CWC 5: குக் வித் கோமாளி சீசன் 5 கோமாளிகள் இவங்க தான்... சிரிப்புக்கு பஞ்சம் இருக்காது!

புகழ் - ஸ்டார் விஜய் தொலைக்காட்சியில் ஒளிபரப்பான ரியாலிட்டி  நகைச்சுவை தொடர்களில் பங்கேற்று பிரபலமானவர். குக் வித் கோமாளி தொடர் நடிகர் புகழுக்கு மிக பெரிய புகழினை பெற்று தந்துள்ளது. இந்த ஷோ மூலம் நடிகர் புகழ் வெள்ளித்திரை படங்களில் நடிக்க வாய்ப்புகள் கிடைத்து தமிழ் சினிமாவில் பயணிக்கிறார்.

சுனிதா - ஸ்டார் விஜய் தொலைக்காட்சியில் ஒளிபரப்பாகும் குக் வித் கோமாளி தொடர் மூலம் தமிழ் சினிமாவில் பிரபலமானவர். இவர் ஜோடி நம்பர் 1 சீசன் தொடரில் ஒரு போட்டியாளராக பங்கேற்றுள்ளார். மேலும் ஐஸ்வர்யா ரஜினிகாந்த் இயக்கத்தில் தனுஷ் - ஸ்ருதி ஹாசன் நடித்துள்ள '3' திரைப்படத்தில் நாயகியின் தோழி கதாபாத்திரத்தில் இவர் நடித்துள்ளார்.

வினோத் - விஜய் தொலைக்காட்சியில் 'கலக்கப்போவது யாரு?' நிகழ்ச்சியில் போட்டியாளராக பங்கேற்று பிரபலமானவர், இவர் இந்த பிரபலத்தின் மூலம் குக் வித் கோமாளி தொடரில் நடிக்க ஆரம்பமாகியுள்ளார். இவர் பல தமிழ் வெள்ளித்திரை திரைப்படங்களில் நடித்துள்ளார்.

ராமர் - விஜய் தொலைக்காட்சியில் ஒளிபரப்பான சிரிச்சா போச்சு, கலக்க போவது யாரு?, கலக்கல் சாம்பியன் என பல நிகழ்ச்சியில் பங்கேற்று பிரபலமானவர். இவருக்கென ஸ்டார் விஜய் டிவி ரசிகர்கள் மத்தியில் பெரிய அளவில் வரவேற்பு உள்ளது. சின்னத்திரை மட்டுமில்லாமல் வெள்ளித்திரை படங்களிலும் பல்வேறு கதாபாத்திரத்தில் ராமர் நடித்து வருகிறார். தற்போது குக் வித் கோமாளி சீசன் 5 நிகழ்ச்சியில் இவர் கோமாளியாக பங்கேற்றுள்ளார்.

குரேஷி - கலக்கப்போவது யார்? போன்ற நகைச்சுவை நிகழ்ச்சியில் போட்டியாளராக பங்கேற்று விஜய் டிவி மூலம் பிரபலமானவர். இவர் குக் வித் கோமாளி நிகழ்ச்சியில் கோமாளியாக பல சீசன் தொடர்களில் பணியாற்றி புகழ் அடைந்துள்ளார். தற்போது மீண்டும் குக் வித் கோமாளி சீசன் 5 நிகழ்ச்சியில் கோமாளியாக பணியாற்ற உள்ளார்.

சரத் - விஜய் தொலைக்காட்சியில் 'கலக்கப்போவது யாரு?' நிகழ்ச்சியில் போட்டியாளராக பங்கேற்று பிரபலமானவர், இவர் இந்த பிரபலத்தின் மூலம் குக் வித் கோமாளி தொடரில் நடித்துள்ளார். சரத் தற்போது பல தமிழ் வெள்ளித்திரை திரைப்படங்களில் நடித்து மக்களின் கவனத்தை கவர்ந்துள்ளார்.

நாஞ்சில் விஜயன் - சிரிச்சா போச்சு போன்ற பல நகைச்சுவை நிகழ்ச்சியில் பங்கேற்று பிரபலமானவர், நாஞ்சில் விஜயன். இவர் குக் வித் கோமாளி சீசன் 5 நிகழ்ச்சி மூலம் கோமாளியாக தனது புதிய பயணத்தை தொடங்கியுள்ளார்.

ஷப்னம் - விஜய் தொலைக்காட்சியின் ராஜா ராணி, சன் தொலைக்காட்சியில் தெய்வமகள் போன்ற பல சின்னத்திரை சீரியல் தொடர்களில் நடித்து மக்களின் கவனத்தை பெற்றவர், ஷப்னம். தற்போது குக் வித் கோமாளி சீசன் 5 நிகழ்ச்சியில் கோமாளியாக பணியாற்ற ஒப்பந்தமாகியுள்ளார். இதன்முலம் தனது புதிய பயணத்தை தொடங்கியுள்ளார், ஷப்னம்.

அன்சிதா - ஸ்டார் விஜய் தொலைக்காட்சியில் ஒளிபரப்பாகி வரும் 'செல்லமா' சீரியலில் நாயகியாக நடித்து வருபவர், அன்சிதா. இவர் பல நேர்காணல்களில் எதார்த்தமான பதில் மற்றும் குழந்தைத்தனமான கியூட்நஸ் மூலம் பலரின் மனதை வென்றுள்ளார். தற்போது விஜய் தொலைக்காட்சியில் குக் வித் கோமாளி சீசன் 5 நிகழ்ச்சியில் கோமாளியாக பணியாற்ற உள்ளார்.

கேமி - விசாலி கேம்கர் என நிஜப்பெயரில் சினிஉலகில் அறிமுகமாகி, பின்னர் தனது பெயரை கேமி என்று மாற்றி அமைத்து கொண்டார். இவர் ரேடியோ மிர்ச்சி போன்ற சில நிறுவனங்களில் தொகுப்பாளர் பணி மூலன் மக்கள் மத்தியில் அறியப்பட்டுள்ளார். தற்போது இவர் குக் வித் கோமாளி சீசன் 5 நிகழ்ச்சியில் கோமாளியாக பணியாற்ற ஒப்பந்தமாகி விஜய் தொலைக்காட்சியில் அறிமுகமாகியுள்ளார்.