முதலிடம் யாருக்கு? துணிவு Vs வாரிசு - 24 மணி நேர டிரைலர் ரெகார்ட்

நடிகர் அஜித்குமாரின் 61வது படமான துணிவு படம் 2023 பொங்கல் பண்டிகை முன்னிட்டு திரைக்கு வருகிறது. இந்த படத்தினை இயக்குனர் ஹச் வினோத் இயக்க, ஜிப்ரான் இசையில் தயாரிப்பாளர் போனி கபூர் தயாரித்துள்ளார்.

தளபதி விஜய்யின் லேட்டஸ்ட் படமான வாரிசு திரைப்படம்  2023 பொங்கல் பண்டிகை முன்னிட்டு திரைக்கு வருகிறது. இந்த படத்தினை தெலுங்கு பட இயக்குனர் வம்சி இயக்க, தமன் இசையமைக்க, தெலுங்கு திரையுலக முன்னணி தயாரிப்பாளர் தில் ராஜு தயாரித்துள்ளார்.

நடிகர் அஜித் குமாரின் துணிவு படமும், நடிகர் விஜய்யின் வாரிசு படமும் 2023 பொங்கல் பண்டிகை முன்னிட்டு ஜனவரி 11ல் ஒரே நாளில் திரைக்கு வருகிறது. தமிழ் சினிமாவில் பல கோடி ரசிகர்களால் கொண்டாடப்படும் முன்னணி நடிகர்களான விஜய் மற்றும் அஜித் குமாரின் முந்திய படங்கள், இதற்கு முன்பு ஒரே நாளில் ரிலீஸ் ஆகி ரசிகர்கள் மத்தியில் பெரிய கலவரத்தை ஏற்படுத்தியுள்ளது.

2013ஆம் ஆண்டு வெளியான அஜித் குமாரின் வீரம் மற்றும் விஜய்யின் ஜில்லா படங்கள் ரசிகர்கள் மத்தியில் பெரும் தாக்கத்தை ஏற்படுத்தியது. 10 ஆண்டுகளுக்கு பிறகு தற்போது மீண்டும் விஜய் & அஜித் திரைப்படங்கள் ஒரே நாளில் வெளியாகிறது. முதற்கட்டமாக துணிவு & வாரிசு திரைப்படத்தின் டிரைலர் யூ டியூப் செயலியில் வெளியாகி பல சாதனைகள் படைத்துள்ளது.

துணிவு திரைப்படத்தின் டிரைலர் 2022 டிசம்பர் 31 இரவு 7 மணிக்கு படக்குழு சார்பில் யூ டியூப் செயலியில் வெளியிடப்பட்டது. அதிரடி & திரில்லர் கதை அம்சம் கொண்ட துணிவு படத்தின் டிரைலர்க்கு தமிழ் சினிமாவில் பெரிய அளவில் வரவேற்பு கிடைத்தது. ரிலீஸ் ஆகி முதல் 24 மணி நேரத்திற்குள் துணிவு டிரைலர் 30 மில்லயன் வியூஸ் & 10 மில்லியன் லைக்ஸ் பெற்று சாதனை படைத்தது.

நடிகர் விஜய் நடித்துள்ள வாரிசு திரைப்படத்தின் டிரைலர் 2023 ஜனவரி 04 மாலை 5 மணிக்கு படக்குழு சார்பில் யூ டியூப் செயலியில் வெளியிடப்பட்டது. குடும்ப படமாக உருவாகியுள்ள இப்படம், பல கோடி ரசிகர்களின் ஆதரவில் ரிலீஸ் ஆகி முதல் 24 மணி நேரத்திற்குள் 23 மில்லயன் வியூஸ் & 1.8 மில்லியன் லைக்ஸ் பெற்று சாதனை படைத்துள்ளது.

தமிழ் சினிமாவில் இதுவரை வெளியான முன்னணி நடிகர்களின் டிரைலர்களை பின்னுக்கு தள்ளி 24 மணி நேர முதல் நாள் வியூஸ் பட்டியலில் நடிகர் அஜித்தின் துணிவு படத்தின் டிரைலர் 30 மில்லியன் வியூஸ் பெற்று முதல் இடத்தில் உள்ளது. இரண்டாம் இடத்தில் நடிகர் விஜய்யின் வாரிசு படத்தின் டிரைலர் 23 மில்லியன் வியூஸ் பெற்று இடம்பிடித்துள்ளது.

2023 பொங்கல் ரிலீஸ் படமாக அஜித்தின் துணிவு & விஜய்யின் வாரிசு படங்கள் வெளியாகவுள்ள நிலையில் முதற்கட்டமாக வெளியான இப்படத்தின் டிரைலரை ஒப்பிட்டு பார்த்தால் நடிகர் அஜித் குமாரின் துணிவு திரைப்படம் வெற்றி பெற்றுள்ளது. இதன் மூலம் இந்த டிரைலர் போட்டியில் வெற்றி பெற்று முதல் இடம் பிடித்தது நடிகர் அஜித்குமார் தான்.