2022: தமிழகத்தில் முதல் நாள் வசூல் அள்ளிய டாப் 10 படங்களின் பட்டியல்

வலிமை - ஒரு போலீஸ் கதைக்களத்தில் மக்களுக்கு தேவையான பல கருத்துகளை உள்ளடக்கி ஒரு சுவாரஸ்ய படமாக திரையரங்கில் வெளியான திரைப்படம். இத்திரைப்படம் தமிழகத்தில் மட்டும் ரிலீஸ் முதல் நாளில் ₹ 36.17 கோடிகள் வசூல் செய்து சாதனை படைத்துள்ளது. இந்த ஆண்டின் தமிழ் சினிமாவில் ரிலீஸ் முதல் நாளில் அதிக வசூல் அள்ளிய முதல் திரைப்படமாகும், வலிமை.

பீஸ்ட் - இயக்குனர் நெல்சன் திலீப்குமார் இயக்கத்தில் விஜய், பூஜா ஹெக்டே முன்னணி நடிப்பில் வெளியாகி பலரால் கொண்டாடப்பட்ட திரைப்படம். இப்படம் உலகளவில் பெரிய அளவில் வசூல் சாதனை செய்துள்ளது. விமர்சனம் ரீதியாக பெரிய சரிவை கண்டுள்ள இப்படம், வசூல் ரீதியாக மிகப்பெரிய வெற்றி பெற்றுள்ளது. இத்திரைப்படம் தமிழகத்தில் மட்டும் ரிலீஸ் முதல் நாளில் ₹ 26.40 கோடிகள் வசூல் செய்துள்ளது.

இயக்குனர் மணிரத்னம் இயக்கத்தில் பிரமாண்ட படைப்பாக உருவான வரலாற்று திரைப்படம். இப்படத்தில் ஜெயம் ரவி, கார்த்தி, விக்ரம், ஐஸ்வர்யா ராய் என பலர் நடித்துள்ளனர். அதிரடி & குடும்ப படமாக உருவான இப்படம் ஒரு பான் இந்திய படமாக வெளியாகி உலகளவில் வசூல் மற்றும் விமர்சனம் ரீதியாக பலரால் கொண்டாடப்பட்ட திரைப்படம். இத்திரைப்படம் தமிழகத்தில் மட்டும் ரிலீஸ் முதல் நாளில் ₹ 25.86 கோடிகள் வசூல் செய்துள்ளது.

விக்ரம் - 35 ஆண்டுகளுக்கு பின்னர் கமல் நடித்துள்ள விக்ரம் படத்தின் தொடர்ச்சியாக இப்படம் வெளியாகியுள்ளது. அதிரடி மற்றும் திரில்லர் கதையில் உருவான இப்படம், வசூல் மற்றும் விமர்சனம் ரீதியாக பெரிய அளவில் புகழ் பெற்று பலரால் கொண்டாடப்பட்ட திரைப்படம். கமல்ஹாசன், விஜய் சேதுபதி, சூர்யா என பலர் நடிப்பில் இப்படம் உருவாகி இந்த ஆண்டு தமிழ் ரசிகர்கள் கொண்டாடிய படமாக புகழ் பெற்றுள்ளது. இத்திரைப்படம் தமிழகத்தில் மட்டும் ரிலீஸ் முதல் நாளில் ₹ 20.61 கோடிகள் வசூல் செய்துள்ளது.

எதற்கும் துணிந்தவன் (ET) - நடிகர் சூர்யா நடிப்பில் சன் பிக்சரஸ் தயாரிப்பில் வெளியான சூப்பர் ஹிட் திரைப்படம். இப்படம் பெரிய அளவில் தமிழ் சினிமாவில் பேசப்பட்டது. இத்திரைப்படம் தமிழகத்தில் மட்டும் ரிலீஸ் முதல் நாளில் ₹ 15.21 கோடிகள் வசூல் செய்துள்ளது. இப்படத்தில் சூர்யா, சத்யராஜ், பிரியங்கா மோகன் என பலர் நடித்துள்ளனர்.

