விஜய் டிவி சீரியல்: அடுத்தடுத்து ஒரே சம்பவத்தில் பல சீரியலின் திரைக்கதை, கர்ப்பிணிகள் பாவம்

ஸ்டார் விஜய் - தமிழ் சினிமாவில் பலரின் கவனத்தை கவர்ந்து பிரபலமாகியுள்ள தமிழ் தொலைக்காட்சி சேனல். இந்த தொலைக்காட்சியில் பல சுவாரஸ்யமான பல சீரியல், திரைப்படங்கள், மற்றும் பல்வேறு ரியாலிட்டி நிகழ்ச்சியில் ஒளிபரப்பப்பட்டு மக்களின் கவனத்தை கவர்ந்து பிரபலமாகியுள்ளது. இந்த தொலைக்காட்சியில் ஒளிபரப்பாகும் பிரபல சீரியல் தொடர்களான பாக்கியலட்சுமி, தமிழும், சரஸ்வதியும், பாண்டியன் ஸ்டோர்ஸ் ஆகிய தொடர்கள் ஒரே திரைக்கதையில் உருவாகி பலர் மத்தியில் கேலி கிண்டலுமாக பேசப்பட்டு வருகிறது. இதனை பற்றிய முழு விவரத்தினை இங்கு காணலாம்.

தற்போது விஜய் தொலைக்காட்சியில் ஒளிபரப்பாகும் சீரியலில் பாக்கியலட்சுமி, பாண்டியன் ஸ்டோர்ஸ் என பல சீரியலில் கர்ப்பிணி கதாபாத்திரங்கள் உள்ளனர். இந்த தொலைக்காட்சி சீரியலில் கர்ப்பிணிகள் தவறி விழும் காட்சிகள் தொடர்ந்து நடந்து வருகிறது. முதலில் பாக்கிய லட்சுமி தொடரில் தொடங்கி தமிழும் சரஸ்வதியும், பாண்டியன் ஸ்டோர்ஸ் என திரும்ப திரும்ப ஒரே கதைக்களத்தில் இந்த தொலைக்காட்சி சீரியல் உருவாகி வருகிறது.

பாக்கியலட்சுமி சீரியல் தமிழ் சினிமாவில் பெரும் வரவேற்பு பெற்ற சீரியல் ஆகும். இந்த சீரியலின் கோபி - பாக்கிய கதாபாத்திரம் பெரிய அளவில் பேசப்பட்டு ரசிகர்கள் மத்தியில் பெரும் வரவேற்பு பெற்றுள்ளன. இந்த சீரியலில் ஜெனி என்னும் கதாபாத்திரம் கர்ப்பமாக உள்ளார். ஒரு காட்சியில் தரையில் வழுக்கி விழுந்து மருத்துவமனையில் அனுமதிக்கப்பட்டார், அச்சமயம் இந்த சீரியலின் TRP பெரிய அளவில் எகிறியது. இதனை தொடர்ந்து இந்த சீரியல் பல சமூக வலைத்தளத்தில் பேசப்பட்டது.

தமிழும் சரஸ்வதியும் - இந்த சீரியல் குடும்பம் மற்றும் தொழில் நிறுவனம் போன்ற கதைக்களத்தில் உருவாகி வருகிறது. இந்த தொடரில் வாசு என்னும் வசுந்தரா கதாபாத்திரம் கர்ப்பமாக இருக்கும் நேரத்தில் மாடி படியில் இருந்து கேழே விழுந்தார். இந்த காட்சி பெரிய அளவில் பேசப்பட்டது. பாக்கியலட்சுமி தொடருக்கு பின் இந்த சீரியலில் ஒரே மாதிரியான காட்சி உருவாகி பலரின் கவனத்தை கவர்ந்தது. 

பாண்டியன் ஸ்டோர்ஸ் தொடரில் தனம், முல்லை & ஐஸ்வர்யா என மூவர் கர்ப்பமாக உள்ளனர். இந்த சீரியல் தமிழ் திரையுலகில் பெரிய அழகில் பிரபலமான சீரியல் ஆகும். TRP ரேட்டிங் விஷயங்களில் பல முறை முன்னிலை அடைந்துள்ளது. இந்த சீரியலில் ஐஸ்வர்யா கதாபாத்திரம் முதலில் தவறி விழுந்து மருத்துவமனையில் அனுமதிக்கப்பட்டு ட்ரெண்டிங் ஆனார்.

பின் அதே பாண்டியன் ஸ்டோர்ஸ் சீரியலில் முல்லை ஒரு விபத்தில் மாட்டி விழுந்து 7 மாதத்தில் குழந்தையை பெற்றெடுத்துள்ளார். ஒரே சீரியலில் மீண்டும் மீண்டும் நடக்கும் திரைக்கதை ரசிகர்கள் மத்தியில் விறுவிறுப்பை குறைத்துள்ளது. மேலும் ரசிகர்கள் விஜய் தொலைக்காட்சியை கேலியும் கிண்டலுமாக இணையதளத்தில் விமர்சித்து வருகின்றனர்.