேத்தன் ஒரு முக்கிய வில்லன் கதாபாத்திரத்தில் நடித்துள்ளார். இவரது கதாபாத்திரம் ரசிகர்கள் இடையே மோசமான நடிகர் என விமர்சிக்கும் அளவுக்கு இந்த கதாபாத்திரம் வடிவமைக்கப்பட்டுள்ளது. இன்ஸ்பெக்டர் அதிகாரியாக நடித்துள்ள சேத்தன் திரைப்பயணத்தில் இந்த கதாபாத்திரம் காலத்திற்கும் அடையாளமாக மாறியுள்ளது.

2023ல் தளபதி விஜய் நடித்துள்ள லியோ படத்தில் ஒரு சிறிய வில்லன் காப்பாத்திரத்தில் நடிகர் சாண்டி நடித்துள்ளார். இப்படத்தின் ஆரம்பக்காட்சியில் தோன்றும் இவர் ஒரு சில காட்சிகளில் மோசமான கதாபாத்திரமாக இப்படத்தில் நடித்துள்ளார். ஒரு சைக்கோ நடிகராக இப்படத்தில் சாண்டி நடித்து பலரின் கவனத்தை கவர்ந்துள்ளார். ஜாலியான ஒரு நபராக பலரால் அறியப்படும் சாண்டி, இப்படத்தின் மூலம் வேறு ஒரு நபராக அவதரித்துள்ளார்.

லோகேஷ் கனகராஜ் இயக்கத்தில் விஜய் நடித்திருக்கும் அதிரடி படமாக இந்த ஆண்டு வெளியான லியோ படத்தில் முக்கிய வில்லனாக நடிகர் அர்ஜுன் நடித்துள்ளார். இவர் நடிகர் விஜய்யின் சித்தப்பா காப்பாத்திரத்தில் நடித்துள்ளார். மோசமான ஈவு இரக்கம் இல்லாத கதாபாத்திரமாக அர்ஜுன் நடித்த ஹரோல்ட் தாஸ் கதாபாத்திரம் வடிவமைக்கப்பட்ட ரசிகர்கள் மத்தியில் கொண்டாடப்பட்டது. இப்படத்தின் இறுதி காட்சியில் வரக்கூடிய விஜய் - அர்ஜுன் சண்டை காட்சிகள் இப்படத்திற்கு ஒரு பலமாக அமைந்துள்ளது.