ஆர் ஆர் ஆர் - பான் இந்திய படமாக வெளியாகி பல சாதனைகளை படைத்துள்ள பிரமாண்ட திரைப்படம். இப்படத்தினை இயக்குனர் எஸ் எஸ் ராஜமௌலி இயக்கியுள்ளார். ராம்சரண் & ஜூனியர் என் டி ஆர் நடிப்பில் உருவான இப்படம் உலகளவில் 1000 கோடிகளுக்கு மேல் வசூல் செய்து சாதனை படைத்துள்ளது. இத்திரைப்படம் தமிழகத்தில் மட்டும் ரிலீஸ் முதல் நாளில் ₹ 12.73 கோடிகள் வசூல் செய்துள்ளது. தற்போது இப்படம் ஆஸ்கார் விருத்திற்காக பரிந்துரைக்கப்பட்டுள்ளது.

திருசிற்றம்பலம் - தனுஷ், ராசி கண்ணா, நித்யா மேனன் நடிப்பில் உருவான அழகான காதல் & குடும்ப திரைப்படம். எந்த ஒரு ஆரவாரமும் விளம்பரமும் இல்லாமல் திரையரங்கில் வெளியான இப்படம் தமிழகத்தில் மட்டும் ரிலீஸ் முதல் நாளில் ₹ 9.52 கோடிகள் வசூல் செய்துள்ளது. மொத்தம் உலகளவில் இப்படம் 100 கோடிகளுக்கு மேல் வசூல் செய்து சாதனை படைத்துள்ளது. தனுஷின் யாரடி நீ மோகினி, குட்டி படங்களை மித்ரன் ஜவாஹர் இப்படத்தையும் இயக்கியுள்ளார்.

டான் - சிவகார்த்திகேயன் தானே தயாரித்து, நாயகனாக நடித்துள்ள நகைச்சுவை & குடும்ப திரைப்படம். இப்படத்தினை தமிழில் உதயநிதி ஸ்டாலின் விநியோகம் செய்துள்ளார். இப்படம் உலகளவில் 100 கோடிகளுக்கு மேல் வசூல் சாதனை செய்து அசத்தியுள்ளது. இத்திரைப்படம் தமிழகத்தில் மட்டும் ரிலீஸ் முதல் நாளில் ₹ 9.47 கோடிகள் வசூல் செய்துள்ளது. இப்படத்தில் சிவாவுடன் பிரியங்கா மோகன், எஸ் ஜே சூர்யா என பலர் நடித்துள்ளனர்.

கோப்ரா - நடிகர் விக்ரம் இரு வேடங்களில் நடித்து கலக்கிய திரில்லர் திரைப்படம். பான் இந்திய படமாக வெளியாகி பலரின் கவனத்தை கவர்ந்தது. இத்திரைப்படம் தமிழகத்தில் மட்டும் ரிலீஸ் முதல் நாளில் ₹ 9.28 கோடிகள் வசூல் செய்துள்ளது. வசூல் மற்றும் விமர்சனம் ரீதியாக இப்படம் தமிழ் சினிமாவில் பெரியவில் தோல்வியை சந்தித்துள்ள திரைப்படம்.

கே ஜி எஃப் 2 - இயக்குனர் பிரஷாந்த் நீல் இயக்கத்தில் யஷ் மற்றும் ஸ்ரீநிதி ஷெட்டி முன்னணி நடிப்பில் உருவான திரில்லர் & அதிரடி திரைப்படம். 2018ஆம் ஆண்டு வெளியான கே ஜி எஃப் முதல் பாகத்தின் தொடர்ச்சியாக இப்படம் உருவாகியுள்ளது. இப்படம் மிகப்பெரிய அளவில் தமிழ் ரசிகர்களால் கொண்டாடப்பட்ட டப்பிங் படமாகும். தமிழ் சினிமாவில் மட்டும் இப்படம் 100 கோடிகளுக்கு மேல் வசூல் செய்து பெரிய அளவில் சாதனை படைத்துள்ளது. இத்திரைப்படம் தமிழகத்தில் மட்டும் ரிலீஸ் முதல் நாளில் ₹ 8.24 கோடிகள் வசூல் செய்துள்ளது.