கள்வன் முதல் பேமிலி ஸ்டார்: இந்த வார ரிலீஸ் படங்களில் பெஸ்ட் படம் என்ன தெரியுமா?

கள்வன் - இயக்குனர் பிவி ஷங்கர் இயக்கத்தில் நடிகர் ஜி வி பிரகாஷ் குமார், பாரதிராஜா, இவானா என பல பிரபலங்கள் இணைந்து நடித்திருக்கும் திரைப்படம். இப்படத்தினை தயாரிப்பாளர் டில்லி பாபு 'அக்சஸ் பிலிம் பேக்டரி' நிறுவனம் மூலம் தயாரிக்க, இசையமைப்பாளரும் இப்படத்தின் நாயகனுமான ஜி வி பிரகாஷ் குமார் இப்படத்தின் பாடல்களுக்கு...

டபுள் டக்கர் - இயக்குனர் மீரா மஹதி இயக்கத்தில் தீரஜ், ஸ்ம்ருதி வெங்கட், கோவை சரளா, முனீஷ்காந்த் என பல தமிழ் சினிமா திரைப்பட நட்சத்திரங்கள் நடித்திருக்கும் நகைச்சுவை திரைப்படம். இப்படத்தினை தயாரிப்பாளர் சந்துரு தயாரிக்க, இசையமைப்பாளர் வித்யாசாகர் இசையமைத்துள்ளார்.இந்த 2024 கோடை கால விடுமுறைக்கு வெளியாகியுள்ள டபுள்...

தி பேமிலி ஸ்டார் - இயக்குனர் பரசுராம் இயக்கத்தில் விஜய் தேவரகொண்டா, மிருணாள் தாகூர் என பலர் நடித்திருக்கும் குடும்ப திரைப்படம். இப்படத்தினை தயாரிப்பாளர் தில் ராஜு தயாரிக்க, இசையமைப்பாளர் கோபி சுந்தர் இசையமைத்துள்ளார்.தமிழ் & தெலுங்கு திரையரங்கில் வெளியாகியுள்ள தி பேமிலி ஸ்டார் திரைப்படம், ரசிகர்கள்...

வொயிட் ரோஸ் - இயக்குனர் கே ராஜசேகர் இயக்கத்தில் 'கயல்' ஆனந்தி, ஆர் கே சுரேஷ் என பல தமிழ் திரைப்பட நட்சத்திரங்கள் நடித்திருக்கும் திரில்லர் திரைப்படம். இப்படத்தினை தயாரிப்பாளர் ரஞ்சனி 'பூம்பாறை முருகன் புரொடக்சன்ஸ்' நிறுவனத்தின் மூலம் தயாரிக்க, இசையமைப்பாளர் சுதர்ஷன் இசையமைத்துள்ளார்.

ஒரு தவறு செய்தால் - இயக்குனர் மணி தாமோதரன் இயக்கத்தில் எம் எஸ் பாஸ்கர், உபாசனா, நமோ நாராயணன் என பலர் நடித்திருக்கும் திரைப்படம். இப்படத்திற்கு இசையமைப்பாளர் கே எம் ராயன் இசையமைத்துள்ளார்.

ஆலகாலம் - இயக்குனர் ஜெய கிருஷ்ணமூர்த்தி இயக்கத்தில் ஈஸ்வரி ராவ், சாந்தினி தமிழரசன், தங்கதுரை, பாபா பாஸ்கர் என பலர் நடித்திருக்கும் திரைப்படம். இப்படத்திற்கு இசையமைப்பாளர் என் ஆர் ரகுநந்தன் இசையமைத்துள்ளார்.

இரவின் கண்கள் - இயக்குனர் சுரேஷ் குமரன் தானே இயக்கி, நாயகனாக நடித்திருக்கும் திரைப்படம். இப்படத்தில் இவருடன் இணைந்து டோலி ஐஷு, கிரி திவாரக்கிஷ், அழகு ராஜா என பலர் நடித்துள்ளனர். இப்படத்தினை தயாரிப்பாளர் பிரதாப் தயாரிக்க, இசையமைப்பாளர் சார்லஸ் தனா இசையமைத்துள்ளார்.

சத்யமங்கலம் அருகே ஒரு கிராமத்தில் திருடர்களாக வலம் வரும் ஜி.வி. பிரகாஷ் மற்றும் கேபிஒய் தீனா இருவரும் ஒரு கட்டத்துக்கு மேல் தங்கள் ஊரில் திருடவே இடமில்லை என்பதை அறிந்து பக்கத்து ஊரில் திருட செல்கின்றனர். வழக்கம்போல ஹீரோயின் இவானா வீட்டுக்கு சென்று திருட போகும் இடத்தில் சிக்கி கொள்கிறார் ஜி.வி. பிரகாஷ். அதன் பின்னர் ஹீரோயினுடன் காதல் மலர்கிறது. ஹீரோயினை ஊருக்கு திருமணம் செய்து கூட்டிட்டு வருவார் என பார்க்கும் போது அங்கே செம ட்விஸ்ட்டாக வயதான பாரதிராஜாவை வீட்டுக்கு அழைத்து வருகிறார் ஜி.வி. பிரகாஷ். காட்டையும் காட்டு விலங்கான யானையை காப்பாற்ற வேண்டும் என ஆரம்பித்த கதை கடைசியில் முதியவர்களை தவிக்க விடக்கூடாது என முடித்துள்ளனர்.

