10 நாளில் 'கேப்டன் மில்லர்' படம் உலகளவில் படைத்த வசூல் சாதனை பற்றி தெரியுமா? - முழு விவரங்கள் இதோ

கேப்டன் மில்லர் இயக்குனர் அருண் மாதீஸ்வரன் இயக்கத்தில் தனுஷ், பிரியங்கா மோகன், சிவ ராஜ் குமார் என பல திரைப்பட முன்னணி நட்சத்திரங்கள் நடித்திருக்கும் அதிரடி திரில்லர் திரைப்படம். இப்படத்தினை தயாரிப்பாளர் தியாகராஜன் 'சத்யா ஜோதி பிலிம்ஸ்' தயாரிப்பு நிறுவனத்தின் மூலம் தயாரிக்க, இசையமைப்பாளர் ஜி வி பிரகாஷ் குமார் இசையமைத்துள்ளார். அதிரடி திரைக்கதை படமாக உருவாகியுள்ள கேப்டன் மில்லர் திரைப்படத்திற்கு ஒளிப்பதிவாளர் சித்தார்த்த நுனி ஒளிப்பதிவு செய்ய, படத்தொகுப்பாளர் நாகூரான் ராமசந்திரன் எடிட்டிங் செய்துள்ளார்.

இப்படம் 2024 பொங்கல் பண்டிகை முன்னிட்டு ஸ்பெஷல் ரிலீஸ் படமாக திரையரங்கில் உலகமெங்கும் வெளியாகியுள்ளது. கேப்டன் மில்லர் திரைப்படத்தினை சத்யா ஜோதி பிலிம்ஸ் நிறுவனம் தயாரிக்க, இப்படத்தினை தமிழகம் முழுவதும் லைக்கா நிறுவனம் கைப்பற்றி விநியோகம் செய்துள்ளது. இப்படம் நடிகர் தனுஷ் திரைப்பயணத்தில் இவர் நடிக்கும் 47வது திரைப்படமாகும்.

கோயிலுக்கு அருகில் இருக்கும் குடிசைகளில் வசிக்கும் பிற்படுத்தப்பட்ட மக்கள் கோயிலுக்குள் நுழையக் கூடாது என அந்த பகுதி ராஜாவான ஜெயபிரகாஷ் அதிகாரம் செலுத்தி வருகிறார். ஆனால், அவரும் அவர் மகனுமான ஜான் கொக்கன் இருவரும் வெள்ளையர்களுக்கு அடிமைகளாக உள்ளனர். அந்த பெரிய வீட்டில் வளர்ப்பு மகளாக இருக்கும் வேல்மதி (பிரியங்கா மோகன்) போராளிகளின் இயக்கத்தில் சேர்ந்து விடுகிறார். அவரை கொல்ல ஜெயபிரகாஷ் ஆட்கள் வரும் போது தனுஷ் அவரை காப்பாற்றி அனுப்புகிறார்.

ஈசன் எனும் கதாபாத்திரத்தில் தனுஷும் அவரது அண்ணனாக செங்கோலன் எனும் கதாபாத்திரத்தில் சிவ ராஜ்குமாரும் நடித்துள்ளனர். போராட்ட இயக்கத்தில் செங்கோலன் செயல்பட்டு வரும் நிலையில், தனது தம்பியையும் தனது இயக்கத்திற்கு வர அழைக்கிறார். ஆனால், சுதந்திரத்தை வாங்கி இந்த ராஜாவுக்குத் தானே கொடுக்கப் போற அவனுங்க நம்மள கோயில் உள்ளே விட மறுக்கின்றனர். நான் பட்டாளத்துல போய் சேரப்போறேன் என ஆங்கிலேயர்களின் பட்டாளத்தில் தனுஷ் சேர்கிறார்.

பின்னர் சுதந்திர போராட்டத்திற்காக பாடுபடும் தனது மக்களையே சுட்டு வீழ்த்த வேண்டிய சூழல் வரும் போது தனுஷின் அண்ணன் செங்கோலன், பிரியங்கா மோகனின் கணவர் உள்ளிட்டோரை தனுஷ் சுட்டுக் கொன்று விட்டதாக கூறப்படுகிறது. பின்னர், அந்த பழி உணர்ச்சியில் இருந்து மீள கொள்ளைக் கூட்டத்தில் சேரும் தனுஷ் செய்யும் ஒரு காரியத்தால் அந்த ஊரையே ஆங்கிலேயர்கள் அழிக்க வருகின்றனர். ஆங்கிலேயர்களிடம் இருந்து தனது ஊரை தனுஷ் காப்பாற்றினாரா? கோயில்களுக்கு மக்கள் சென்றார்களா? அராஜகம் செய்த ராஜாவின் குடும்பத்தினர் என்ன ஆனர்கள்? என்பது தான் படத்தின் மீதிக்கதை.

