2023ம் ஆண்டில் அறிமுகமான தமிழ் பட நடிகைகள் யார் யார் தெரியுமா? முழு விவரங்கள் இதோ

ப்ரீத்தி அஸ்ரானி - 2023 ஆம் ஆண்டு வெளியாகி விமர்சனம் ரீதியாக ரசிகர்கள் மத்தியில் மிகப்பெரிய வரவேற்பினை பெற்ற அயோத்தி பட நாயகி ஆவார். அயோத்தி படத்தில் இவர் ஏற்று நடித்துள்ள கதாபாத்திரம் தமிழ் ரசிகர்களின் நெஞ்சங்களை கவர்ந்து பெரிய அளவில் ட்ரெண்டிங் ஆகியுள்ளது. இவர் சன் தொலைக்காட்சியில் மின்னலே என்ற சின்னத்திரை சீரியலில் நடித்துள்ளார். இதனை தொடர்ந்து அயோத்தி படத்தின் மூலம் தனது வெள்ளித்திரை பயணத்தை தொடங்கியுள்ளார்.

மீனாட்சி சவுத்ரி - தெலுங்கு படத்தில் நடித்து தனது திரைப்பயணத்தை தொடங்கியுள்ளார். இவர் தமிழ் சினிமாவில் 2023 ஆம் ஆண்டு விஜய் ஆன்டனி நடித்துள்ள 'கொலை' படத்தில் முக்கிய கதாபாத்திரத்தில் நடித்து தமிழ் சினிமாவில் அறிமுகமாகியுள்ளார். இப்படத்தினை தொடர்ந்து இவர் தமிழில் தளபதி விஜய் நடிக்கும் புதிய படமாக 'தளபதி 68' திரைப்படத்தில் நாயகியாக நடிக்க ஒப்பந்தம் செய்யப்பட்டுள்ளார்.

மிஸ் இந்தியா அழகி போட்டிகளில் பங்கேற்று வாகை சூட்டியுள்ள, மீனாட்சி சவுத்ரி முன்னணி தெலுங்கு பட நடிகர்களின் படத்தில் நாயகியாக கொண்டாடப்பட்டவர். தற்போது தமிழ் சினிமாவில் இவர் தனது பயணத்தை தொடங்கியுள்ளார்.

சானியா ஐயப்பன் - பிரபல மலையாள திரைப்பட நடிகை ஆவார். இவர் குழந்தை நட்சத்திரத்தில் நடித்து தனது திரைப்பயணத்தை தொடங்கியுள்ளார். குயின், லூசிஃபர் என பல வெற்றி படங்களில் நடித்துள்ள இவர், தற்போது 2023 ஆம் ஆண்டு இருகப்பற்று படத்தில் ஒரு முக்கிய கதாபாத்திரத்தில் நடித்து தமிழ் சினிமாவில் அறிமுகமாகியுள்ளார்.

சானியா ஐயப்பன் தனது கவர்ச்சி புகைப்படங்கள் மூலம் சமூக வலைத்தளத்தில் பலமுறை ட்ரெண்டிங் ஆகியுள்ளார். இவரின் பதிவேற்றும் புகைப்படங்கள் மற்றும் இவரது படங்கள் ரசிகர்கள் மத்தியில் பெரும் வரவேற்பினை பெற்று வருகிறது.

ராதிகா ப்ரீத்தி - தமிழ் சினிமாவில் 'பூவே உனக்காக' என்னும் சன் தொலைக்காட்சியில் ஒளிபரப்பாகும் சின்னத்திரை சீரியல் தொடரில் நடித்து தனது திரைப்பயணத்தை தொடங்கியுள்ளார். இவர் தற்போது 2023ல் சந்தானம் நடிப்பில் வெளியான '80ஸ் பில்டப்' படத்தில் நாயகியாக நடித்துள்ளார். நகைச்சுகை படத்தில் தனது நடிப்பினை வெளிக்காட்டி பல ரசிகர்களின் கவனத்தை கவர்ந்து பிரபலமாகி உள்ளார், ராதிகா ப்ரீத்தி.

நிமிஷா சஜயன் - பிரபல மலையாள திரைப்பட நடிகை ஆவார். இவர் மலையாள சினிமாவில் 'தி கிரேட் இந்தியன் கிட்சன்' படத்தில் நாயகியாக நடித்து பலரின் கவனத்தை கவர்ந்தவர். தற்போது இவர் தமிழ் சினிமாவில் 2023 ஆம் ஆண்டு சித்தா மற்றும் ஜிகர்தண்டா 2 படத்தில் நாயகியாக நடித்துள்ளார். தனது சிறந்த நடிப்பால் பலரை ஆச்சரியப்படுத்தியுள்ள நிமிஷா சஜயன், தற்போது தமிழ் சினிமாவில் முக்கிய நடிகையாக பார்க்கப்படுகிறார். 

திவ்யன்ஷா கௌஷிக் - பிரபல தெலுங்கு சினிமாவின் ஆஸ்தான நடிகை ஆவார். இவர் மஜிலி (2019), ராமராவ் ஆன் டியூட்டி (2022) மற்றும் மைக்கேல் (2023) ஆகிய தெலுங்கு படத்தில் நடித்து பல ரசிகர்கள் மத்தியில் கொண்டாடப்படுகிறார். இவர் நடிகை மற்றும் மாடலிங் அழகியாக இணையதள சமூக வலைத்தளத்தில் கலக்கி வருகிறார். 2023 ஆம் ஆண்டு இவர் நடிப்பில் வெளியான மைக்கேல் திரைப்படம் தமிழ் - தெலுங்கு என இரு மொழியில் வெளியாகியுள்ளது. இப்படத்தின் மூலம் இவர் தமிழ் சினிமாவில் அறிமுகமாகியுள்ளார்.

