Women's Day Special: தமிழ் சினிமாவில் வெவ்வேறு துறைகளில் முத்திரை பதித்த 5 பெண் நட்சத்திரங்கள்

ஜெ ஜெயலலிதா - கர்நாடக மாநிலத்தை பிறப்பிடமாக கொண்டுள்ள இவர், தமிழ் சினிமாவில் ஒரு நடிகையாக அறிமுகமானார். பின்னர் அடுத்தடுத்து பல்வேறு கதாபாத்திரங்கள் ஏற்று நடித்து ஒரு முன்னணி முக்கிய நடிகையாக கொண்டாடப்பட்டார். சினிமாவை தொடர்ந்து இவர் நடிகர் எம் ஜி ஆர்-யுடன் இணைந்து அரசியல் பணி மற்றும் சமூக அக்கறை உடைய பல விஷயங்களை தொடர்ந்து  செய்து வந்துள்ளார். ஒரு கட்டத்தில் ஜெ ஜெயலலிதா அவர்கள் தமிழக முதல் அமைச்சராக பொறுப்பு ஏற்று மக்களுக்காக பல சேவைகளை செய்து வந்துள்ளார். நடிகையாக தனது பயணத்தை தொடங்கிய இவர் தமிழக மக்களுக்காக தன்னை அர்ப்பணித்து பல நல்ல விஷயங்களை செய்து புகழ் பெற்றுள்ளார்.

மனோரமா - தமிழ் சினிமாவில் ஆச்சி என பல ரசிகர்கள் மற்றும் பிரபலங்களால் கொண்டாடப்பட்ட நடிகை. இவர் தமிழ் சினிமாவில் 1000 படங்களுக்கு மேல் நடித்து பல சாதனைகளை செய்துள்ளார். தொடக்க காலத்தில் நகைச்சுவை கதாபாத்திரத்தில் நடித்து வந்துள்ள இவர், பின்னர் அடுத்தடுத்து குணச்சித்திர கதாபாத்திரம், துணை கதாபாத்திரம் என திரைப்படங்களில் பல்வேறு கதாபாத்திரத்தில் நடித்து அசத்தியுள்ளார். ஒரு காலத்தில் இவர் நடிக்காத பெரிய படங்களே இல்லை என்ற நிலைக்கு தமிழ் சினிமா இருந்துள்ளது.  

நயன்தாரா - தமிழ் சினிமாவில் லேடி சூப்பர் ஸ்டார் என ரசிகர்கள் மத்தியில் பிரபலமானவர், நயன்தாரா. இவர் 2005ஆம் ஆண்டு ஐயா என்ற தமிழ் படத்தில் நடித்து நடிகையாக அறிமுகமானவர். தொடக்கத்தில் மலையாள சினிமா சின்னத்திரையில் ஒரு தொகுப்பாளினியாக இவர் பணியாற்றியுள்ளார். தற்போது பெரிய அளவில் ரசிகர்களை கவர்ந்து ஒரு முன்னணி நடிகையாக தமிழ் மற்றும் தென்னிந்திய சினிமாவில் பிரபலமாகியுள்ளார். இவரது திரைப்பயணத்தில் பல சறுக்கல்களை கண்டுள்ள இவர் அதிலிருந்து மீண்டு மீண்டும் தனது இடத்தை தக்கவைத்து பலரை ஆச்சரியப்படுத்தியுள்ளார்.

சுதா கொங்கரா - தமிழ் சினிமாவில் இயக்குனராக பணியாற்றி புகழ் பெற்றுள்ளார். இவர் சூரரைப் போற்று, இறுதிச்சுற்று என பல படங்களை இயக்கி பல ரசிகர்களின் மனதை வென்றுள்ளார். இயக்குனர் துறையில் பல பெண்கள் பணியாற்றி வந்தாலும், சுதா கொங்கரா தமிழ் சினிமாவில் தனக்கென ஒரு முக்கியத்துவம் உடைய இடத்தினை பெற்று பெரிய அளவில் பிரபலமாகியுள்ளார்.

திவ்யதர்ஷினி (DD) - தமிழ் சினிமாவில் ஒரு குழந்தை நட்சத்திர நடிகையாக அறிமுகமாகி, பின்னர் தொகுப்பாளினியாக பணியாற்றி பிரபலமானவர். இவர் ஸ்டார் விஜய் தொலைக்காட்சியில் தொகுப்பாளினியாக பணியாற்றி பெரிய அளவில் புகழ் பெற்று, தற்போது வெள்ளித்திரை சினிமாவில் ஒரு சில கதாபாத்திரத்தில் நடித்து வருகிறார்.