ஆணினமே உன்னை வணங்குமே; தமிழ் சினிமாவில் பெண்களை மையப்படுத்தி எடுக்கப்பட்ட படங்கள்

சீனு ராமசாமி இயக்கிய தென்மேற்கு பருவக்காற்று திரைப்படம்  2010 ஆம் ஆண்டு வெளிவந்து மக்களிடைய நல்ல வரவேற்பை பெற்ற படம். இந்த படத்தில் விஜய் சேதுபதி, சரண்யா பொன்வண்ணன், வசுந்தரா சீத்ரா முன்னணி கதாபாத்திரத்தில் நடித்துள்ளனர். இந்தப் படம் சரண்யா பொன்வண்ணனின் அசத்தலான நடிப்பிற்காக நேஷனல் அவார்ட் பெற்று தந்தது. மற்றும் கவிஞர் வைரமுத்துவிற்கும் நல்ல பாடல்களுக்கான நேஷனல் அவார்டை பெற்று தந்தது. இந்தப் படம் கணவனை இழந்து தவிக்கும் ஒரு தாய் அவளது மகனை எவ்வளவு கஷ்டப்பட்டு வளர்கின்றார் என்பதை இந்த படம் நமக்கு உணர்த்தும். ஒரு தாயின் மதிப்பை அனைவரும் உணரும் வகையில் இந்தப் படம் உருவாக்கப்பட்டுள்ளது.

எட்டு வருடங்களுக்கு பிறகு நடிகை ஜோதிகா தமிழ் சினிமாவில் ரீ- என்ட்ரி கொடுத்த படம் தான் 36 வயதினிலே, இது ஒரு நகைச்சுவை திரைப்படம் இது மலையாளத்தில் 2014-ஆம் ஆண்டு வெளிவந்த ஹவ் ஓல்ட் ஆர் யூ? எனும் திரைப்படத்தின் அதிகாரப்பூர்வமான ரீமேக். இந்த படத்தினை ரோஷன் ஆண்ட்ரூஸ் எழுதி இயக்கி உள்ளார். இதில் ரஹ்மான், நாசர், இளவரசு, சித்தார்த்தா பாசு மற்றும் அபிராமி ஆகியோர் முக்கிய கதாபாத்திரத்தில் நடித்துள்ளார். இந்த படத்திற்கு சந்தோஷ் நாராயணன் இசை அமைத்துள்ளார். இந்த படத்தில் சிறந்த நடிப்பினை வெளிப்படுத்தியதற்காக ஜோதிகாவிற்கு ஃபிலிம்ஃபேர் அவார்டு மற்றும் ஸ்டேட் அவார்டு வழங்கப்பட்டது. 

சுதா கொங்கரா எழுதி, இயக்கி 2016 ஆம் ஆண்டில் வெளிவந்த இறுதிச்சுற்று திரைப்படம் ஒரு ஸ்போர்ட்ஸ் டிராமா படம். இது ஒரு வுமன் சென்ட்ரிக் படமாக உருவாகி இருந்தாலும் மாதவனுக்கு இது ஒரு கம் பேக் படமாக அமைந்தது. இந்தப் படத்தில் மதி கதாபாத்திரத்தில் ரீத்திகா சிங் அறிமுக நாயகியாக நடித்துள்ளார். இந்த படத்திற்கு சந்தோஷ் நாராயணன் இசை மேலும் ஒரு பிளஸ் பாயிண்ட். இந்தப் படம் தமிழ் ஹிந்தி என்னும் இரண்டு மொழிகளில் உருவானது. திறமை இருக்கும் மீனவ சமூகத்தின் சேர்ந்த ஒரு பெண் எவ்வாறு நல்ல வழிகாட்டுதலின் மூலம் வெற்றி பெறுகிறார் என்பதே இந்த படத்தின் கதைக்களம்.

2017-ஆம் ஆண்டு கோபி நைனார் எழுதி, இயக்கி நயன்தாரா முன்னணி கதாபாத்திரத்தில் நடித்த படம் தான் அறம். இந்தப் படத்தில் ஆழ்த்துழாய் கிணற்றில் விழுந்த குழந்தையை மீக்கப் போராடும் ஒரு கலெக்டராக நயன்தாரா நடித்துள்ளார். அந்த சமயத்தில் தமிழ்நாட்டில் பல சம்பவங்கள் இதுபோல் நடந்து கொண்டு இருந்ததால் இந்த படம் பெரிதும் பேசப்பட்டது. துணை வேடங்களில் ராமச்சந்திரன் துரைராஜ் மற்றும் சுனு லட்சுமி நடித்துள்னனர். இந்த படத்திற்கு கிப்ரான் இசை அமைத்துள்ளார். இந்த படம் வெளியாகி வசூல் ரீதியாகவும் விமர்சன ரீதியாகவும் நல்ல வரவேற்பை பெற்றது.

அருவி 2017 ஆம் ஆண்டு வெளியான அரசியல் திரைப்படமாகும், இது அருண் பிரபு புருஷோத்தமன் எழுதி இயக்கியுள்ளார். இதுவே இவரது முதல் படம் ஆகும். அதிதி பாலன், அஞ்சலி வர்தன், லக்ஷ்மி கோபாலசாமி, பிரதீப் ஆண்டனி மற்றும் முகமது அலி பெய்க் ஆகியோர் முன்னணி கதாபாத்திரத்தில் நடித்துள்னனர். ஒவ்வொரு பெண்ணும் பார்க்க வேண்டிய படம் என்று பட்டியல் எடுத்தால் இந்த படம் அதில் கட்டாயமாக இருக்கும். இந்த படம் விமர்சன ரீதியாகவும் வசூல் ரீதியாகவும் நல்ல வரவேற்பை பெற்றது இருப்பினும் இந்த படத்தின் மீது சிலருக்கு கருத்து வேறுபாடுகளும் இருந்தது.