கேப்டன் மில்லர் - உள்ளே நுழையக் கூடாதுன்னு எந்த கடவுளும் சொல்லல!

விமர்சன ரீதியாக கேப்டன் மில்லர் திரைப்படம் சிலரை திருப்திபடுத்தியுள்ளது, சிலரை முகம் சுளிக்க வைத்துள்ளது. இப்படம் வெளியான நாள் முதல் கலவையான விமர்சனத்தை பெற்று ரசிகர்களின் பொறுமையை சோதித்து, தற்போது பேசப்படுகிறது.

கேப்டன் மில்லர் திரைப்படத்தின் டிஜிட்டல் ஸ்ட்ரீமிங் உரிமையை அமேசான் பிரைம் வீடியோ நிறுவனம் கைப்பற்றியுள்ளது. இப்படத்தின் தொலைக்காட்சியில் ஒளிபரப்புவதற்கான உரிமையை சன் டிவி நிறுவனம் பெற்றுள்ளது என தகவல்கள் வெளியாகியுள்ளன, படக்குழு சார்பில் இதனை பற்றிய அறிவிப்பு அதிகாரப்பூர்வமாக இன்னும் வெளியாகவில்லை.

ஜனவரி மாதம் 12ல் வெளியான கேப்டன் மில்லர் திரைப்படம், இந்த ஆண்டு பொங்கல் பண்டிகை ஸ்பெஷல் படமாக தமிழ் திரையில் திரையிடப்பட்டது. வெளியான நாளில் இருந்து மந்தமான வசூலில் இப்படம் இருந்ததால் பல விமர்சனங்கள் இப்படத்திற்கு எழுந்தன. இறுதியில் இப்படம் முதல்  நாள் வசூல் முடிவில் கேப்டன் மில்லர் திரைப்படம், 100 கோடிகள் வசூலை நெருங்கியுள்ளது என படக்குழு அறிவித்துள்ளது. சமூக வலைத்தளத்தில் பணியாற்றி வரும் பல திரைப்பட விமர்சகர்கள் மற்றும் பிரபலங்கள் கேப்டன் மில்லர் 100 கோடி வசூலை நெருங்கியது என பதிவேற்றி வருகின்றனர்.

இணையத்தில் பிரபலமான விக்கிப்பீடியா பக்கத்தில் கேப்டன் மில்லர் திரைப்படம் 10 நாள் வசூல் முடிவில் உலகளவில் இப்படம் 100 கோடி வசூலை நெருங்கியதாக ஒரு தொகையயை அறிவித்துள்ளது.

கேப்டன் மில்லர் திரைப்பம் வசூல் ரீதியாக 100 கோடிகளை கடந்து அதனை படைத்துள்ள நிலையில், தனுஷுக்கு வெற்றி படங்களின் எண்ணிக்கை அதிகரித்துள்ளது. வாத்தி, அசுரன், திருச்சிற்றம்பலம் ஆகிய படங்களை தொடர்ந்து தற்போது கேப்டன் மில்லர் திரைப்படம் 100 கோடிகள் வசூல் கடந்து சாதனை படைத்திருக்கிறது.

இந்த ஆண்டு பொங்கல் பண்டிகை ஸ்பெஷல் படங்களாக வெளியான தமிழ் படங்களில் அயலான் vs கேப்டன் மில்லர் என தமிழ் சினிமாவில் ரசிகர்களால் பெரிய அளவில் பேசப்பட்டது. இதில் அயலான் - கேப்டன் மில்லர் என இரு படங்களும் வசூல் ரீதியாக மோதிக்கொண்டு வருகிறது. பலரால் கொண்டாடப்பட்ட இந்த இரண்டு படங்கள் இறுதியில் கேப்டன் மில்லர் வசூல் ரீதியாக முதல் இடத்தில் உள்ளது. இந்த ஆண்டு 2024ல் முதல் 100 கோடிகள் வசூல் செய்துள்ள படமாக இப்படம் சமூக வலைத்தளத்தில் கொண்டாடப்பட்டது.

இப்படத்தின் வசூல் தகவல்கள் பற்றிய அதிகாரபூர்வ அறிவிப்பு தயாரிப்பு நிறுவனத்தின் சார்பில் இன்னும் வெளியாகவில்லை.