அண்ணனுடன் மோத துணிந்த தம்பி..! தனுஷின் வாத்தி vs செல்வராகவனின் பகாசூரன்

வாத்தி - இயக்குனர் வெங்கி அத்லூரி இயக்கத்தில் தனுஷ் முன்னணி கதாபாத்திரத்தில் நடித்துள்ள திரைப்படம். இப்படம் தமிழ் & தெலுங்கு என இரு மொழிகளில் உருவாகி வெளியாகிறது. இசையமைப்பாளர் ஜி வி பிரகாஷ் குமார் இசையில் பல முன்னணி நடிகர்களின் நடிப்பில் இப்படம் 2023, பிப் 17ல் உலகமெங்கும் ரிலீஸாகிறது.

பகாசூரன் - இயக்குனர் மோகன் ஜி இயக்கத்தில் நட்டி நடராஜன், செல்வராகவன் முன்னணி கதாபாத்திரத்தில் நடித்திருக்கும் திரில்லர் திரைப்படம். இசையமைப்பாளர் சாம் சி எஸ் இசையில் உருவாகியுள்ள இப்படம் 2023, பிப் 17ல் உலகமெங்கும் ரிலீஸாகிறது.

தமிழ் சினிமாவில் ஒரு முன்னணி நடிகர், பாடலாசிரியர், தயாரிப்பாளர் என பன்முகம் கொண்டு பணியாற்றி வரும் தனுஷ், தமிழ் திரைப்பட முன்னணி முக்கிய இயக்குனர்களில் ஒருவரான இயக்குனர் செல்வராகவன் இருவரும் நிஜத்தில் அண்ணன் - தம்பி உறவை கொண்டவர்கள். தனுஷின் முதல் படத்தினை இயக்கியது செல்வராகவன் தான்.

இயக்குனர் செல்வராகவன் & நடிகர் தனுஷ் கூட்டணியில் பல வெற்றி திரைப்படங்கள் உருவாகி தமிழ் சினிமாவில் பிரபலமாகியுள்ளது. காதல் கொண்டேன், மயக்கம் என்ன, புதுப்பேட்டை, நானே வருவேன் படங்கள் தமிழ் சினிமாவில் பலரால் கொண்டாடப்பட்டு பிரபலமான படங்களாகும். பின் செல்வராகவன் இயக்கிய படங்களுக்கு தனுஷ் பாடலாசிரியர் & பாடகராக பணியாற்றியுள்ளார்.

தற்போது 2023, பிப் 17ல் தனுஷின் வாத்தி திரைப்படமும், செல்வராகவன் நாயகனாக நடித்துள்ள பகாசூரன் படமும் ஒரே நாளில் வெளியாகிறது. கோலிவுட்டில் பிரபல சகோதரர்களாக பணியாற்றி வந்துள்ள இவர்கள் இந்த படங்களின் மூலம் ரசிகர்கள் மத்தியில் பல போட்டிகளை எழுப்பியுள்ளனர். இந்த போட்டியால் தனுஷ் - செல்வராகவன் ரசிகர்களை இணையதளத்தில் தங்களுக்கு பிடித்தவரை  போற்றியும், மற்றவரை தூற்றியும் வருகின்றனர்.

வாத்தி & பகாசூரன் பட டீசர் டிரைலர் வெளியாகி மக்கள் மத்தியில் பெரும் எதிர்பார்ப்பை ஏற்படுத்தியுள்ளது. இந்த படங்களின் முதல் சிங்கிள் பாடல்களான 'வா வாத்தி' & 'சிவா சிவாய' பாடல்கள் தமிழ் திரை ரசிகர்கள் மத்தியில் பெரிய அளவில் பிரபலமான பாடல்களாகும்.