கருணாஸ், சீமான் முதல் கார்த்தி - விவசாயத்தில் ஈடுபாடு கொண்டுள்ள 10 தமிழ் நடிகர்கள்

கருணாஸ் - தமிழ் சினிமா நடிகர் மற்றும் அரசியல் தலைவர் ஆவார். இவர் தனக்கு சொந்தமான பண்ணை தோட்டத்தில் விவசாயம் செய்து வருகிறார். இதனை பற்றிய பல விஷயங்களை வெளிப்படையாக பல நேர்காணல்களில் இவர் கூறியுள்ளார். 

சீமான் - நாம் தமிழர் கட்சி என்ற பெயரில் அரசியல் தலைவராக இருக்கும் சீமான், தமிழ் சினிமாவில் ஒரு நடிகர் & இயக்குனராக பணியாற்றியுள்ளார். இவர் இயற்கை விவசாயம் போன்ற விஷங்களை பற்றி பல விழிப்புணர்வு செய்து வருகிறார்.

கிஷோர் - தென்னிந்திய திரைப்படங்களில் துணை கதாபாத்திரம் & வில்லன் கதாபாத்திரங்களில் நடித்து பிரபலமானவர். இவர் கர்நாடகா மாநிலத்தில் இயற்கை விவசாயம் செய்து வருகிறார். இவரை பின்தொடர்ந்து பலர் இயற்கை விவசாயத்தில் ஆர்வம் கொண்டு வருகின்றனர்.

ஹச் வினோத் - பத்திரிக்கையாளராக பணியாற்றி பின் இயக்குனராக தமிழ் திரைத்துறையில் அறிமுகமானவர். இவர் தீரன், துணிவு, சதுரங்க வேட்டை என பல வெற்றி படங்களை இயக்கி புகழ் பெற்றுள்ளார். இவர் விவசாயத்தின் மேல் அதிக ஆர்வம் கொண்டவராக இருக்கிறார். பல இடங்களில் விவசாயத்தின் முக்கியத்துவம் மற்றும் ஜனநாயக வளர்ச்சி பற்றி பேசியுள்ளார், ஹச் வினோத்.

நெப்போலியன் - தமிழ் சினிமாவில் நடிகராக பல ரசிகர்கள் மத்தியில் கொண்டாடப்பட்டவர். இவர் தற்போது அமெரிக்காவில் வசித்து வருகிறார். அமெரிக்காவில் நெப்போலியன் பெரிய அளவில் நிலங்களை வாங்கி அங்கு விவசாயம் செய்து வருகிறார்.

மாதவன் - தமிழ் மற்றும் ஹிந்தி சினிமாவின் பிரபல நடிகர் மற்றும் இயக்குனர். இவர் பல திரைப்படங்களில் நடித்து பெரிய அளவில் புகழ் பெற்றுள்ளார். தற்போது நடிப்பு மற்றும் இயக்கம் என ஆர்வம் கொண்டுள்ள இவர், தனது இல்லத்தில் சொந்தமாக விவசாயம் செய்து வருகிறார்.

கீர்த்தி பாண்டியன் - தமிழ் சினிமாவில் நடிகை மற்றும் மாடலிங் வடிவழகி ஆவார். இவர் தமிழ் திரைப்பட இயக்குனர் மற்றும் நடிகரான அருண் பாண்டியன் அவர்களின் மகள் ஆவார். இவர் சமீபத்தில் அசோக் செல்வன் என்ற நடிகரை திருமணம் செய்து கொண்டுள்ளார். இவர் விவசாயத்தில் ஆர்வம் கொண்டு தனது பண்ணை தோட்டத்தில் விவசாயம் செய்து வருகிறார்.

பிரகாஷ் ராஜ் - பிரபல கன்னட சினிமா நடிகர், இவர் தமிழ் திரைப்படங்களில் வில்லன் மாற்றம் துணை கதாபாத்திரத்தில் நடித்து புகழ் பெற்றுள்ளார். இன்றுவரை இவர் நடிப்பில் பல தமிழ் முன்னணி நடிகர்களின் படங்கள் வெளியாகிக்கொண்டே இருக்கிறது. இவர் கர்நாடகாவில் விவசாயம் செய்து வருகிறார். தனது சமூக வலைதள பக்கத்தில் இவர் பல விஷயங்களை பகிர்ந்துள்ளார்.

தமிழ் சினிமாவில் நகைச்சுவை நடிகராக பணியாற்றி பெரிய அளவில் புகழ் பெற்றவர், தற்போது இவர் திரைப்படங்களில் நாயகனாக நடித்து வருகிறார், இவர் ஜல்லிக்கட்டு விளையாட்டில் அதிக ஆர்வம் கொண்டவர். சொந்தமாக காளை வளர்க்கும் இவர், விவசாயம் செய்து வருகிறார். பல கிராமத்து திரைப்படங்களில் நடித்து தமிழ் சினிமாவில் பிரபலமானவர், சூரி.

கார்த்தி - தமிழ் சினிமா முன்னணி நடிகர்களில் ஒருவர். இவர் 'உழவன் அறக்கட்டளை' என்ற பெயரில் விவசாயத்திற்கு ஆதரவாக பல முயற்சிகளை மேற்கொண்டு வருகிறார்.