இயற்கை சதியில் சிக்கிய துருவ நட்சத்திரம், இந்த வார டிச 8ல் வெளியாகுமா ஆகாதா?

துருவ நட்சத்திரம் (யுத்த காண்டம்) - இயக்குனர் கவுதம் வாசுதேவ் மேனன் இயக்கத்தில் விக்ரம் முன்னணி முக்கிய கதாபாத்திரத்தில் நடித்திருக்கும் அதிரடி - திரில்லர் திரைப்படம். இப்படத்தின் இயக்குனரான கவுதம் மேனன் தானே துருவ நட்சத்திரம் படத்தினை (ஒன்றாக என்டர்டைன்மெண்ட்) நிறுவனத்தின் மூலம் தயாரித்து தயாரிப்பாளராக அவதரித்துள்ளார். இப்படத்திற்கு இசையமைப்பாளர் ஹாரிஸ் ஜெயராஜ் இசையமைத்துள்ளார். ஸ்பை - திரில்லர் திரைக்கதையில் மிரட்டும் ஆக்ஷன் காட்சிகளில் உருவாகியுள்ள துருவ நட்சத்திரம் படத்திற்கு ஒளிப்பதிவாளர் மனோஜ் பரமஹம்ஸா, எஸ் ஆர் கதிர் மற்றும் விஷ்ணு தேவ் இணைந்து ஒளிப்பதிவு செய்ய, படத்தொகுப்பாளர் ஆன்டனி எடிட்டிங் செய்துள்ளார்.

இந்திய அரசாங்கத்தின் பாதுகாப்பிற்காக ரகசிய குழு ஒன்றினை நியமிக்கின்றனர். 11 நபர்கள் கொண்ட அந்த குழுவிற்கு கேப்டனாக விக்ரம் இருக்கிறது. தீவிரவாத செயல்களை கண்காணிப்பது மற்றும் அவர்களை தடுப்பது போன்ற பணிகளை அந்த ரகசிய குழு செய்து வருகிறது. சிலருக்கு இந்த தகவல்கள் தெரியவர, இந்த குழுவை நியமித்த அதிகாரியை கடத்தி இந்த குழுவை மிரட்டுகின்றார், வில்லன். இதனை விக்ரம் எப்படி சமாளித்து அவர்களை அழிக்கிறார் என்பதே படத்தின் கதைக்கரு.

துருவ நட்சத்திரம் திரைப்படத்தில் விக்ரம் நாயகனாக முன்னணி கதாபாத்திரத்தில் நடிக்க ரித்து வர்மா, பார்த்திபன், ராதிகா சரத்குமார், சிம்ரன், விநாயகன், வம்சி, சதிஷ், மாயா எஸ் கிருஷ்ணன், ஐஸ்வர்யா ராஜேஷ், திவ்யா தர்ஷினி என பல முன்னணி பிரபலங்கள் முக்கிய கதாபாத்திரத்தில் நடித்துள்ளனர்.

துருவ நட்சத்திரம் திரைப்படம் நடிகர் சூர்யா நடிப்பில் 2013 ஆம் ஆண்டு படப்பிடிப்பு தொடங்கவுள்ளது என படக்குழு சார்பில் அதிகாரப்பூர்வ அறிவிப்பு வெளியானது. பின் இப்படம் கைவிடப்பட்ட நிலையில் பல முன்னணி நடிகர்களிடம் பேச்சுவார்த்தை நடத்தப்பட்டு, இறுதியில் விக்ரம் நாயகனாக நடிக்க இப்படம் உருவாகிறது என தகவல்கள் வெளியானது.

இப்படத்தின் இயக்குனர் & தயாரிப்பாளரான கவுதம் மேனனின் கடன் சுமை இப்படத்தின் ரிலீஸ் தருணத்தில் பிரதிபலிக்க தொடங்கியது. கடனை செலுத்தாமல் இப்படம் வெளியிட முடியாது என்ற நிலைக்கு கவுதம் மேனன் தள்ளப்பட்டார். இறுதியில் பல பேச்சுவார்த்தை முடிவில் இப்படம் பல தேதிகளில் வெளியாகவும் என படக்குழு சார்பில் அதிகாரப்பூர்வ அறிவிப்புடன் விளம்பரங்கள் செய்து, இறுதியில் இப்படம் வெளியாகாமல் சிக்கலில் தவித்து வந்தது.

சமீபத்தில் இப்படம் 2023 நவம்பர் மாதம் 24ல் வெளியாகும் என எதிர்பார்த்த நிலையில் சில கடன் பிரச்சனை காரணத்தால் இப்படம் டிசம்பர் மாதம் தள்ளி சென்றது. தற்போது 2023 டிசம்பர் 8ல் இப்படம் உலகமெங்கும் வெளியாகவுள்ளது என படக்குழு சார்பில் அதிகாரப்பூர்வ அறிவிப்பு வெளியாகியுள்ளது.

தற்போது சென்னையில் பெய்து வரும் பெரும் மழை காரணமாக சென்னையில் மாநகரமே வெள்ளத்தில் தத்தளிக்கிறது. சைக்ளோன் மிக்ஜம் என்பதும் மிக்ஜம் புயலால் பெரும் இயற்கை சீற்றத்தை சந்தித்துள்ளனர், மக்கள். இந்த சமயம் ஏற்கனவே வெளியான அன்னபூரணி, பார்க்கிங் ஆகிய படங்கள் சென்னையில் உள்ள பல திரையரங்கில் திரையிடப்படாமல் உள்ளது.

டிச 8ல் வெளியாகும் என எதிர்பார்க்கப்படும் துருவ நட்சத்திரம் திரைப்படம், பல தடைகளை கடந்து இந்த வாரம் வெளியாகும் என ரசிகர்கள் மத்தியில் ஏதிர்பார்க்கப்பட்டது. மிக்ஜம் புயல் பாதிப்பு காரணமாக இந்த வாரம் துருவ நட்சத்திரம் திரைப்படம் வெளியாகுமா என்ற சந்தேகம் எழுந்துள்ளது. பல சதிகளுக்கு மத்தியில் வெளியாகாமல் இருக்கும் துருவ நட்சத்திரம், இந்த முறை இயற்கை சீற்றம் காரணத்தால் திரையரங்கில் வெளியிட சிக்கலில் உள்ளது.