டக்கர் என்ற சித்தார்த் நாயகனாக நடித்துள்ள படத்தில் இவர் கதாநாயகியாக நடித்து தமிழ் சினிமாவில் அறிமுகமாகியுள்ளார். இவரின் கதாபாத்திரம் ரசிகர்கள் மத்தியில் நல்ல வரவேற்பினை பெற்றுள்ளது. இப்படத்தில் இடம்பெற்ற 'நிரா' என்ற பாடல் பல ரசிகர்கள் மத்தியில் இவரை பிரபலப்படுத்தியுள்ளது.

சஞ்சனா திவாரி - மாடலிங் அழகியாக திரைத்துறையில் பணியாற்றி வந்தவர், சஞ்சனா. 2023 ஆம் ஆண்டு விஜய் நடிப்பில் வெளியான வாரிசு படத்தில் ஒரு முக்கிய கதாபாத்திரத்தில் நடித்து அறிமுகமாகியுள்ளார். இவர் வாரிசு படத்தினை தொடர்ந்து ஜெயம் ரவி நடிப்பில் இந்த ஆண்டு வெளியான இறைவன் படத்திலும் ஒரு முக்கிய கதாபாத்திரத்தில் நடித்துள்ளார்.

சம்யுக்தா மேனன் - 2016 ஆம் ஆண்டு மலையாள படத்தில் நடித்து திரைத்துறைக்கு அறிமுகமானவர். பின்னர் அடுத்தடுத்து தமிழ் மற்றும் மலையாளம் என இரு மொழிகளில் பல படங்களில் நடித்துள்ளார். தமிழ் சினிமாவில் ஜூலை காற்றில் & களரி என இரு படங்கள் நடித்துள்ளார், சம்யுக்தா மேனன். ஆனால் இவர் 2021 ஆம் ஆண்டு வரை நடித்த எந்த படமும் இவருக்கு பெரிய அளவில் மார்க்கெட்டை ஓபன் செய்யவில்லை.

2022 ஆம் ஆண்டு சம்யுக்தா மேனன், தெலுங்கு சினிமாவில் பீமா நாயக் படத்தில் நாயகியாக நடித்துள்ளார். பின்னர் அடுத்தடுத்து இவர் நடித்துள்ள தெலுங்கு படங்கள் அணைத்தும் பெரிய அளவில் ஹிட் அடித்துள்ளது. பின்னர் தெலுங்கு திரையுலகில் லக்கி நடிகை என பல ரசிகர்கள் மத்தியில் கொண்டாடப்படுகிறார், சம்யுக்தா மேனன்.

2023 ஆம் ஆண்டு தமிழ் - தெலுங்கு என இரு மொழி படமாக இவர் நடித்துள்ள வாத்தி திரைப்படம் மிக பெரிய ஹிட் படமாக பிரபலமாகியுள்ளது. இப்படத்தின் மூலம் மீண்டும் தமிழ் சினிமாவில் அறிமுகமாகியுள்ளார், சம்யுக்தா மேனன்.

காவ்யா தாபர் - நடிகை மற்றும் மாடலிங் அழகியாக திரைத்துறையில் பணியாற்றி வரும் பிரபலம் ஆவார், காவ்யா தாபர். இவர் 2013 ஆம் ஆண்டு 'தட்கல்' என்ற குறும்படத்தில் நடித்து ஹிந்தி சினிமாவில் அறிமுகமாகியுள்ளார், பின்னர் மாடலிங் துறையில் கலக்கி வந்துள்ள இவர், 2018 ஆம் ஆண்டு நடிகையாக தெலுங்கு படத்தில் நடித்து அறிமுகமாகினார்.

தமிழ் சினிமாவில் 2018 ஆம் ஆண்டு 'மார்க்கெட் ராஜா எம் பி பி எஸ்' படத்தில் நாகியாக நடித்துள்ளார், காவ்யா தாபர். ஆனால் இப்படம் பெரிய அளவில் ரசிகர்கள் கவனத்தை கவர தவறியது. பின்னர் அடுத்தது பல தெலுங்கு படத்தில் நடித்துள்ள இவர், 2023 ஆம் ஆண்டு நடிகர் விஜய் ஆன்டனி இயக்கி நடித்த 'பிச்சைக்காரன் 2' படத்தில் நாயகியாக நடித்து பலரின் கவனத்தை கவர்ந்துள்ளார், காவ்யா தாபர்.

மிர்னா மேனன் - 2023 ஆம் ஆண்டு 'சூப்பர் ஸ்டார்' ரஜினிகாந்த் நடித்துள்ள ஜெயிலர் படத்தில் ரஜினியின் மருமகள் கதாபாத்திரத்தில் நடித்து பலரின் கவனத்தை கவர்ந்தவர், மிர்னா மேனன். இவர் 2016 ஆம் ஆண்டு பட்டதாரி என்ற தமிழ் படத்தில் நடித்து அறிமுகமானவர். ஆனால் இவரை கண்டுகொள்ளாத தமிழ் சினிமா தற்போது 2023ல் ஜெயிலர் படத்தின் மூலம் இவருக்கான ஒரு அங்கீகாரத்தினை தந்துள்ளது.