பாலிவுட் படத்திற்கு கிடைத்த அமோக வரவேற்பு, தமிழக பாக்ஸ் ஆபிஸில் வெற்றி பெறுமா ஜவான்?

ஜவான் இயக்குனர் அட்லீ குமார் இயக்கத்தில் ஷாருக் கான், நயன்தாரா, பிரியாமணி என பல முன்னணி இந்திய நட்சத்திரங்கள் நடித்திருக்கும் திரில்லர் - அதிரடி திரைப்படம். இப்படத்தினை தயாரிப்பாளர் கௌரி கான் தயாரிக்க, இசையமைப்பாளர் அனிருத் ரவிச்சந்தர் இசையமைத்துள்ளார்.

இயக்குனர் அட்லீ ஷங்கரின் உதவி இயக்குனராக பணியாற்றி பல வித்தைகளை கற்று அறிந்தவர். இவரது படத்தில் ராஜா ராணி, பிகில், தேறி மற்றும் மெர்சல் படங்கள் தமிழ் சினிமாவில் வெளியாகி பெரிய அளவில் பேசப்பட்டு பிரபலமானது. தற்போது அட்லீ குமார் பாலிவுட் திரையுலக ஜாம்பவான் ஷாருக் கான் உடன் கூட்டணி அமைத்து ஜவான் படத்தினை இயக்கியுள்ளார்.

ஜவான் படத்தில் கோலிவுட் நட்சத்திரங்கள் பலர் நடித்துள்ளனர். இது ஹிந்தி படமா? தமிழ் படமா? என்று சந்தேகிக்க தோன்றுகிறது. ஜவான் படம் தமிழ் சினிமா சாயலில் உருவாகியுள்ளதாக தெரிகிறது, பாலிவுட் ரசிகர்களுக்கு இப்படம் நிச்சியம் ஒரு அனுபவத்தை கொடுக்கவிருக்கிறது.

ஜவான் படத்தில் தமிழ் சினிமா நட்சத்திரங்களான விஜய் சேதுபதி, யோகிபாபு, ப்ரியாமணி, அம்ரிதா ஐயர், அனிருத் ரவிச்சந்தர், நயன்தாரா என பல பிரபலங்கள் நடித்துள்ளனர். அதிரடி திரில்லர் திரைக்தையில் உருவாகியுள்ள இப்படம் பெரிய அளவில் கோலிவுட் நட்சத்திரங்களின் திறமை பேச வைக்கும் என எதிர்பார்க்கப்படுகிறது.

ஜவான் திரைப்படம் பல மொழிகளில் டப்பிங் மூலம் வெளியாகினாலும், தமிழ் - தெலுங்கு - ஹிந்தி என மூன்று மொழியில் நேரடி படமாக வெளியாகிறது. இப்படத்தின் ஆடியோ லான்ச் நிகழ்ச்சி பிரமாண்ட முறையில் சென்னையில் நடந்துள்ளது. இப்படத்தின் டிரைலர் வெளியாகி தமிழ் சினிமாவில் ட்ரெண்டிங் ஆகி உள்ளது. ரசிகர்கள் மத்தியில் இப்படத்தின் பாடல் மற்றும் டிரைலர்-க்கு கிடைத்துள்ள பிரமாண்ட வரவேற்பினை தொடர்ந்து இப்படம் தமிழகத்தில் பெரிய அளவில் பேசப்படும் என எதிர்பார்க்கப்படுகிறது.

ஹிந்தி படமாக உருவாகினாலும் தமிழ் சினிமாவில் வெளியாகும் ஜவான் திரைப்படம் வெற்றி பெறுமா? என பல கேள்விகள் மக்கள் மத்தியில் எழுந்துள்ளது. இப்படம் ஹிந்தி சினிமாவில் தயாரிக்கப்பட்டிருந்தாலும் தமிழ் பட ஸ்டைலில் இப்படம் உருவகியுள்ளதால், தமிழ் ரசிகர்கள் நிச்சியம் இப்படத்தினை கொண்டாடுவார்கள் என படக்குழு கூறியுள்ளது.