சிறு வயதில் ஏற்படும் விபத்து காரணமாக அரவிந்த் (தீரஜ்) முகத்தில் தழும்பு ஏற்படுகிறது. அப்படியிருக்கும் நபரை பலரும் வெறுத்து ஒதுக்குகின்றனர். அவரை பாரு என்கிற கதாபாத்திரத்தில் நடித்துள்ள ஸ்ம்ருதி வெங்கட் காதலிக்க தொடங்கும் நேரத்தில் ரைட் மற்றும் லெஃப்ட் வந்து அரவிந்தின் உயிரை தவறுதலாக பறித்து விடுகின்றனர். 

மீண்டும் அந்த உடலில் உயிரை சேர்த்து விடலாம் என பார்த்தால், பாடி மிஸ்ஸிங். ஆவியாக இருக்கும் ஹீரோவுக்கு அவரை போலவே உருவ ஒற்றுமை கொண்ட ராஜா எனும் நபரின் உடல் தற்காலிகமாக கிடைக்கிறது. இந்த உடல் ஹேண்ட்ஸமாக இருந்தாலும், எனக்கு என் உடல் தான் வேணும் என அடம்பிடிக்கும் ஹீரோவுடன் சேர்ந்துக் கொண்டு அவரது உடலை தேடிக் கண்டு பிடிக்கும் பணியில் அந்த லெஃப்ட் ரைட் இறங்குகிறது. கடைசியில் என்ன ஆனது என்பது தான் படத்தின் கிளைமேக்ஸ்.

பட்ஜெட் பத்மநாபன் போல ஒரு ரூபாய் செலவு செய்தாலும் பார்த்து பார்த்து செலவு செய்யும் கோவர்தன் எனும் கதாபாத்திரத்தில் விஜய் தேவரகொண்டா நடித்துள்ளார். அவரது வீட்டில் மிருணாள் தாகூர் இந்து எனும் கதாபாத்திரத்தில் குடி வருகிறார். ஆரம்பத்தில் இந்துவுக்காக பறந்து பறந்து உருகி உருகி வரும் ஃபேமிலி ஸ்டார் கோவர்தன் ஒரு கட்டத்தில் இந்துவுடைய மோடிவ் தெரிந்துக் கொண்டு அவரை வெறுத்து ஒதுங்க ஆரம்பிக்கிறார். ஆனால், விடாது கருப்பாக இந்து துரத்த இருவரும் சேர்ந்தார்களா? இல்லையா? இருவருக்கும் இடையே என்ன பிரச்சனை? என்பது தான் இந்த ஃபேமிலி ஸ்டார் படத்தின் கதை.

இந்த வாரம் தமிழ் சினிமாவில் 7 திரைப்படங்கள் வெளியாகியுள்ளன, இதில் 6 தமிழ் படங்களும் 1 டப்பிங் படங்களும் அடங்கும். ஜி வி பிரகாஷ் நடித்துள்ள கள்வன், பின் டபுள் டக்கர், வொயிட் ரோஸ் படங்கள் வெளியாகி ரசிகர்களின் கவனத்தை பெற்றுள்ளார். மேலும் ஒரு தவறு செய்தால், ஆலகாலம், இரவின் கண்கள் ஆகிய சிறு பட்ஜெட் படங்கள் வெளியாகியுள்ளது. நடிகர் விஜய் தேவர்கொண்டா மற்றும் மிருனாள் தாக்குர் இணைந்து நடித்திருக்கும் தி பேமிலி ஸ்டார் படம் தமிழ் - தெலுங்கு என இரு மொழியில் வெளியாகி பலரின் கவனத்தை கவர்ந்துள்ளது.

இந்த வாரம் ஏப்ரல் 5, 2024ல் வெளியான படங்களில் சிறந்த திரைப்படமாக டபுள் டக்கர் படம் தேர்வாகியுள்ளது. கோடைகால விடுமுறைக்கு திரைக்கு வந்திருக்கும் குழந்தைகளுக்கான படமாக டபுள் டக்கர் படம் பலரின் கவனத்தை கவர்ந்துள்ளது. நவீன கிராபிக்ஸ் தொழில்நுட்பம் உதவில் இந்த படம் உருவாகி பலரின் ரசனைகளை ஈர்த்துள்ளது.